Երևան, 18.Նոյեմբեր.2017,
--
:
--
,

Լուծումը հեղափոխության մեջ է. մնացած ամեն ինչը գեղեցիկ խոսքեր են


Մեր հյուրն է Հայ ազգային կոնգրեսի անդամ Նարեկ Սարգսյանը

– Պարոն Սարգսյան, ինչպիսի՞ն է ձեր կարծիքը ազգ–բանակ հայեցակարգի վերաբերյալ:

– Ես ունեմ նույն վերաբերմունքը, ինչ 2016 թվականի դեկտեմբերի 17–ի իր ելույթում ձևակերպեց ՀՀ առաջին նախագահ Լևոն Տեր–Պետրոսյանը: Նա էքսկուրս կատարեց աշխարհում հայտնի ազգ–բանակ մոդելների վրայով, հիմնականում անդրադարձավ շվեյցարական և իսրայելական մոդելներին: Ապա եզրահանգեց, որ հարկ չկա, որպեսզի մեր երկիրը գնա այդ ուղղությամբ:
Որովհետև մեր չորս հարևաններից երկուսի հետ մեր երկիրն ունի շատ լավ հարաբերություններ: Իսկ մյուս երկուսի ՝ Թուրքիայի և Ադրբեջանի հետ մեր հարաբերությունները կարող են կարգավորվել ղարաբաղյան հարցի լուծման պարագայում:

– Իսկ «Զինվորական ծառայության և զինծառայողի կարգավիճակի մասին» օրինագծի վերաբերյա՞լ ինչպիսին է ձեր տեսակետը: Այն բավականին հակասական ընդունելություն ունի հասարակության մոտ:

– 2008 թվականից սկսած՝ մեր իշխանություններն անընդհատ նոր իդեաներ են հրապարակ հանում: Եվ ժամանակը ցույց է տալիս, որ, չնայած ցանկացած նոր գաղափար մատուցվում է որպես ժողովրդի համար շատ օգտակար մի բան, բայց իրականում հետապնդում է բոլորովին այլ նպատակներ:
Մի օրինակ՝ տեղադրվեցին արագաչափերը: Ներկայացվեց, որ դա արվում է վթարների թիվը նվազեցնելու և երթևեկությունը բարելավելու համար: Բայց պարզվեց, որ արագաչափերը ներդրվեցին ընդամենը ժողովրդից գումար կորզելու համար: Որովհետև գոյություն ունի վիճակագրություն, և թվերն ասում են, որ Հայաստանում կրկին մեծ է և՛ վթարների, և՛ զոհերի թիվը: Դրանք չեն նվազել:
Ինչ վերաբերում է այս օրինագծին, ապա ակնհայտ է, պարզից էլ պարզ է, որ Հայաստանի բնակչությունը պակասում է: Եվ այն թվերը, որոնք հայտարարվում են պաշտոնապես , աղերս չունեն իրականության հետ: Հայաստանի բնակչությունը ոչ թե 2,9 միլիոն է, այլ՝ այն չի անցնում 2,2 միլիոնից: Գուցե անգամ 2 միլիոնի էլ չի հասնում: Որովհետև կան բազմաթիվ հաշվարկի մեխանիզմներ, որոնք այդ մասին են ասում: Թեկուզ՝ հիմք ընդունենք նախորդ տարիների և այս վերջին տարիների ծնելիության համադրությունը:
Այնպես որ, պարզ է դառնում մի բան՝ այս օրինագծի նպատակը բանակում զինվորների թվի ավելացման մեջ է: Քանզի ակնհայտ է, որ այս հանցավոր իշխանությունների վարած քաղաքականության հետևանքով բանակում զինվորների թվը խիստ պակասել է: Այսինքն՝ ընդամենը փորձ է արվում բանակը համալրել զինվորներով:

– Թեկուզ դա՝ բանակի համալրումը: Այս փաստը չի՞ խոսում օրինագծի անհրաժեշտության մասին:

– Ոչ: Բոլորովին: Տեղի է ունենում հետևյալը. կատարվել է հանցագործություն: Ընդ որում, ես շատ հեշտությամբ կարող եմ ապացուցել, որ արտագաղթը պարզ հանցագործության հետևանք է: Եվ հիմա աղետալի հետևանքը փորձում են չեզոքացնել կամ մեղմել մեկ այլ հանցագործությամբ: Փորձում են հիմա էլ գիտությունը վնասելու ճանապարհով դա անել:
Իսկ սա արդեն դանդաղ գործող ռումբ է: Որովհետև գիտությանը տրված վնասը դուք չեք կարող մեկ տարվա մեջ վերականգնել: Կանցնի մի տասը տարի, քսան տարի, և կպարզվի, որ գիտությունը փոշիացված է, այն եղած՝ մի փշուր գիտությունն էլ այլևս չի մնացել:

– Ելքը ո՞րն է. ի՞նչ անել: Իրավիճակը սա է, դրանից փախչել չենք կարող:

– Ելքը հեղափոխությունն է: Արդեն բոլոր գծերն անցել են, արդեն ոչ մի նորմալ մեթոդ չի փրկի: Արդեն Սահմանադրությունը փոխված է, և Սերժ Սարգսյանը բացարձակ ու լիակատար իշխանություն ունի խորհրդարան անցած բոլոր քաղաքական ուժերի վրա, բացարձակ իշխանություն ունի երկրի բոլոր ֆինանսական հոսքերի վրա:
Եվ այս պայմաններում քաղաքական նորմալ միջոցներն այլևս չեն կարող օգնել: Ստեղծվել է հեղափոխական իրավիճակ, և հարկավոր է ուժով իշխանափոխություն կատարել:
Եթե լուծում է անհրաժեշտ, ապա լուծումը սա է: Իսկ եթե իրական լուծումը չենք ուզում, ապա կարելի է կանգնել ու ժամերով խոսել, թե ինչքան լավ օրենքներ կարելի է ընդունել: Այն դեպքում, երբ այդ օրենքները, միևնույն է, չեն գործելու:

Գոհար Սարդարյան
«Փաստ» օրաթերթ

loading...
Զլատան Իբրահիմովիչը ցանկանում է վերադառնալ Շվեդիայի հավաքական Հայաստանում առաջիկա օրերն առանց տեղումների կլինեն Էրդողանը հայտարարել է թուրք զինվորներին Նորվեգիայից հետ կանչելու մասին Սամվել Կարապետյանն ընտրվել է Մոսկվայի «Արարատ»-ի նախագահ Ալեքսիս Օհանյանն ու Սերենա Ուիլյամսն ամուսնացել են Արոնյանը հաղթանակ տարավ ՖԻԴԵ-ի «Գրան պրիում» Դավիթ Լոքյանն ընդունել է Ասիական զարգացման բանկի հայաստանյան գրասենյակի փոխտնօրենին Գեղարքունիքի մարզում կատարվել է 11 հազար հեկտար աշնանացան Էրդողանը հայտնել է Թուրքիայի, ՌԴ-ի եւ Իրանի գլխավոր շտաբների պետերի առաջիկա հանդիպման մասին Մեքսիկան աջակցում է ՄԽ համանախագահների միջնորդությամբ ԼՂ խնդրի խաղաղ կարգավորմանը ԼՂ հարցում վերջնական խաղաղության հասնելու համար պետք է պահպանվի զինադադարը. Ալոիզիո Նունես Ֆերեիրա Տարոն Մարգարյանը հանդիպել է «Նեսթ Լաբս» ընկերության հիմնադիր Թոնի Ֆադելի հետ Հայաստանը մշտապես կողմ է ԼՂ խնդրի ինտենսիվ բանակցություններին. Նալբանդյանն արձագանքել է Ադրբեջանի հայտարարությանը Սերգեյ Մինասյանը՝ Ռումինիայում ՀՀ դեսպան Նորք-Մարաշի զինված խմբի գործով դատական նիստը հետաձգվեց ԱԺ-ն ընդունեց բժիշկների մասնագիտական գործունեությունը խոչընդոտելու համար խիստ պատիժ սահմանող օրինագիծը Իտալիայում մահացել Է «Կոզա նոստրայի» նախկին պարագլուխը Ակնաշենը հայկական լեռնաշխարհի վաղագույն նստակյաց բնակատեղին է. պեղվել են օձաքարից զարդեր, ուլունքներ ՊԵԿ պատվիրակությունն ուսումնասիրել է ավտոմատացված համակարգերի կիրառման ոլորտում Չինաստանի փորձը «Միկի` հայ հերոս» ֆիլմն արդեն հասանելի է համացանցում Թուրքիայում լուսային տարիներով հեռու են ԼՂ խնդրի էությունից. ՀՀ ԱԳՆ արձագանքը Էրդողանի հայտարարություններին Հայ ուսանողի ստացած գիտելիքը Հայաստանի ապագա ձեռքբերումների գրավականն է. Տարոն Մարգարյան Կառավարության որոշումը չի փրկի ընդդիմությանը Ուղիղ միացում ԱԺ-ից
Այսօր Այս շաբաթ Այս ամիս
website by Sargssyan