Ереван, 23.Ноябрь.2017,
--
:
--
,

Սերժ Սարգսյանը հակված չէ զիջել վարչապետի պաշտոնը. ինտրի՞գ, թե քաղաքական բլեֆ


2018 թ.–ից հետո վարչապետի թեկնածուի հարցը շարունակում է օրակարգում մնալ:
Մի կողմից չի բացառվում, որ նախագահ Սերժ Սարգսյանի և վարչապետ Կարեն Կարապետյանի միջև վարչապետի պաշտոնի շուրջ համաձայնություն է ձեռք բերվել: Մյուս կողմից էլ չի բացառվում, որ անգամ վարչապետի երրորդ թեկնածու կարող է հայտնվել:

Վերլուծական շրջանակներում կարծիքներն այս առումով ևս միանշանակ չեն: Գնահատելով ներքաղաքական իրավիճակը՝ քաղաքագետ Արմեն Գրիգորյանը կարծիք հայտնեց, թե վարչապետի երրորդ թեկնածու դժվար թե հայտնվի:

«Իսկ եթե հայտնվի, ապա միայն այն ժամանակ, երբ Սերժ Սարգսյան–Կարեն Կարապետյան, այսպես ասած, պայքարի արդյունքում ոչ ոք չկարողանա հաղթել: Այդ դեպքում միջանկյալ լուծում կմտածեն, ըստ որի՝ վարչապետ կլինի երրորդ անձը: Բայց այս պահին այդ հավանականությունը, համենայն դեպս, քիչ է: Շեշտադրումը հիմնականում Սերժ Սարգսյանի վարչապետ դառնալու վրա է դրված: Կարեն Կարապետյանն էլ է իրեն վարչապետ տեսնում: Բայց ընդհանուր առմամբ՝ մինչև 2018 թ. ապրիլ իրենց պայքարն ընթանալու է: Կ. Կարապետյանը փորձելու է իր տեղն ունենալ մրցավազքում»,– «Փաստ»–ի հետ զրույցում ասաց քաղաքագետը:

Արմեն Գրիգորյանն այնքան էլ համաձայն չէ այն տեսակետների հետ, թե Ս. Սարգսյանի և Կ. Կարապետյանի միջև վարչապետի պաշտոնի շուրջ համաձայնություն է ձեռք բերվել:
«Կարծում եմ՝ վարչապետի պաշտոնի շուրջ ինտրիգը մնում է: Հասկանալի է՝ Սահմանադրությունը փոխվել է միայն մեկ նպատակով, որ Ս. Սարգսյանը վարչապետ դառնա: Պարզապես անցած տարի «Սասնա ծռերի» գործողության արդյունքում խորը ճգնաժամ էր ստեղծվել և Ս. Սարգսյանը ճգնաժամից դուրս գալու իրավիճակային որոշում էր կայացրել: Այդ ժամանակ նա որոշակիորեն համաձայնություն էր ձեռք բերել Կ. Կարապետյանի վարչապետ դառնալու հնարավորության վերաբերյալ: Բայց հետագայում իր դիրքերն ամրապնդեց: Խորհրդարանական ընտրություններով և ընտրակեղծիքներով ապահովվեց ՀՀԿ–ի հաղթանակը: Սերժ Սարգսյանն այս պահին հակված չէ վարչապետի պաշտոնը զիջել Կարեն Կարապետյանին և այդ միտումը շարունակվում է: Իսկ Կ. Կարապետյանն ասել է, որ ուզում է 2018 թ.–ից հետո վարչապետ դառնալ: Նա փորձում է քայլեր կատարել, որ նպատակին հասնի»,–ընդգծեց քաղաքագետը՝ հավելելով, որ այս առումով ինտրիգը մինչև ապրիլ շարունակվելու է:

«Ըստ իս՝ վերջնական համաձայնություն չկա, թե ինչ որոշում է լինելու: Սերժ Սարգսյանն էլ չի կարողանում պատկերացնել: Տեսեք՝ ՀՀ–ի ներդրումները պակասել են, պետական պարտքը շարունակում է աճել, և տնտեսական մի շարք բացասական տենդենցներ կան, որոնք Սերժ Սարգսյանը չի կարող լուծել»,– նկատեց նա:

Ի տարբերություն Արմեն Գրիգորյանի՝ քաղաքագետ Լևոն Շիրինյանը կարծում է, որ վարչապետի թեկնածուի վեճ չկա, ավելին՝ ըստ նրա թեկնածու էլ չկա:

«Միակ թեկնածուն Ս. Սարգսյանն է: Եթե ֆորսմաժորային իրավիճակներ չլինեն, վարչապետ է լինելու ներկա նախագահը: Մնացածն անիմաստ խոսակցություններ են՝ քաղաքական տեխնոլոգիա՝ հայկական ձևով: Այդ ամենը քաղաքական խաղ ու բլեֆ է: Մեր իրականության մեջ այսպիսի խաղեր շատ են լինում: Ընտրությունները ասվածի վառ օրինակն են: 10 հոգի են առաջադրում, նախապես իմանալով, թե ով է հաղթելու: Ամբողջ կառավարումը փոխեց, որ ուրի՞շը նստի աթոռին»,–  նշեց քաղաքագետը:


Աննա Բադալյան

«Փաստ» օրաթերթ

loading...
Депутат в шелках и миллиардных долгах Данные ЦАМТО ошибочны- у Армении есть “Искандер” и “БУК” Министр обороны доложил президенту о старте новой программы социальной помощи семьям погибших или ставших инвалидами военнослужащих Карен Карапетян подчеркнул важность проектов, направленных на качественные изменения в сфере ИТТ Саакашвили уходит с поста губернатора Одесской области, виной тому – Порошенко Телеканал «Россия»: Россия и Армения ведут честную игру КРОУ склонна к снижению тарифа на электроэнергию Республиканская партия Армении не пойдет на кардинальные изменения во внешней или внутренней политике Виталий Баласанян назначен секретарем Совбеза НКР Для необеспеченных слоев населения тариф на газ составил 100 драмов Обновление ОДКБ идет на пользу Армении Президент потребовал постоянного внимания к регулированию дорожного движения "Газпром Армения" представила основные цели и факторы изменения газовых тарифов Азербайджан применил на линии соприкосновения гранатометы Армения – единственная в мире страна, где «воров в законе» не сажают – российская пресса «Газпром Армения» обратится в КРОУ по вопросу о пересмотре газовых тарифов Азербайджан более 55 раз нарушил режим перемирия Новая книга о Карсе и необходимости переосмыслить идею независимости Первопрестольный Эчмиадзин хотел бы видеть на престоле Константинопольского патриарха епископа Саака Машаляна Российские и сирийские ПВО выдворили турок из воздушного пространства Сирии Китайский М20 не может стать реальным конкурентом «Искандера»: его качество сомнительно Согласится ли Гагик Царукян возглавить новую партию? Новое кадровое назначение: главу ГСБПП Армена Айрапетяна сменит Ишхан Карапетян В приграничном Кохбе освящена новая церковь Сурб Григор Лусаворич Тема карабахского урегулирования уже давно не обсуждается в ходе встреч президентов (видео)
Сегодня За неделю За месяц
website by Sargssyan