Երևան, 19.Հուլիս.2018,
--
:
--
,

Պետական կառավարման մոդելներն ու մարդկության ապագան


Մեր հյուրն է իրավաբանական գիտությունների դոկտոր, ԵՊՀ պետության և իրավունքի տեսության ու պատմության ամբիոնի վարիչ Արթուր Վաղարշյանը

– Պարոն Վաղարշյան, մեր պետությունը այսօր ասես մի շարք առումներով հայտնված լինի փոսի մեջ ու չի կարողանում դուրս գալ այնտեղից: Ընդհանրապես, ժողովուրդների կամ պետությունների կյանքում ճգնաժամերն ինչպե՞ս են հաղթահարվում:

– Ճգնաժամերից դուրս գալու համար քաղաքագիտությունը մշակել է որոշակի ուղիներ: Պատմականորեն ժողովուրդները կարողացել են ստեղծված վիճակներից դուրս գալ այդ եղանակներով: Իսկ վերջիններիս առկայությունն ապահովել է պարզապես պետական իշխանության հեղինակությունը:
 Եվ եթե մենք մեր ժողովրդին չհասցրեցինք պետականության պաշտամունքի գիտակցությանը, դրանից ելնելով նաև՝ օրինահպատակ չդարձավ նա, ապա հաջողության չենք հասնի: Իսկ այդպես կլինի այն դեպքում, երբ ժողովուրդը վստահի իր իշխանություններին: Այսինքն՝ վերջիններս լինեն լեգիտիմ: Այս բառի համարժեքը, ըստ իս, իրավահեղինակությունն է: Այնքան հեղինակություն ունենան պետական կառույցներն իրենց բնակչի աչքում, որպեսզի վերջինս պատրաստ լինի անձնազոհության:

– Բնականաբար, մեզ մոտ այդպես չէ:

– Իհարկե, այդպես չէ: Եվ առաջին հերթին հենց օրինահպատակ չէ մեր ժողովուրդը: Իսկ թե այդ հատկանիշը որքան կարևոր է պետության ամրապնդման հարցում, գիտակցել է մեր մեծերից Շահամիր Շահամիրյանը: Կարդացեք «Որոգայթ փառաց»–ի ներածությունը: Այս մեծ մտածողը ևս ցանկանում էր տեսնել իր ազգի փառքը: Եվ այդ փառքին հասնելու միջոցը համարում էր պետությունը և օրենքը:
Իսկ պետականությունը, որն ազգերի հարատևման միջոցն է, ինչպես Մոնտեսքյուն էր ասում՝ փչացող միրգ է: Այն անհրաժեշտ բան է, բայց միաժամանակ փչանալու հատկություն ունի: Դրա համար մշտապես պետք է առողջ պահել կարողանաս:

– Այսօր մեր երկրում մի շարք նախաձեռնություններ կան, որոնք շեշտը դնում են հոգևոր դաշտի վրա: Կամ ավելի ճիշտ՝ բարոյական և հոգևոր: Այդ ճանապարհը մեզ տեղ կհասցնի՞:

– Դեռևս 19–րդ դարից սկսած՝ մարդկության մտածողները հասկացան, որ ինչ–որ իրենք արեցին ազատական հեղափոխությունների միջոցով, դեռևս ամենը չէ: Որովհետև նաև մեծ պրոբլեմներ ստեղծեցին մարդու համար: Նրա միջից հանեցին հոգևորը, նաև՝ կրոնը, ու տեղը ոչինչ չդրեցին:
Եվ կրկին խոսվում է այն մասին, որ հարկավոր է վերադառնալ սոցիալական կարգավորմանը՝ կրոնա–բարոյական սկզբունքների միջոցով:
Բայց ասեմ, որ այս հարցում հարկ չկա, որ մենք շտապենք ու առաջամարտիկ դառնանք: Ցանկության դեպքում էլ դա մեզ թույլ չեն տա: Այսինքն՝ թույլ չեն տա, որ հիմնադրենք հայկական թեոկրատիա: Տեսեք՝ մեր Սահմանադրությամբ մի «շնորհակալություն» ենք ասել մեր եկեղեցուն, անընդհատ փնովում են: Պետք է հավասարակշռված ձևով հոգևորը վերադարձնենք մարդուն: Որպեսզի մարդու նպատակը միայն սպառումը չլինի:

– Շատերը հիմա ասում են, որ աշխարհում պետությունների կառավարման ներկա մոդելը սպառել է իրեն, այլևս արդյունավետ չէ: Մարդկությունը կկարողանա՞ նոր մոդել ստեղծել, թե, ի վերջո, Չերչիլը միշտ ճիշտ կլինի, երբ ասում էր՝ ժողովրդավարությունը մի բան չէ, բայց դրանից լավը չի հայտնագործվել:

– Գլոբալ աշխարհի մոդելը արդեն վաղուց է իրեն սպառել: Ընդհանրապես ժողովրդավարությունը պետք է հասկանալ գլոբալ–համաշխարհային և ներպետական–ազգային մակարդակներով: Համաշխարհային մակարդակով այդ ժողովրդավարությունն իսկապես չկա: Ճիշտ է, կա միջազգային իրավունք, բայց այն ենթակա է երկակի ստանդարտների:
Տեսեք՝ անգամ ՄԱԿ–ում քվեարկության կարգն ինքնին պրոբլեմատիկ է ողջ աշխարհի համար: Ընդ որում, ՄԱԿ–ի ստեղծումից տասնամյակ անց հայտնվեցին նախագծեր, որ այդ համակարգը պետք է բարեփոխել: Սակայն մեծ տերությունները երբեք էլ դրան չհամաձայնեցին և չեն էլ համաձայնի: Այդպես է ձեռնտու աշխարհի ուժեղներին:

– Իսկ դուք հնարավոր համարո՞ւմ եք կամ կանխատեսո՞ւմ եք, որ կառավարման նոր մոդելն այլևս հիմնված կլինի սոցիալիստական սկզբունքների վրա:

– Ի դեպ, ասեմ, որ այդ միտումը մեր քաղաքական իշխանությունը վաղուց հասկացավ: Մեր վերջին Սահմանադրությամբ զուտ ազատական սկզբունքներից վերադարձ կատարեց դեպի սոցիալիզմ: Այժմ տնտեսական հիմքը համարվում է սոցիալապես կողմնորոշված շուկան:
Այս տարիների ընթացքում հասկանալի դարձավ, որ զուտ ազատականության հիմքերով չկարողացանք տնտեսական զարգացման բարձր տեմպեր ապահովել: Նաև գիտակցեցինք, որ ձեռնարկատիրությունը պետք է որոշակի սոցիալական գործառույթ ստանձնի:
Համեմատենք մահմեդական համակարգի հետ. այստեղ սեփականությունը նաև պարտականություն է: Մինչդեռ մեզ մոտ սեփականությունը միշտ իրավունք է:
 Ես դեռևս չեմ կարող ասել, թե ընդհանրապես այս առումով աշխարհում զարգացումները ո՞ր ուղղությամբ կգնան, բայց ձեզ հավաստիացնում եմ, որ քաղաքական, իրավական ուսմունքների մեջ Կարլ Մարքսի ուսմունքը վերջին տեղում չէ:

– Այսինքն՝ մարդկության ապագան կարող է սոցիալիզմը լինել:

– Գլոբալ առումով մարդկության ապագան դա է: Որովհետև հակառակ դեպքում երկրագունդը կկործանվի: Տեսեք՝ եթե ողջ մարդկությունը սպառի այնքան էլեկտրաէներգիա և ունենա այնքան ավտոմեքենա, որքան ԱՄՆ–ում և Հյուսիսային եվրոպայում են, ապա երկրագունդը կպատվի ծխի շղարշով: Իսկ դա նշանակում է մարդկության վերջը: Նման կարգի այլ տվյալներ ևս կան: Այնպես որ, սոցիալական կարգավորումը պետք է վերադառնա իր չափերի մեջ:
 Բայց այսպես դատենք, եթե մարդկությունը ներկա տեխնոլոգիաներն է օգտագործում: Սակայն հնարավոր է առաջիկայում այնպիսի հայտնագործություններ արվեն, որ այլևս նրա համար վերանան էներգետիկ պրոբլեմները: Ո՞վ գիտե…


Գոհար Սարդարյան
«Փաստ» օրաթերթ

loading...
Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ Ռոբերտ Քոչարյանը ՀՔԾ հարցաքննության կներկայանա հուլիսի 25-ից ոչ շուտ. Սողոմոնյան (տեսանյութ) Երևանի քաղաքապետ Տարոն Մարգարյանը հրաժարական տվեց Թե ինչպես Ֆիդել Կաստրոն փրկեց Ստաս Նամինին, իսկ Նամինը Կուբայի մասին ֆիլմ նկարահանեց Թուրքիայում գնացք է վթարվել. կան մեծ թվով զոհեր Ջորկաեֆը պատրաստ է լրջորեն աջակցել հայկական ֆուտբոլին. Փաշինյանը հանդիպել է ֆուտբոլիստի հետ Փաշինյանը ներկա է գտնվել «Ոսկե Ծիրան»-ի բացման արարողությանն ու հետևել «Լեգենդների խաղ»-ին Մեր ամենակարևոր նպատակն է արտագաղթի անիվը ոչ միայն կանգնեցնելը, այլև հետ պտտելը. Նիկոլ Փաշինյան Վարդավառին միացած Դարեն Արոնոֆսկին. մեկնարկեց 15-րդ «Ոսկե ծիրանը» Դժբախտ պատահարի հետևանքով մահացել է ՊՆ կենտրոնական արխիվի պետը ԿԲ-ն վարչապետին է ներկայացրել իրականացված ուսումնասիրությունները տնտեսական աճի կանխատեսման և հարկային բարեփոխումների վերաբերյալ ՀՀ նախագահը մասնակցել է Միջազգային եւ անվտանգության հարցերի հայկական ինստիտուտի Երիտասարդական ֆորումին Ադրբեջանը շփման գծում հայ դիրքապահների ուղղությամբ արձակել է ավելի քան 1500 կրակոց Հայ ժողովուրդը կարիք ունի ուժեղ և ինքնիշխան պետության. ՀՀ Անվտանգության խորհրդի քարտուղար ՀՀ ռազմական տեսուչի տեղակալ Միքայել Արզումանյանը շտապ հրավիրվել է վարչապետի մոտ
Այսօր Այս շաբաթ Այս ամիս
website by Sargssyan