Երևան, 23.Նոյեմբեր.2017,
--
:
--
,
Պետական պարտքի մասին օրենքը մեղմացվում է Կառավարության նիստից հետո ճեպազրույց լրագրողների հետ. ուղիղ Հայաստանը կարող է երկխոսության կամուրջ դառնալ ԵՄ-ի և ԵԱՏՄ-ի միջև. Շարմազանով ԵԺԿ առաջնորդները և ԵՄ բարձր պաշտոնյաները կհանդիպեն Բրյուսելում՝ նախապատրաստելու ԱլԳ գագաթնաժողովը Սրտի կաթիլներով, ջրով, սննդով հերթ կանգնելու փոխարեն օգտվեք որոշումից Մեր վերջնական նպատակն է՝ հայկական գինին միջազգային ճանաչելի բրենդ դարձնել». ՀՀ վարչապետի մասնակցությամբ մեկնարկել է Գինու միջազգային համաժողովը | ԱՐՄԵՆՊՐԵՍ Հայկական լրատվական գործակալություն «Մեր վերջնական նպատակն է՝ հայկական գինին միջազգային ճանաչելի բրենդ դարձնել». ՀՀ վարչապետի մասնակցությամբ մեկնարկել է Գինու միջազգային համաժողովը Անվտա՞նգ են երևանյան խաղահրապարակները՝ պարզ կլինի մեկ ամիս անց «Տղա՛ ջան, լավ սովորի, որ բանակում չծառայես» լոզունգը կշարունակի ակտուալ մնալ... Նախիջևանի ուղղությամբ որևէ սպառնալիք չկա. ի՞նչ նպատակ ունեն ադրբեջանական զորավարժությունները

2018–ի բյուջեն՝ զարգացման բյուջե


Մեր հյուրն է ՀՊՏՀ ինովացիոն և ինստիտուցիոնալ հետազոտությունների կենտրոնի ղեկավար Ատոմ Մարգարյանը

– Պարոն Մարգարյան, ինչպիսի՞ բյուջե կանվանեք 2018–ի բյուջեն. սովորաբար մեր բյուջեներին վերջին շրջանում անուններ են դնում:

– Որպես ամբողջական փաստաթուղթ, այն կայունացումից դեպի զարգացում տանող բյուջե է: Որովհետև 2017 թվականի բյուջեն ուներ կայունացման խնդիր, այն իմաստով, որ 2016–ին ծախսային և եկամտային մասի խախտված հավասարակշռությունը հանգեցրել էր դեֆիցիտի՝ նորմատիվից էական գերազանցման: Իսկ կայունությունը բյուջետային որոշում է, երբ բյուջեի դեֆիցիտը չպետք է գերազանցի ՀՆԱ–ի 3%–ը: Իսկ այն մոտեցել էր 6%–ին:
Այնպես որ, կրկնեմ՝ 2018–ի բյուջեն կայունացումից գնում է զարգացում:
2018–ի բյուջետային եկամուտները 1 տրիլիոն 307 միլիարդ դրամ են, որն այս տարվա եկամտային մասի նկատմամբ նախատեսում է 8%–ի աճ: Իսկ 2016–ի եկամտային մասի նկատմամբ ավելին են 15,1%–ով:
Ծախսային մասը կազմում է 1 տրիլիոն 464 միլիարդ դրամ: Այս տարվա ծախսերի համեմատ ավելին են 7,7%–ով, իսկ 2016–ի ծախսերի համեմատ՝ 3,1%–ով:
Իսկ դեֆիցիտը որոշ չափով ավելանալու է. ավելի ստույգ՝ 5,8 մլրդ դրամով, կամ 3,8%–ով: Սակայն 2016–ի դեֆիցիտի նկատմամբ այն կրճատվում է մոտավորապես 45%–ով:
Սա նշանակում է, որ պետությունը թանկ փողերի միջոցով չի ֆինանսավորելու դեֆիցիտը, այն է՝ արտաքին պարտքի և ներքին պետական պարտատոմսերի ներգրավմամբ: Եվ չնայած այս հանգամանքին՝ նախատեսվում է դեֆիցիտի նման կրճատում: Այսինքն՝ կայունության որոշակի հիմքի վրա ապահովվում է մակրոտնտեսական և ընդհանուր տնտեսական զարգացում:

– Իսկ տնտեսության զարգացման այդ հեռանկարի համար հիմքեր դրվեցի՞ն այս նոր կառավարության օրոք, եթե այն նոր անվանենք: Եվ ի՞նչ հիմքեր էին դրանք:

– Իհարկե, այս նոր կառավարության քաղաքականության առանցքը եղել է նախ և առաջ ներդրումների համար բարենպաստ միջավայրի ձևավորումը: Հետևաբար և՝ ինստիտուցիոնալ բնույթի համապատասխան ռեֆորմների իրականացումը: Եվ այս տարվա արդեն ինն ամիսների տվյալներն այդ ուղղությամբ որոշակի աճ են ցույց տալիս:
Ներդրումների առումով պատկերը հետևյալն է՝ դրանք գերազանցում են 1 մլրդ դոլարը, իսկ օտարերկրյա ուղղակի ներդրումների վեց ամսվա տվյալները 368 մլն է: Համեմատության համար ասենք, որ անցյալ տարվա ներդրումների ողջ ծավալը կազմել է 130 միլիոն դոլար:
Իսկ տնտեսության զարգացման հիմքերը դրվում են ներդրումային այն ծրագրերի միջոցներով, որոնք ներգրավվում են թե՛ դրսից, թե՛ նաև ներքին ներդրողից:

– Սակայն Համաշխարհային բանկի գնահատականով, բիզնես միջավայրի բարելավման առումով մենք հետընթաց ենք ունեցել: Ինչպե՞ս համատեղենք այս փաստերը:

– Դա հարաբերական է՝ պայմանավորված նրանով, թե ուրիշներն ի՞նչ տեմպերով են զարգանում և փոխում իրենց բիզնես միջավայրը: Եվ այդ համեմատության մեջ է, որ մենք ինը կետով նահանջել ենք: Բայց դա չի խանգարում ասել, որ մենք շարժվել ենք առաջ, մեր ցուցիչը բարելավվել է:
Որ փոփոխություններ եղել են և դա անդրադարձել է ներդրումների ծավալների վրա, ակնհայտ է: Եվ վերը նշված այդ ծավալների ավելացման փաստերը հենց բիզնես միջավայրի բարելավման արդյունք են ինքնին:

– Իսկ բարեփոխումների առումով մենք արե՞լ ենք այն, ինչ պետք է անեինք, ինստիտուցիոնալ առումով կիսատ հարցեր չե՞ն մնացել մեր տնտեսության մեջ:

– Այն բլոկում, որը կապված է պետական կառավարման ռեֆորմների հետ, որոշ քայլեր, իհարկե, արվել են՝ օպտիմալացումները, ՊՈԱԿ–ների, ԾԻԳ–երի համակարգերի կառուցվածքային փոփոխությունները: Ինչո՞ւ չէ, նաև՝ պետական որոշ կառույցների, օրինակ՝ հարկային պետական ծառայության ոլորտում եղել են էական կրճատումներ: Ավելի քան 400 աշխատակից կրճատվել է, ընթացել է խոշորացման պրոցես:
Եվ այն, որ հարկային մուտքերի էական աճ է առկա, խոսում է նաև ոլորտում ինստիտուցիոնալ և կառուցվածքային փոփոխությունների արդյունավետության մասին: Տեսեք՝ ինն ամիսների ընթացքում միայն հարկային մուտքերն ավելացել են 7,5%–ով:
Իսկ ինչ վերաբերում է ամենացավոտ խնդրին՝ կոռուպցիային, ապա ներկա կառավարությունը, այո, այս հարցում անելիք ունի: Քանզի պրակտիկ առումով շոշափելի չեն ձեռքբերումները: Սակայն, սրանով հանդերձ, այս հարցում էլ որակական առաջընթաց կա՝ կապված օրենսգրքում կատարված փոփոխության հետ, երբ մտցվեց ապօրինի հարստացումը քրեականացնելու դրույթը: Նաև ընդունվեց օրենք կոռուպցիայի կանխարգելիչ մարմնի՝ ազգային հանձնաժողովի ստեղծման վերաբերյալ: Բացի այդ հայտարարագրման համակարգում ևս այդ նպատակով փոփոխություններ կատարվեցին:
Այս ամեն նախաձեռնությունները, իմ գնահատմամբ, քայլեր են, որոնք իրենց արդյունքը պետք է որ ցույց տան հաջորդ տարի:

– Եթե այս տեմպերով մեր տնտեսությունը զարգանա, այսպես գնանք առաջ, ապա մարդը՝ հասարակ քաղաքացին, ե՞րբ իր կյանքի վրա փոփոխություն կզգա: Առայժմ չի զգում:

– Պետական բյուջեի միջոցով իրենց բարեկեցությունը ձևավորող քաղաքացիների համար, իհարկե, 2017–ին էական փոփոխություն չի եղել: 2018–ին էլ նրանց համար շոշափելի փոփոխություն չի լինի: Բայց 2019–ից սկսյալ, և հատկապես՝ 2020–ին, ես վստահ եմ, որ եթե իրականացվեն տնտեսական աճի, բյուջետային եկամուտների ավելացման, արտադրողականության մեծացման, ներդրումների ծավալների մեծացման հետ կապված նախատեսվող ծրագրերը, ապա իրական փոխոխություններն իրենց սպասեցնել չեն տա: Ու 2019–20 թվականներից կունենանք մեկ շնչի հաշվով եկամտի էական աճ:

 

Գոհար Սարդարյան
«Փաստ» օրաթերթ

loading...
Պետական պարտքի մասին օրենքը մեղմացվում է Կառավարության նիստից հետո ճեպազրույց լրագրողների հետ. ուղիղ Հայաստանը կարող է երկխոսության կամուրջ դառնալ ԵՄ-ի և ԵԱՏՄ-ի միջև. Շարմազանով ԵԺԿ առաջնորդները և ԵՄ բարձր պաշտոնյաները կհանդիպեն Բրյուսելում՝ նախապատրաստելու ԱլԳ գագաթնաժողովը Սրտի կաթիլներով, ջրով, սննդով հերթ կանգնելու փոխարեն օգտվեք որոշումից Մեր վերջնական նպատակն է՝ հայկական գինին միջազգային ճանաչելի բրենդ դարձնել». ՀՀ վարչապետի մասնակցությամբ մեկնարկել է Գինու միջազգային համաժողովը | ԱՐՄԵՆՊՐԵՍ Հայկական լրատվական գործակալություն «Մեր վերջնական նպատակն է՝ հայկական գինին միջազգային ճանաչե... Անվտա՞նգ են երևանյան խաղահրապարակները՝ պարզ կլինի մեկ ամիս անց Ձմռան ցրտին դիմակայելու համար հովտամեջցիները բանկերի դուռը կթակեն Դավիթ Պեդանյան. «Խցանումները չեն վերանա» «Տղա՛ ջան, լավ սովորի, որ բանակում չծառայես» լոզունգը կշարունակի ակտուալ մնալ... Նախիջևանի ուղղությամբ որևէ սպառնալիք չկա. ի՞նչ նպատակ ունեն ադրբեջանական զորավարժությունները Ռուսաստանի սպասելիքները չիրականացան. ի՞նչ հաստատեց Լավրովը Ահազանգ. պաշտպանության նախարարին ուղղված նամակները մնում են անպատասխան, իսկ խնդիրները՝ չլուծված Այգեպանի բացակայությունը «Մենք վերադառնում ենք մեր պորտալարին. Թաթայից գնում ենք դեպի Բեթհովեն» ՄՅՈւ-ն պարտվեց. Մխիթարյանը բացակայում էր «Բազել» - «Մանչեսթր Յունայթեդ». ուղիղ միացում «Յուվենտուս» - «Բարսելոնա». ուղիղ միացում Չինաստանի Ցինտաո քաղաքում բացվել է ՀՀ համագործակցության գրասենյակ Դմիտրի Խվորոստովսկին սիրում էր Հայաստանը Միայն Հայաստանում է, որ շախմատի նկատմամբ նման մեծագույն սեր կա. Պսախիս Լևոն Արոնյանը ոչ-ոքի խաղաց Սվիդլերի հետ. Գրան Պրի
Այսօր Այս շաբաթ Այս ամիս
website by Sargssyan