Երևան, 19.Հուլիս.2018,
--
:
--
,

Հասմիկ Պապյանի «Նվիրում»-ը հնչեց Գյումրու «Յոթ Վերք» եկեղեցում

 

 

Հայ Առաքելական եկեղեցում Շիրակի թեմի առաջնորդի օրհնությամբ  և  ԱՐՏ PR  ընկերության նախաձեռնությամբ Գյումրու  Սուրբ Աստվածածին (Յոթ Վերք)  եկեղեցում տեղի ունեցավ ճանաչված սոպրանո Հասմիկ Պապյանի  բացառիկ համերգը: 

Ծրագրում բացառապես Կոմիտաս էր: «Նվիրում» խորագիրը կրող համերգին միացել էր նաև Գերմանիայից ժամանած, բազմաթիվ մրցույթների դափնեկիր  դաշնակահարուհի Լուսինե  Խաչատրյանը,  ով, արմատներով լինելով գյումրեցի, մեծ պատրաստակամությամբ միացել էր նախաձեռնությանը: Համերգի մուտք ազատ էր, եկեղեցու դռները բաց էին բոլորի համար:

Գյումրու  «Յոթ Վերք»  եկեղեցում ելույթ ունենալը երգչուհու  ցանկությունն ու երազանքն է եղել՝ համերգի ավարտին լրագրողների հետ անկեղծացավ աշխարհահռչակ սոպրանոն: «Գյումրու հետ իմ կապն անբացատրելի է, դա իմ մանկությունից է: Մայրս գյումրեցի է. երեխա ժամանակ  ամառային  արձակուրդներս  անցկացրել եմ  Գյումրիում, իսկ «Յոթ Վերք»   եկեղեցին շատ մեծ խորհուրդ ունի, այդ իսկ պատճառով համերգը հարգանքի տուրք է  մեծն Կոմիտասին, նվիրում՝ Գյումրուն և  վերադարձ դեպի արմատները»,- նշեց Հասմիկ Պապյանը՝  հիշելով այն օրերն ու վայրերը, որոնք  կապված են իր մանկության հետ: «Հիշում եմ Թումանյանի անվան գրադարանը, որտեղից գրքեր էի վերցնում, այգին, ու ընդհանրապես  ամեն ինչ՝  գյումրեցիների նիստն ու կացը, շնորհքը, հյուրասիրությունն ու մարդասիրությունը. սրանք արժեքներն են, որոնք  մինչև հիմա ուղեկցում են ինձ։ Սա աղոթք էր առ Աստված, որով խնդրում եմ հայրենիքին, Գյումրուն ու հայ ժողովրդին ողջամտություն ու լավ ժամանակներ: Ես ուզում եմ, որ իսկապես մի օր գա ու մեր ժողովուրդն ապրի  արժանավայելՍա աղոթք  էր, որ լինի խաղաղություն ու զինվորները ողջ առողջ տուն վերադառնան, սահմաններն էլ լինեն անառիկ»,- նշեց Հասմիկ Պապյանը՝ վստահեցնելով, որ համերգը «Յոթ Վերք»-ի  ներսում նախևառաջ նվեր  է իր համար:

«Յոթ Վերք» եկեղեցու ողջ պատմության ընթացքում առաջին անգամ էր, երբ եկեղեցու գմբեթի տակ համերգային ծրագիր էր, սակայն կոմիտասյան մեղեդիները ու եկեղեցու պատերը «թելադրեցին» ունկնդրին եկեղեցուն վայել պահվածք՝ առանց ծափերի ու «բռավոների»՝ լուռ ու մտախոհ, իսկ երբեմն նույնիսկ այն տպավորությամբ,  որ երգչուհու հետ միասին աղոթք առ Աստված հղում էին բոլորը, իսկ  վերջին «Հայաստան»  կատարումը ստիպեց բոլորին ոտնկայս լսել այն:

«Մեզ համար պատիվ էր ստանձնել այս համերգի կազմակերպչական աշխատանքները, սա ավելին է,  քան  պարզապես համերգը»,- ԱՐՏ PR  ընկերության  հիմնադիր  տնօրեն Գայանե  Դավթյանը՝ շնորհակալություն հայտնելով թեմակալ առաջնորդից՝ անմիջական աջակցության ու նախաձեռնության կողքին լինելու համար:

Արմենուհի Մխոյան

loading...
Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ Ռոբերտ Քոչարյանը ՀՔԾ հարցաքննության կներկայանա հուլիսի 25-ից ոչ շուտ. Սողոմոնյան (տեսանյութ) Երևանի քաղաքապետ Տարոն Մարգարյանը հրաժարական տվեց Թե ինչպես Ֆիդել Կաստրոն փրկեց Ստաս Նամինին, իսկ Նամինը Կուբայի մասին ֆիլմ նկարահանեց Թուրքիայում գնացք է վթարվել. կան մեծ թվով զոհեր Ջորկաեֆը պատրաստ է լրջորեն աջակցել հայկական ֆուտբոլին. Փաշինյանը հանդիպել է ֆուտբոլիստի հետ Փաշինյանը ներկա է գտնվել «Ոսկե Ծիրան»-ի բացման արարողությանն ու հետևել «Լեգենդների խաղ»-ին Մեր ամենակարևոր նպատակն է արտագաղթի անիվը ոչ միայն կանգնեցնելը, այլև հետ պտտելը. Նիկոլ Փաշինյան Վարդավառին միացած Դարեն Արոնոֆսկին. մեկնարկեց 15-րդ «Ոսկե ծիրանը» Դժբախտ պատահարի հետևանքով մահացել է ՊՆ կենտրոնական արխիվի պետը ԿԲ-ն վարչապետին է ներկայացրել իրականացված ուսումնասիրությունները տնտեսական աճի կանխատեսման և հարկային բարեփոխումների վերաբերյալ ՀՀ նախագահը մասնակցել է Միջազգային եւ անվտանգության հարցերի հայկական ինստիտուտի Երիտասարդական ֆորումին Ադրբեջանը շփման գծում հայ դիրքապահների ուղղությամբ արձակել է ավելի քան 1500 կրակոց Հայ ժողովուրդը կարիք ունի ուժեղ և ինքնիշխան պետության. ՀՀ Անվտանգության խորհրդի քարտուղար ՀՀ ռազմական տեսուչի տեղակալ Միքայել Արզումանյանը շտապ հրավիրվել է վարչապետի մոտ
Այսօր Այս շաբաթ Այս ամիս
website by Sargssyan