Ереван, 19.Декабрь.2017,
--
:
--
,

Հրուշակեղենի արտադրության ոլորտը կտուժի. թանկացումների հարվածը


Մեր հյուրն է տնտեսագետ Աշոտ Խուրշուդյանը

– Պարոն Խուրշուդյան, ուսումնասիրությամբ պարզվել է, որ կարագի, բենզինի և մսի շուկայում գրանցված թանկացումները չարաշահումների հետևանք չեն: Սա Տնտեսական մրցակցության պաշտպանության պետական հանձնաժողովի նախագահ Արտակ Շաբոյանի հայտարարությունն է՝ ըստ որի թանկացումներն օբյեկտիվ հիմքեր ունեն: Դուք տեսնո՞ւմ եք այդ հիմքերը:

– Այդ հետազոտությունների մասին բազմիցս ենք լսում, բայց մի խնդիր կա՝ դրանք պետք է թափանցիկ դառնան: Ինչպես աշխարհի շատ երկրներում՝ մեզ մոտ ևս գին ձևավորող հաշվետվությունները պետք է հստակ երևան: Հայաստանում չկա այդ թափանցիկությունը և ինձ համար շատ դժվար է գնահատել օբյեկտիվությունը: Տեսեք՝ կարագի միջազգային գները թանկացել են ամիսներ առաջ: Այստեղ հարց է ծագում. գուցե՞ ամիսներ առաջ դեմպինգ են արել և սրանից ավելի՞ շուտ պետք է թանկացնեին: Հետազոտությունը պետք է համապարփակ լինի: Ի դեպ՝ աշխարհում կարագի գինը մոտ երկու անգամ է թանկացել, այստեղ՝ ավելի քիչ: Բացի այդ, Հայաստանում գին ասվածը հարաբերական է: Օրինակ, եթե ապրանքի գինը մնում է նույնը, բայց որակն ընկնում է, դա էլ կարծես քողարկված թանկացում լինի: Մեր երկրում կարագի ավելի քիչ թանկացում գրանցվեց, քան դրսում: Սրանից մեկ այլ հարց է ծագում՝ արդյո՞ք որակը պահպանվել է: Մենք սննդի որակի վերահսկողությունը միշտ պետք է համատեղենք գների հետ: Ցավոք սրտի՝ մենք ապրանքային կայացած բորսա չունենք, որտեղ ստանդարտի հարցն ինքնաբերաբար լուծված կլիներ: Մենք չգիտենք՝ ի՞նչ ապրանք է գալիս, ուղղակի սպառողական մակարդակով ենք փորձում հասկանալ: Չգիտենք նաև, թե տնտեսվարողն ի՞նչ հնարքներով է փորձում դիմակայել միջազգային գների թանկացման մարտահրավերներին: Այնպես որ թե՛ սննդի վերահսկողության, և՛ թե՛ գների հետազոտությունները պետք է դառնան ավելի թափանցիկ: Իրականում անհնար է, որ որևէ փորձագետ գնահատական տա օբյեկտիվության մասին: Ի տարբերություն ՏՄՊՊՀ–ի՝ մենք մուտք չունենք այդ ֆիրմաներ:

– Աշխատավարձերի և թոշակների բարձրացում 2018–ին ևս չի նախատեսվում: Այս համատեքստում ի՞նչ պայմաններ է ստեղծում կառավարությունը, որպեսզի հասարակությունը դիմակայի թանկացումներին:

– Ի տարբերություն կառավարության ծրագրի, ապրանքների գնային բարձրացումը նոր է: Այդ առումով հանգամանքը կառավարությունում երևի ո՛չ պլանավորել են, ո՛չ էլ մտածել այդ մասին: Առհասարակ մեզ մոտ ոլորտային քաղաքականությունը զարգացած չէ: Թեև երկու–երեք ապրանքի թանկացումը գնային մեծ փոփոխությունների չի բերի, բայց ազդելու է տնտեսության որոշակի հատվածի վրա: Եթե գնային բարձրացումը տնտեսության ազդեցության տեսանկյունից դիտարկենք, ապա հիմնական հարվածը հրուշակեղենի արտադրության ոլորտն է կրելու:

Կարագի թանկացումից այդ ոլորտը կարող է մասնակի տուժել: Հրուշակեղենը կթանկանա, բայց մեծ հաշվով ինֆլացիայի չի բերի: 300–ից ավելի անուն ապրանքներով են դիտարկում ինֆլացիան: Իսկ նշված ոլորտն այդքան էական չէ, որպեսզի ընդհանուր ֆոնի վրա ազդի: Միշտ խոսում են այն մասին, թե թանկացումը շղթայական ազդեցություն կունենա, բայց այդպես չէ: Գները չեն կարող անվերջ աճել, երբ մարդկանց գնողունակությունը ցածր է:

Այստեղ տնտեսվարողների վարքագիծը պետք է հասկանանք: Եթե գնողունակությունը ցածր է՝ տնտեսվարողը ստիպված այլ ձևով է սկսում հարմարվել գների իրականությանը: Գները չի բարձրացնում, բայց իր շահույթն է կրճատում: Հիմա, եթե հրուշակեղենի գները բարձրանան, մարդիկ ի վիճակի չեն լինի այն սպառել նույն մակարդակով, ինչը նախկինում էին սպառում, քանի որ այդ եկամուտը չունեն: Դա կբերի նրան, որ ոլորտում անկում կգրանցվի:

Աննա Բադալյան

«Փաստ» օրաթերթ

loading...
Депутат в шелках и миллиардных долгах Данные ЦАМТО ошибочны- у Армении есть “Искандер” и “БУК” Министр обороны доложил президенту о старте новой программы социальной помощи семьям погибших или ставших инвалидами военнослужащих Карен Карапетян подчеркнул важность проектов, направленных на качественные изменения в сфере ИТТ Саакашвили уходит с поста губернатора Одесской области, виной тому – Порошенко Телеканал «Россия»: Россия и Армения ведут честную игру КРОУ склонна к снижению тарифа на электроэнергию Республиканская партия Армении не пойдет на кардинальные изменения во внешней или внутренней политике Виталий Баласанян назначен секретарем Совбеза НКР Для необеспеченных слоев населения тариф на газ составил 100 драмов Обновление ОДКБ идет на пользу Армении Президент потребовал постоянного внимания к регулированию дорожного движения "Газпром Армения" представила основные цели и факторы изменения газовых тарифов Азербайджан применил на линии соприкосновения гранатометы Армения – единственная в мире страна, где «воров в законе» не сажают – российская пресса «Газпром Армения» обратится в КРОУ по вопросу о пересмотре газовых тарифов Азербайджан более 55 раз нарушил режим перемирия Новая книга о Карсе и необходимости переосмыслить идею независимости Первопрестольный Эчмиадзин хотел бы видеть на престоле Константинопольского патриарха епископа Саака Машаляна Российские и сирийские ПВО выдворили турок из воздушного пространства Сирии Китайский М20 не может стать реальным конкурентом «Искандера»: его качество сомнительно Согласится ли Гагик Царукян возглавить новую партию? Новое кадровое назначение: главу ГСБПП Армена Айрапетяна сменит Ишхан Карапетян В приграничном Кохбе освящена новая церковь Сурб Григор Лусаворич Тема карабахского урегулирования уже давно не обсуждается в ходе встреч президентов (видео)
Сегодня За неделю За месяц
website by Sargssyan