Երևան, 23.Մայիս.2019,
--
:
--
,

Դպրոցը փլվում է



Շիրակի մարզի Կապս համայնքի միջնակարգ դպրոցի ուսուցիչներն ու աշակերտները երկար տարիներ է` աշխատում ու սովորում են ծանր պայմաններում: Դպրոցը շուտով փուլ կգա։ Շինությունը վթարայնության 4–րդ աստիճան ունի: Հատակը, տանիքը, պատերը քանդուքարափ վիճակում են։

«Անզեն աչքով էլ երևում է, որ դպրոցը շատ խնդիրներ ունի թե՛ շենքի ներսից, և թե՛ դրսից»,– «Փաստ» օրաթերթի թղթակցի հետ զրույցում ներկայացրեց դպրոցի տնօրեն Նելլի Խոջումյանը։

5 տարի դպրոցում սանհանգույց չի եղել, աշակերտներն օգտվել են բակում գտնվող զուգարանից։ Այս խնդիրը, սակայն կարգավորվել է՝ գումարը մի կերպ են հայթայթել՝ մի մասը դպրոցի բյուջեից, մյուս մասն էլ գյուղապետարանն է օգնության հասել։
Դասասենյակները երկրաշարժից հետո մինչև օրս ջեռուցվում են հեղուկ վառելիքով: Օրվա չափաբաժինը յուրաքանչյուր դասարանի համար 3,3 լիտր է: Աշխատում են դասարաններում ապահովել պահանջվող 18 աստիճան ջերմությունը, թեև շենքի հյուսիսային հատվածներում 16 աստիճանը չի գերազանցում: Արևային օրերին դասասենյակներում ջերմաստիճանը բարձրանում է մինչև 24 աստիճան: Պատուհաններն էլ մի քանի շերտ պոլիէթիլենային ծածկով փակել են, որ քամին չսողոսկի դասասենյակներ։ Կրթօջախում մասնակի վերանորոգման աշխատանքներ են կատարվել, սակայն, խնդիրը դրանով չի կարգավորվել:

«Դասասենյակների մի մասն այս տարի կջեռուցվեն էլեկտրական սալիկներով, բայց մասնակի վերանորոգման աշխատանքները խնդրի լուծում չէ, մենք ամեն պահի մտավախում ենք, որ հանկարծ շենքը փուլ չգա»,– ասաց Խոջումյանը: Անձրևների ժամանակ կաթում են բոլոր դասասենյակները: Տանիքի որոշ խիստ վնասված հատվածներ նախորդ տարի վերանորոգվել են:

Դպրոցի հարցը երկար ժամանակ քննարկվել է Շիրակի մարզպետարանում և տարբեր կառույցներում։ 2 տարի է՝ վերանորոգման հարցն ընդգրկված է մարզի քաղաքաշինության ծրագրում, բայց դեռ սայլը տեղից չի շարժվել: Անցած տարի քաղաքաշինության նախարարությունից հանձնաժողով է եկել ու ծանոթացել խնդրին՝ հիմնանորոգման տարբերակը բացառել են և նշել, որ նոր դպրոցի կառուցումն ավելի արդյունավետ է:

«27 տարի է` վթարային շենք է համարվում: Կարող են մի հարկանի ֆունկցիոնալ դպրոց կառուցել, ավելի ուրախ կլինենք: Հիմա խոստացել են ծրագիր մտցնել, բայց էս ամեն ինչը բանավոր խոսակցության մակարդակով է ու չգիտեմ՝ իրականում կլինի՞, թե չէ»,– նշեց տնօրենը։ Դպրոցական սեղան–աթոռները եևս թարմացման կարիք ունեն:

Կապսում լիահույս են, որ կարող է մի օր իրենց բաղձալի երազանքը կատարվի։
Այսօր 74 աշակերտները և ամբողջ աշխատակազմը շունչները պահած, սպասում են, թե երբ են շինարարները դպրոց այցելելու։

Մանյա Պողոսյան
«Փաստ» օրաթերթ

loading...
«Երևանյան բեսթսելեր». «Թակարդ» վեպն առաջին հորիզոնականում է «Թակարդ»-ի թակարդում Կարելիությունից անդին. Աշոտ Աղաբաբյանի «Թակարդ» գրքի մասին. armtimes «Բուկինիստի» տնօրեն Խաչիկ Վարդանյանը՝ Աշոտ Աղաբաբյանի «Թակարդ» վեպի մասին Սա՞ է հայրենիքի գնահատանքը լեգենդար հետախույզին Բարի տարեդարձ, սիրելի գրող Բոլոր զինվորականները կկրեն «Աշոտ Երկաթ» խաչ-կրծքանշանը Փաշինյանը տիկնոջ հետ այցելել է Մանսուրյանին Նիկոլ Փաշինյանի և գրող Աշոտ Աղաբաբյանի վեպերը՝ հոկտեմբերի բեսթսելլերներ Հայտարարություն ՀՀ նախագահի մրցանակի մասին «Բարսելոնա» - «Ինտեր». ուղիղ հեռարձակում Արծրուն Պեպանյանի նոր գիրքը Ջասթին Թրյուդոն Հայաստանում կանադական ընկերություններին հետաքրքրող ներդրումների մեծ ներուժ է տեսնում Հայաստանում լինելու է ամենածավալուն համաներումը. Արտակ Զեյնալյան Ֆրանսիան երբե´ք չի մոռանա և կպայքարի ճանաչման համար. Մակրոնի գրառումը Հայոց ցեղասպանության թանգարան- ինստիտուտի հուշամատյանում Հավատարիմ ենք մեզ միավորող կապերին, որոնք բնորոշվում են «Ապրել միասին Ֆրանկոֆոնիայում» գաղափարախոսությամբ. ՀՀ վարչապետի ելույթը Ֆրանկոֆոնիայի գագաթնաժողովի մասնակիցները ջերմ ծափահարություններով ողջունեցին Շառլ Ազնավուրի հավերժական ներկայությունը Հայաստանը ԼՂ հակամարտության կարգավորման բանակցային գործընթացի փոփոխության հարց չի դնում. Նիկոլ Փաշինյան Հույս ունեմ հաստատվել Հայաստանում նվիրվելու համար ծրագրերին, որ հայրս նախաձեռնել էր այնտեղ. Նիկոլա Ազնավուր Թունավորման վարկած. ՌԴ ՔԿ-ն նորից կուսումնասիրի գործարար Լևոն Հայրապետյանի մահվան հանգամանքները Աշոտ Աղաբաբյանը «Քննարկում» հաղորդաշարի հյուրն է. ուղիղ եթեր
Այսօր Այս շաբաթ Այս ամիս
website by Sargssyan