Երևան, 19.Հուլիս.2018,
--
:
--
,

Կընկնենք քարե դար. ատոմակայանի փակման հետևանքները


Հայաստանի և Եվրոպական միության միջև ստորագրվելիք «Համապարփակ և ընդլայնված գործընկերության համաձայնագրում» նախատեսված է ժամանակի ընթացքում շահագործումից հանել Մեծամորի ատոմային էլեկտրակայանը: Այդ հանգամանքը հանրային լուրջ քննարկման և անգամ քննադատության առարկա դարձավ:
«Երբ մենք փակենք ատոմակայանը, այդ օրը կլինի հայ ժողովրդի ավարտը: Մեծ կորուստներ կունենանք: Քարե դար կընկնենք, ինչպես ժամանակին մոմով էինք ապրում»,– «Փաստ» օրաթերթի թղթակցի հետ զրույցում մտահոգություն հայտնեց «Հայաստանի սպառողների ասոցիացիա» ՀԿ նախագահ Արմեն Պողոսյանը: Վերջինիս համոզմամբ՝ ատոմակայանի փակման դեպքում մեր տնտեսությունը լուրջ հարված կստանա: Իսկ ատոմակայանն այժմ ցանցերին է տալիս Հայաստանում սպառվող էլեկտրական էներգիայի մոտ 1/3 մասը՝ ջերմաէլեկտրակայաններից մոտ 3–4 անգամ ավելի էժան գնով:

«ԵՄ–ն պահանջում է փակել ատոմակայանը: Արդեն 3–րդ ուլտիմատումն են տվել մեզ: Դա մեր պետությանը ոչնչացնելու տարբերակ է: Սարսափելի է: էներգետիկան տնտեսության հիմքն է, իսկ Աստված մեզ դա տվել է: Մենք ամբողջ տարածաշրջանում ունենք բացառիկ առավելություն՝ դա մեր ատոմակայանն է: Մեզ ասում են՝ կարելի է և ապրել առանց դրա: Եթե ատոմակայանից զրկվենք, ի՞նչ կմնա մեր պետությունում»,– հարց բարձրացրեց Պողոսյանը:

Ատոմակայանի փոխարեն հնարավոր է կառուցվեն արևային կայաններ: Էներգիայի այլընտրանքային տարբերակների կիրառումը «Հայաստանի սպառողների ասոցիացիա» ՀԿ նախագահը հեքիաթի ժանրից է համարում:

«Արևը, քամին չեն կարող փոխարինել ատոմակայանի տված հսկայական էներգիային: Հայաստանը ժամանակին արտադրել է 15,5 միլիարդ կվտ ժամ էլեկտրաէներգիա, հիմա մենք արտադրում ենք 5,5–6 միլիարդ կվտ. ժամ էլեկտրաէներգիա, որի 40%–ն ատոմակայանն է տալիս»,– ներկայացրեց մեր զրուցակիցը:

Չնայած ատոմակայանի ունեցած դրական ազղեցությանը՝ նա նաև խնդիրների մասին է բարձրաձայնում: Այսօր ատոմակայանի ամեն մի էներգաբլոկի վերանորոգումը բարձրացնում է վտանգի աստիճանը: Միակ փրկությունն Արմեն Պողոսյանը շտապ կերպով նոր ատոմակայան կառուցելն է համարում:

«Մեր ատոմակայանի վերջին տարին 2004 թվականն էր, բայց այն շարունակում է կարկատելով աշխատել: Ֆրանսիայի նախագահը 2012 թվականին առաջարկել է իր միջոցներով կառուցել ատոմակայան, այնուհետև ՌԴ–ն առաջարկեց կեսը վճարել: Մենք դա չարեցինք: Հիմա այդ գործը ձգձգվում է, որովհետև մենք չունենք տնտեսական զարգացման գիծ»,– ասաց Պողոսյանն ու առաջարկեց շարունակել գործարկել ատոմակայանը, մինչ նորի կառուցումը:

Նա ևս մեկ մտահոգություն հայտնեց՝ Մեծամորի ատոմակայանի անխուսափելի փակումը ցանկացած սցենարով կհանգեցնի էլեկտրական էներգիայի սակագնի ավելացմանը՝ դրանից բխող հետևանքներով:

Իսկ Արդարադատության նախարար Դավիթ Հարությունյանն անդրադառնալով ատոմակայանի փակմանն, ասել է՝ նոր ատոմակայան կունենանք, եթե գնային առումով այն լինի արդյունավետ: Նա վստահեցրել է, որ սա ոչ թե քաղաքական, այլ զուտ տնտեսական խնդիր է:

Հիշեցնենք, 2008 թվականին Սերժ Սարգսյանը հայտարարում էր, որ Հայաստանում կառուցվելու է նոր ատոմակայան:

Մանյա Պողոսյան

«Փաստ» օրաթերթ

loading...
Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ Ռոբերտ Քոչարյանը ՀՔԾ հարցաքննության կներկայանա հուլիսի 25-ից ոչ շուտ. Սողոմոնյան (տեսանյութ) Երևանի քաղաքապետ Տարոն Մարգարյանը հրաժարական տվեց Թե ինչպես Ֆիդել Կաստրոն փրկեց Ստաս Նամինին, իսկ Նամինը Կուբայի մասին ֆիլմ նկարահանեց Թուրքիայում գնացք է վթարվել. կան մեծ թվով զոհեր Ջորկաեֆը պատրաստ է լրջորեն աջակցել հայկական ֆուտբոլին. Փաշինյանը հանդիպել է ֆուտբոլիստի հետ Փաշինյանը ներկա է գտնվել «Ոսկե Ծիրան»-ի բացման արարողությանն ու հետևել «Լեգենդների խաղ»-ին Մեր ամենակարևոր նպատակն է արտագաղթի անիվը ոչ միայն կանգնեցնելը, այլև հետ պտտելը. Նիկոլ Փաշինյան Վարդավառին միացած Դարեն Արոնոֆսկին. մեկնարկեց 15-րդ «Ոսկե ծիրանը» Դժբախտ պատահարի հետևանքով մահացել է ՊՆ կենտրոնական արխիվի պետը ԿԲ-ն վարչապետին է ներկայացրել իրականացված ուսումնասիրությունները տնտեսական աճի կանխատեսման և հարկային բարեփոխումների վերաբերյալ ՀՀ նախագահը մասնակցել է Միջազգային եւ անվտանգության հարցերի հայկական ինստիտուտի Երիտասարդական ֆորումին Ադրբեջանը շփման գծում հայ դիրքապահների ուղղությամբ արձակել է ավելի քան 1500 կրակոց Հայ ժողովուրդը կարիք ունի ուժեղ և ինքնիշխան պետության. ՀՀ Անվտանգության խորհրդի քարտուղար ՀՀ ռազմական տեսուչի տեղակալ Միքայել Արզումանյանը շտապ հրավիրվել է վարչապետի մոտ
Այսօր Այս շաբաթ Այս ամիս
website by Sargssyan