Երևան, 24.Մայիս.2018,
--
:
--
,

Գնային առումով արդյունավետ լինելու դեպքում Հայաստանը նոր ատոմակայան կունենա. Դավիթ Հարությունյան

 

Գնային առումով արդյունավետ լինելու դեպքում Հայաստանը նոր ատոմակայան կունենա։

Լրագրողների հետ զրույցում այս մասին ասաց ՀՀ արդարադատության նախարար Դավիթ Հարությունյանը։ 
«Էներգետիկայի ոլորտում ունենք երկու մոտեցում, առաջինը՝ փորձելու ենք երկրում էներգակիրների գինը նվազեցնել, երկրորդը՝ նվազեցնել հոսանքի գինը։ Մենք պլանավորում ենք էներգետիկ ոլորտի զարգացում՝ ելնելով երկրի հիմնական ռազմավարական նպատակներից։ Սա քաղաքական որևէ ազդեցության ենթակա չէ, այլ էներգակիրների շուկայում առկա իրավիճակով է պայմանավորված, գներով, սպառմամբ և ժամանակակից տեխնոլոգիաներով»,- նշեց նախարարը։ 

Հարությունյանը ատոմակայան ունենալու քաղաքական որոշման վերաբերյալ ասաց, որ նոր ատոմակայան կլինի, եթե այն գնային, սակագնային առումով լինի արդյունավետ։ 
«Կառավարության երկարաժամկետ ռազմավարությունում հստակ նշված է, որ այն պարբերաբար ենթակա է վերանայման։ Կիրառվում է մաթեմատիկական մոդել և կանխատեսումների հիման վրա գնահատում են, թե որ ճանապարհն է ավելի արդյունավետ սպառողների համար։ Անընդհատ վերանայելու ենք՝ կախված տեխնոլոգիական զարգացումներից։ Հիմա նոր տեխնոլոգիա է ի հայտ եկել, որը հնարավորություն է ընձեռել ատոմակայանը 50-մեգավատանոց բլոգներով աշխատեցնել, և սա փոխում է դրա գնահատումը»,- ընդգծեց Արդարադատության նախարարը։ 
Նա նշեց, որ այս ամենի արդյունքում կարելի է գնալ լրիվ այլ ճանապարհով, որ ստեղծվի շատ ավելի փոքր հզորությամբ ատոմակայան։ Հարությունյանն ընդգծեց, որ յուրաքանչյուր անգամ գնահատելու են, թե որ մոդելն է առավելագույնս արդյունավետ լինելու։ 

«Եթե դուք ունեք արդեն իսկ կառուցված ատոմակայան, շատ էժան էլեկտրաէներգիա եք ստանում, բայց հենց որ սկսում եք հաշվարկել նոր ատոմակայանի վրա ներդրումները, դուք ունենում եք բացարձակապես այլ պատկեր։ Այն ամենևին նույնքան էժան չի լինելու, ինչ այսօրվա ատոմակայանի արտադրանքը»,- նշեց Դավիթ Հարությունյանը։ 
Ատոմակայան ունենալու փաստն անկախություն տալիս է, թե ոչ, ՀՀ արդարադատության նախարարը նշեց, քանի որ երկիրը չունի հումքի արտադրություն, ապա կախվածություն կա հումք արտադրողից։ 

«Պետք է հաշվի առնել նաև, որ մենք հումքի արտադրություն չունենք, այսինքն՝ այն միշտ ներմուծվում է ,և միշտ որոշակի կախվածության մեջ ենք լինում հումք արտադրողներից։ Սա հատկապես կարևորվում է, երբ խոսքը վերաբերում է հարստացված ուրանին։ Այս ամենից ելնելով՝ մենք փորձում ենք գնահատել բոլոր տարրերը։ 
Նրա խոսքով՝ ոչ հարստացված ուրանի շուկան ավելի մեծ է, իսկ հարստացվածի պարագայում շուկան անհամեմատ ավելի փոքր է, և արտադրողները կարող են թելադրել իրենց գները։ 

Դավիթ Հարությունյանն ասաց, որ ատոմակայանի կառուցումը չի կարող լինել գիտական զարգացումների խթանիչ։ 
«Արագացուցիչ ունենալը և դա զարգացնելը զարկ է տալիս գիտությանը, բայց ատոմակայանի առկայությունը չի խթանի գիտական զարգացումները»,- եզրափակեց ՀՀ արդարադատության նախարարը։

loading...
Լեհ գրող Օլգա Տոկարչուկը դարձել Է Միջազգային Բուքերյան մրցանակի դափնեկիր Իսրայելն աշխարհում առաջինն Է F-35-ը կիրառել մարտում Հրապարակվել Է Սպիտակ ծովում «Բուլավա» հրթիռների արձակման տեսագրությունը Նյու Յորքի ֆոնդային սակարանն առաջին անգամ կին կգլխավորի Ալեքսանդր Եսայանը կշարունակի զբաղեցնել ԻՏՁՄ նախագահի պաշտոնը Վախճանվել Է գրող Ֆիլիպ Ռոթը. The New York Times Միհրան Պողոսյանն անդրադարձել է ցուցարարների նկատմամբ բռնություն կիրառելու գործով իր օգնականի ձերբակալմանը Էլեկտրոնային առողջապահական համակարգի ներդրումը կհետաձգվի Վահրամ Բաղդասարյանի առաջարկը պատգամավորների միջև բանավեճի առիթ դարձավ Հորդորում և պահանջում եմ դադարեցնել քաղաքացիական անհնազանդության բոլոր գործողությունները. Փաշինյան Արայիկ Հարությունյանը կմասնակցի Բոլոնիայի գործընթացի անդամ երկրների կրթության նախարարների գագաթաժողովին Եվրոպացի դպրոցականներին կարող են պարտավորեցնել երկու օտար լեզու սովորել Армянин создал в городе Плиска музей кириллицы Վարորդներին չեն տուգանի տեսախցիկների ֆիքսած որոշ խախտումների դեպքում. ոստիկանություն Մարտական դիրքում ժամկետային զինծառայողի դի է հայտնաբերվել. կատարվում է քննություն ԱԺ նիստ. նոր կառավարության անդամներն առաջին անգամ կպատասխանեն պատգամավորների հարցերին Շառլ Ազնավուրը հունիսի 30-ին կվերսկսի համաշխարհային շրջագայությունը. AFP Ուկրաինացի գիտնականները Կիեւի հայ համայնքի պատմության նոր էջեր են բացահայտել ԱՄՆ պատրաստ է ուսումնասիրել Հայաստանը «Հազարամյակի մարտահրավերներ կորպորացիա»-ի ծրագրում ներառելու հարցը Հանձնարարելու եմ ստուգումներ սկսել մետաղական հանքերում. Փաշինյան Ալեն Սիմոնյանը վայր է դրել պատգամավորական մանդատը Ժիրայր Սեֆիլյանի և Վարուժան Ավետիսյանի նամակը Նիկոլ Փաշինյանին
Այսօր Այս շաբաթ Այս ամիս
website by Sargssyan