Երևան, 17.Նոյեմբեր.2017,
--
:
--
,

«Պարենի ինքնաբավության խնդիրը դեռ լուծված չէ»


Հարզազրույց ՄԱԿ–ի պարենի և գյուղատնտեսության կազմակերպության փորձագետ Գառնիկ Պետրոսյանի հետ

Հոկտեմբերի 16–ը Պարենի համաշխարհային օրն է։ Հայաստանում տնային տնտեսությունների մոտ 15%–ը 2010 թվականից ի վեր պարենային անապահով են եղել, իսկ մի զգալի մասը՝ պարենային անապահով դառնալու վտանգի տակ:
Այդ մասին է վկայում կառավարության և ՄԱԿ–ի գործակալությունների «Պարենային ապահովության, խոցելիության և սնուցման ամբողջական վերլուծությունը» (ՊԱԽՍԱՎ) զեկույցը:

Բազմաթիվ այլ տնային տնտեսություններ ունեն սնուցման լուրջ խնդիրներ՝ ի դեմս թերաճություն և գերքաշություն ունեցող երեխաների մեծ թվի: 5 տարեկանից փոքր երեխաների 19%–ը թերաճ են:

2016 թ.–ի համեմատ՝ 2017–ին սննդի ծայրահեղ պակաս ունեցողների թիվն ավելացել է 28 միլիոնով՝ հասնելով 1,2 միլիարդի։

– Պարոն Պետրոսյան, Արդյո՞ք մեր երկրում պարենի ինքնաբավության խնդիր կա, որովհետև հայ սպառողը հաճախ օգտագործում է ներկրված գյուղմթերք:

– Պետք է նշել, որ վերջին 15–20 տարիների ընթացքում կառավարության և միջազգային կազմակերպությունների աջակցությամբ լուրջ քայլեր են իրականացվել պարենային ապահովության և անվտանգության ուղղությամբ: Մենք մի շարք ապրանքների մասով ինքնաբավ ենք: Կարողանում ենք ոչ միայն մեր ներքին սպառումն ապահովել, այլև՝ զգալի քանակությամբ առանձին մթերքներ արտահանել: Կորիզավոր պտղատեսակների մասով ինքնաբավ ենք: Խնձորի որոշ տեսակներ արդեն վերջին տարիներին արտահանում ենք, իհարկե, որոշ եվրոպական սորտեր գրավչություն ունեն մեր շուկայում և որոշակի քանակություն ներմուծվում է հատկապես ձմռան ամիսներին: Խաղողի պահանջարկը 100 տոկոսով բավարար է և որոշակի քանակություններ արտահանվում են: Խաղողագործության ոլորտում հսկայական ներուժ ունենք: Արդեն 20 տարուց ավելի մեր հանրապետությունում ամբողջությամբ լուծվել է կարտոֆիլի՝ ինքնաբավության խնդիրը: Կարտոֆիլն այսօր երկրորդ հացն է, որը մեծ քանակությամբ սպառվում է հատկապես անապահով ընտանիքներում: Շատ լուրջ քանակություններ մենք այսօր արտահանելու հնարավորություն ունենք: Ցավոք, արտահանման դժվարությունների, մեր հարևան երկրներում բարձր բերքի, ինչպես նաև ներկրումների պատճառով տեղական շուկայում լճացում է առաջանում: Որպեսզի արտադրողը չկանգնի լուրջ խնդրի առաջ կարևոր է, որ կարտոֆիլի վերամշակման մասով որոշակի ծրագրեր իրականացվեն և պետական մակարդակով գնումներ կատարվի: Մեզ համար բոլոր ժամանակներում պարենային հացահատիկի ինքնաբավության խնդիր է եղել: Կան ռեսուրսներ, որով կարելի է ինքնաբավության մակարդակը բարձրացնել: Կարելի է չօգտագործվող հողատարածքները շրջանառության մեջ դնելով հացահատիկի արտադրությունն ավելացնել:

– Անասնապահության ոլորտը գրեթե բարձիթողի վիճակում է: Այստեղ մսամթերքի արտադրությունն ինչպե՞ս եք գնահատում:

– Անասնապահության ոլորտում միշտ էլ խնդիրներ ենք ունեցել՝ հատկապես խոշոր եղջերավոր կենդանիների մասով: Ոչխարի միսն ինքնաբավության մակարդակի է հասնում: Շատ մեծ ռեսուրսներ կան այստեղ, որոնք պետք է գործի դրվեն: Արոտավայրերի 40%–ն է այսօր օգտագործվում: Համաշխարհային բանկի աջակցությամբ ծրագրեր իրականցվել են՝ արոտօգտագործողների ընկերություն է ստեղծվել, բայց դեռ անելիքներ շատ կան:

– Ստացվում է, որ պարենի որոշ տեսակների արտադրությամբ ինքնաբավ ենք: Սակայն, այսօր շուկայում թանկացումներ են:

– Անասնապահական մթերքների մասով ասեմ, որ այս տարվա ընթացքում արտահանման ծավալներն ավելացել են: Սա, բնականաբար, չէր կարող իր ազդեցությունը չունենալ գների վրա: Գրանցված երաշտը նույնպես այստեղ իր էական ազդեցությունն է ունենում: Դրսից անասնապահական մթերքների ներկրման կրճատում կա, ինչը նույնպես ազդեցություն է ունեցել տեղական արտադրանքի պահանջարկի վրա:

– Խոսվում է նաև տեղական արտադրության պարենի որակի խնդիրների մասին: Արդյո՞ք պարենի անվտանգության մասով խնդիրներ կան:

– Մենք սորտերի խնդիրներ չունենք: Նշեմ նաև, որ տեղական սերմերի արտադրության ուղղությամբ լուրջ խնդիրներ ունենք անելու: Քայլեր այս ուղղությամբ արվում են, չգիտեմ՝ դա հաջողությամբ կպսակվի՞, թե՝ ոչ: Սերմնաբուծության ոլորտում կարևոր բաց կա՝ հատկապես հացահատիկաընդեղենի՝ ոսպի, ոլոռի արտադրության ուղղությամբ: Հնդկաձավարի մշակության ուղղությամբ քայլեր կան՝ արտադրությունն արդեն հիմնվել է: Ես չեմ տեսնում, որ մեր երկրում կարող է առաջիկա տարիներին ոսպի, սիսեռի արտադրությունը զարգանա: Տարեկան միայն 5000 տոննա հատիկաընդեղեն ենք ներմուծում:

– Ի՞նչ քայլեր պետք է ձեռնարկել:

– Մեզ մոտ շատ կարևոր է ինտենսիվության մակարդակի բարձրացումը՝ պետք է բարձրացնել բերքատվության ցուցանիշը, կրճատել ծախսերը, որպեսզի և՛ գյուղացին կարողանա շահույթ ստանալ, և՛ ապառողի համար գները հասանելի լինեն:

Մանյա Պողոսյան
«Փաստ» օրաթերթ

loading...
Էրդողանը հայտարարել է թուրք զինվորներին Նորվեգիայից հետ կանչելու մասին Սամվել Կարապետյանն ընտրվել է Մոսկվայի «Արարատ»-ի նախագահ Ալեքսիս Օհանյանն ու Սերենա Ուիլյամսն ամուսնացել են Արոնյանը հաղթանակ տարավ ՖԻԴԵ-ի «Գրան պրիում» Դավիթ Լոքյանն ընդունել է Ասիական զարգացման բանկի հայաստանյան գրասենյակի փոխտնօրենին Գեղարքունիքի մարզում կատարվել է 11 հազար հեկտար աշնանացան Էրդողանը հայտնել է Թուրքիայի, ՌԴ-ի եւ Իրանի գլխավոր շտաբների պետերի առաջիկա հանդիպման մասին Մեքսիկան աջակցում է ՄԽ համանախագահների միջնորդությամբ ԼՂ խնդրի խաղաղ կարգավորմանը ԼՂ հարցում վերջնական խաղաղության հասնելու համար պետք է պահպանվի զինադադարը. Ալոիզիո Նունես Ֆերեիրա Տարոն Մարգարյանը հանդիպել է «Նեսթ Լաբս» ընկերության հիմնադիր Թոնի Ֆադելի հետ Հայաստանը մշտապես կողմ է ԼՂ խնդրի ինտենսիվ բանակցություններին. Նալբանդյանն արձագանքել է Ադրբեջանի հայտարարությանը Սերգեյ Մինասյանը՝ Ռումինիայում ՀՀ դեսպան Նորք-Մարաշի զինված խմբի գործով դատական նիստը հետաձգվեց ԱԺ-ն ընդունեց բժիշկների մասնագիտական գործունեությունը խոչընդոտելու համար խիստ պատիժ սահմանող օրինագիծը Իտալիայում մահացել Է «Կոզա նոստրայի» նախկին պարագլուխը Ակնաշենը հայկական լեռնաշխարհի վաղագույն նստակյաց բնակատեղին է. պեղվել են օձաքարից զարդեր, ուլունքներ ՊԵԿ պատվիրակությունն ուսումնասիրել է ավտոմատացված համակարգերի կիրառման ոլորտում Չինաստանի փորձը «Միկի` հայ հերոս» ֆիլմն արդեն հասանելի է համացանցում Թուրքիայում լուսային տարիներով հեռու են ԼՂ խնդրի էությունից. ՀՀ ԱԳՆ արձագանքը Էրդողանի հայտարարություններին Հայ ուսանողի ստացած գիտելիքը Հայաստանի ապագա ձեռքբերումների գրավականն է. Տարոն Մարգարյան Կառավարության որոշումը չի փրկի ընդդիմությանը Ուղիղ միացում ԱԺ-ից Շահեն Պետրոսյան. ««Բաց երկնքի քաղաքականությունը» բլեֆ էր». «Էստի համեցեք» սկզբունքն ու «Աէրոֆլոտ»–ի մենաշնորհը
Այսօր Այս շաբաթ Այս ամիս
website by Sargssyan