Երևան, 19.Հուլիս.2018,
--
:
--
,

Սխալ հասկանալու հետևանքները, կամ երբ փոթորիկն այդպես էլ չի գալիս


Երեկ մայրաքաղաքի որոշ դպրոցների և բուհերի սաներ մի քանի ժամ դասերին ներկա գտնվելուց հետո ուղարկվեցին տներ: Պատճառը՝ սպասվող քամին էր, որն, ըստ էության, բնավ Երևանի համար չէր կանխատեսվել: Այսպես, հոկտեմբերի 15–ին ԱԻՆ Ճգնաժամային կառավարման կենտրոնից ստացված տեղեկատվության համաձայն` երեկ օրվա երկրորդ կեսին սպասվում էր քամու ուժգնացում, և հնարավոր էր ծառերի կոտրվելու և տանիքների վնասման վտանգ, մասնավորապես Լոռու, Տավուշի և Գեղարքունիքի մարզերում:

Սակայն ինչպես «Փաստին» հայտնեցին երևանաբնակ աշակերտների ու ուսանողների ծնողներ, իրենց երեխաներին դպրոցներից տուն են ուղարկել՝ նշելով, թե Երևանում մեծ փոթորիկ է սպասվում: Հասկանում եք, մարդկանց առանց որևէ հիմնավոր պատճառի ասում են, թե փոթորիկ է լինելու: Փոթորիկ, որն իրականում պարզապես ուժեղ քամի, անձրև ու ամպրոպ պիտի լիներ:

Կրթության և գիտության նախարարությունը նման ահազանգերից ու լրագրողների զանգերից հետո իր կայքում հաղորդագրություն տարածեց, որով զգուշացնում էր հանրապետության ուսումնական հաստատությունների բոլոր ղեկավարներին` այդ մասին իրազեկել ծնողներին և շահառուներին` պահպանել նման իրավիճակների համար նախատեսված անվտանգության համապատասխան կանոնները` բացառելով տվյալ ժամանակահատվածում երեխաների դրսում գտնվելու հանգամանքը:

Արդյունքում, դպրոցների տնօրինությունները որոշել են երեխաներին տուն ուղարկել՝ բաց թողած ժամերը հետագայում լրացնելու վստահեցմամբ: Ասել է թե՝ պահը լավագույնս օգտագործել են: Ի՞նչ կա ավելի լավ, քան թե «ահագնացող» փոթորիկի պատճառով աշխատանքից խուսափելը:

Նշենք, որ ԱԻՆ հաղորդագրության մեջ ասված էր, որ հոկտեմբերի 16–ին առանձին շրջաններում՝ հատկապես Լոռիում, Տավուշում և Գեղարքունիքում սպասվում է քամու ուժգնացում՝ 25–30 մ/վ արագությամբ, որը կարող է վնասել ծառեր և շենքերի տանիքներ: Նախարարությունից քաղաքացիներին կոչ են արել պահպանել զգուշություն և հնարավորինս քիչ գտնվել դրսում՝ հավելելով, որ Երևանում ու հանրապետության մյուս հատվածներում նման ուժեղ քամիներ չեն կանխատեսվում:

ԱԻՆ մամուլի ծառայությունից «Փաստ»–ին տեղեկացրին, թե այն, ինչ տարածել են, համապատասխանում է իրականությանը, բայց խոսքը գնում է ընդամենը երեք մարզերի մասին: «Մեր հաղորդագրության մեջ Երևանի վերաբերյալ ոչինչ նշված չի եղել: Այլ հարց է, որ ով ինչպես հասկանում է, այնպես էլ մեկնաբանում է»:

ԱԻՆ աշխատակիցը նաև հաստատեց, որ իրենց կողմից ԿԳՆ–ին զգուշացում չի եղել ուսհաստատություններից երեխաներին տուն ուղարկելու վերաբերյալ: ԿԳՆ–ից նույնպես նշում են, որ իրենք երեխաներին դպրոցից տուն ուղարկելու մասին ոչինչ չեն ասել: Ընդամենը ասվել է՝ ուշադիր լինեն, որ դասերը շուտ ավարտող երեխաները շուտ տուն հասնեն, իսկ այն դպրոցներում, որտեղ դասերը տևում են ավելի երկար, ժամը 14–15–ի ընթացքում աշակերտներին պահեն շենքերի ներսում:

Նախարարությունից նաև տեղեկացրին, որ պետք է լրացուցիչ հաղորդագրություն տարածեն կայքում այս ամենի վերաբերյալ, սակայն այդ հաղորդագրությունը այդպես էլ չհայտնվեց կայքի էջում: Որպես արդարացում նշվեց, թե ԿԳՆ–ն աշխատում է ԱԻՆ–ի հետ համատեղ, և միայն վերջինների կայքում դրվելուց հետո հաղորդագրությունը կհայտնվի նաև ԿԳՆ կայքի պաշտոնական լրահոսում: Սակայն ժամերն անցնում էին, իսկ որևէ նոր պաշտոնական հաղորդագրություն չհայտնվեց ո՛չ ԱԻՆ և ո՛չ էլ ԿԳՆ կայքերում:
Հավելենք, որ ժամը 15:30–ից հետո էլ ԱԻՆ–ը սպասվող քամիների մասին իրազեկումը սկսեց տարածել նաև բջջային հեռախոսահամարներին հաղորդագրություններ ուղարկելով:

ՔՐԻՍՏԻՆԱ ՏԵՐ–ՄԱԹԵՎՈՍՅԱՆ
«Փաստ» օրաթերթ

loading...
Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ Ռոբերտ Քոչարյանը ՀՔԾ հարցաքննության կներկայանա հուլիսի 25-ից ոչ շուտ. Սողոմոնյան (տեսանյութ) Երևանի քաղաքապետ Տարոն Մարգարյանը հրաժարական տվեց Թե ինչպես Ֆիդել Կաստրոն փրկեց Ստաս Նամինին, իսկ Նամինը Կուբայի մասին ֆիլմ նկարահանեց Թուրքիայում գնացք է վթարվել. կան մեծ թվով զոհեր Ջորկաեֆը պատրաստ է լրջորեն աջակցել հայկական ֆուտբոլին. Փաշինյանը հանդիպել է ֆուտբոլիստի հետ Փաշինյանը ներկա է գտնվել «Ոսկե Ծիրան»-ի բացման արարողությանն ու հետևել «Լեգենդների խաղ»-ին Մեր ամենակարևոր նպատակն է արտագաղթի անիվը ոչ միայն կանգնեցնելը, այլև հետ պտտելը. Նիկոլ Փաշինյան Վարդավառին միացած Դարեն Արոնոֆսկին. մեկնարկեց 15-րդ «Ոսկե ծիրանը» Դժբախտ պատահարի հետևանքով մահացել է ՊՆ կենտրոնական արխիվի պետը ԿԲ-ն վարչապետին է ներկայացրել իրականացված ուսումնասիրությունները տնտեսական աճի կանխատեսման և հարկային բարեփոխումների վերաբերյալ ՀՀ նախագահը մասնակցել է Միջազգային եւ անվտանգության հարցերի հայկական ինստիտուտի Երիտասարդական ֆորումին Ադրբեջանը շփման գծում հայ դիրքապահների ուղղությամբ արձակել է ավելի քան 1500 կրակոց Հայ ժողովուրդը կարիք ունի ուժեղ և ինքնիշխան պետության. ՀՀ Անվտանգության խորհրդի քարտուղար ՀՀ ռազմական տեսուչի տեղակալ Միքայել Արզումանյանը շտապ հրավիրվել է վարչապետի մոտ
Այսօր Այս շաբաթ Այս ամիս
website by Sargssyan