Երևան, 20.Փետրվար.2018,
--
:
--
,

Հովսեփ Խուրշուդյան. «Պետության կառավարման ղեկին ոչ համապատասխան մարդիկ են»



Օրերս «Ազատ քաղաքացի» քաղաքացիական նախաձեռնությունների աջակցման կենտրոն հասարակական կազմակերպության ղեկավար, նախկին «Ժառանգական» Հովսեփ Խուրշուդյանը, մամուլում հրապարակած մի հոդվածում միտք էր հայտնել, որ եթե ցանկանում ենք ճիշտ գնահատել, թե Հայաստանի համար որ ուղղությունով շարժվելն է ավելի շահեկան, պետք է նախ ուսումնասիրել երկու միությունների կողմից տրվող արտոնություններն ու թերությունները: Ու եթե ԵԱՏՄ–ի դեպքում որոշ առումով արդեն պարզ է, թե ինչ կարող ենք շահել կամ կորցնել, ապա Եվրամիության դեպքում ամեն ինչ այնքան էլ պարզ չէ: Մի կողմից լեզվական խոչընդոտը, մյուս կողմից ընկալումների տարբերությունները, երրորդ կողմից՝ եվրոպական կոչվող երկակի, եռակի կամ քառակի ստանդարտներն այնքան էլ թույլ չեն տալիս լավ պատկերացնել այդ կառույցի դրական ու բացասական կողմերը: Եվ այս պայմաններում այդքան էլ պարզ չէ, թե ինչպես հնարավոր կլինի համեմատել երկու կառույցների կողմից հրամցվող դրական և բացասական կողմերն ու եզրակացություն անել:

«Փաստը» Հովսեփ Խուրշուդյանից փորձեց պարզել, թե այս պայմաններում ինչպե՞ս պետք է հասկանալ, թե որ ուղղությունից ինչ կշահենք, երբ գերտերությունները հիմնականում առաջ են շարժվում եռակի, քառակի ստանդարտներով և դժվար է կանխատեսել, թե երբ որ «դարակից» ինչ թակարդ կարող են հանել ու հրամցնել:

Մեր հարցին ի պատասխան կազմակերպության ղեկավարը նշեց, որ իր հայտնի հոդվածի մեջ այս կամ այն ուղղությունով շարժվել ասելով հասկացել է նախևառաջ մեր ներուժը ճիշտ գնահատելը, հետո միայն դա անելը:

«Մենք շատ ենք կենտրոնանում արտաքին աշխարհի վրա, թերագնահատելով ազգային, պետական ներհայեցողության կարևորությունը: Ինչպիսի՞ պետական ֆորմացիան է, որ կարող է առավել արդյունավետ բացահայտել մեր ներքին ուժը. ահա թե ինչի մասին է խոսքը: Ինչպիսի՞ ներպետական կառուցվածք, տնտեսական ու քաղաքական հարաբերություններ պետք է ունենանք Հայաստանի ներսում, որ առավել հզորանանք` նախևառաջ ներքին ռեսուրսների վրա հենվելով»,– ասաց Հ. Խուրշուդյանը:

Հասարակական–քաղաքական գործչի կարծիքով՝ ներքին արդյունավետության հարցն ապահովելուց հետո միայն, կկարողանանք նաև առավել ճիշտ, սթափ ու համարժեք ճանաչել ու գնահատել մեզ շրջապատող աշխարհը, նույն գերտերությունների քաղաքականությունը:

«Անհնարին ոչինչ չկա: Պետք է միայն, որ պետությունը ղեկավարեն պետական գործիչները, այլ ոչ թե ջեպկիրներն ու զոռբաները»,– ասաց Հ. Խուրշուդյանը:
Ինչ վերաբերում է շահելուն կամ կորցնելուն, ապա պատմությունը ցույց է տալիս, որ միջազգային հարթակներում մենք ավելի շատ պարտվել ենք, քան՝շահել: Եվ հաշվի առնելով այս իրողությունը հետաքրքիր էր իմանալ, թե կազմակերպության ղեկավարի կարծիքով մենք արդյո՞ք սերտել ենք պատմության դասերը և արդյո՞ք շատ հարցերում չենք շարունակում պարտվել մեր մեծամտության, դրա հետևանքով նաև՝ անգործության, դանդաղկոտության և անհեռատեսության պատճառով:

«Խնդիրը ոչ թե դանդաղկոտությունն ու անհեռատեսությունն է, այլ, ինչպես արդեն նշեցի, այն, որ պետության կառավարման ղեկին ոչ համապատասխան մարդիկ են, որոնք ոչ թե ներդնում են սեփական գիտելիքներն ու ներուժը պետական խնդիրներ լուծելու համար, այլ օգտագործում են պետության ներուժը` հիմնականում սեփական հարստացման և իշխանության պահպանման համար: Այսինքն, այնպես չէ, որ նրանք դանդաղկոտ են կամ անհեռատես, պարզապես արագաշարժությունն ու հեռատեսությունն իրենք օգտագործում են բոլորովին այլ խնդիրներ լուծելու, ոչ թե պետության համար անհրաժեշտ խնդիրները լուծելու համար, որի արդյունքում ունենք այն՝ ինչ ունենք»,– ասաց Հ. Խուրշուդյանը:


Արմինե Գրիգորյան

«Փաստ» օրաթերթ

loading...
Առաքելական Հայաստան. «Пешком» ծրագրի հերթական թողարկումը Ռուսաստանի, Իրանի և Թուրքիայի ԱԳ նախարարների հանդիպումը տեղի կունենա Աստանայում Ստամբուլի վճռաբեկ դատարանը «Սանասարյան հան» կառույցը հայ համայնքին վերադարձնելու վճիռ է կայացրել Իսրայելը եւ ԱՄՆ-ը տիեզերքում հրթիռների կալանման համալիր են փորձարկել ԱՄՆ-ը մտադիր Է մինչեւ 2023-ը տիեզերանավ ուղարկել Լուսնի շուրջը թռիչքի ՍԱՊԾ են հրավիրվել պետական գնումներով ծառայություններ իրականացնող կազմակերպությունների ներկայացուցիչները Նախնական հաշվարկներով «ՎՏԲ-Հայաստան» բանկի մասնաճյուղից հափշտակվել է շուրջ 8.5 մլն դրամ գումար ՆԱՏՕ-ի գլխավոր քարտուղարը Ռուսաստանին մեղադրել Է միջուկային սպառազինությունների մրցավազք հրահրելու մեջ Բելգիայում 81 բուհեր կասկածվում են «կեղծ» դիպլոմներ տալու մեջ. Libre Belgique Սերժ Սարգսյանն ընդունել է ՌԴ Արտաքին հետախուզության ծառայության տնօրենին Ցածր հասակը՝ ինսուլտի առաջացման ռիսկի գործո՞ն Հայաստանը բանակցում է Իրաքի հետ կրկնակի հարկումը բացառող համաձայնագրի ստորագրման շուրջ Facebook-ը կկրկնապատկի անվտանգությամբ զբաղվող մասնագետների թիվը Windows 10-ի պաշտպանությունն անառիկ չէ Թրամփ. Ամերիկա՛, խելացի եղիր, Մոսկվան ծիծաղում է մեզ վրա Սքանավորման նոր տեխնիկան բացահայտում է նկարների տակ թաքնված գաղտնիքները Ավստրալիայի կառավարության անդամներին կարգելվի ինտիմ կապեր ունենալ աշխատակիցների հետ Մեծ Բրիտանիայի ընկերությունների ղեկավարները Brexit-ի «փոխզիջումային» տարբերակ են առաջարկել «Հյուսիսային հոսք-2»-ը Էներգետիկական անվտանգության սպառնալիք չԷ. Մերկել Սիրիայի հումանիտար օգնությանը նվիրված խորհրդաժողով՝ ապրիլին Միլանում ուսանողը թռել Է մետրոյի գծերի վրա՝ փրկելու երեխային Victoria՚s Secret-ի մոդելները լուսանկարվել են գրեթե մերկ Մինի-տուն ոչ մեծ ընտանիքի համար. Բելառուսի բնակչի ստեղծագործությունը
Այսօր Այս շաբաթ Այս ամիս
website by Sargssyan