Երևան, 20.Փետրվար.2018,
--
:
--
,

Տրանսպորտ չլինելու պատճառով երեխաները դպրոց չեն հաճախում


Քանի՞ համայնքի տրանսպորտի հարց է լուծվել վարչապետի հայտարարությունից հետո

Հայաստանում 97 համայնք չի սպասարկվում ներմարզային երթուղիներով: Վայոց ձորի մարզի Հորբատեղի համայնքը դրանցից մեկն է: Շուրջ 250 բնակիչ ունեցող գյուղում անհիշելի ժամանակներից տրանսպորտ չի գործում: Սովետական միության փլուզումից հետո մարզկենտրոն Եղեգնաձոր քաղաքից 23 կմ հեռավորության վրա գտնվող գյուղում երթուղային տրանսպորտ չկա:

«Ծայրամասային գյուղ ենք, տրանսպորտ չի աշխատում: Մենք չգիտենք` տրանսպորտն ի՞նչ բան է»,– «Փաստ» օրաթերթի թղթակցի հետ զրույցում գանգատվեցին համայնքի բնակիչները:

Տրանսպորտի բացակայությունը լուրջ խնդիր է հատկապես դպրոցականների համար: Ավագ դպրոց Հորբատեղիում չի գործում: Դպրոցը Հորբատեղիից 5–7 կիլոմետր է հեռու:
Հենց այսքան ճանապարհ են ստիպված ամեն օր ոտքով հաղթահարում այս համայնքի դպրոցականները կրթությունը հարևան` Արտաբույնքում շարունակելու համար:

Բարեկարգ ճանապարհների և կանոնավոր տրանսպորտի բացակայության պայմաններում երեխաների մեծ մասի համար ավագ դպրոցն անհասանելի է:
«Տրանսպորտի պատճառով երեխաները կրթությունը չեն կարողանում շարունակել, գնալ–գալ չկարողանալու պատճառով երեխաները նստում են տանը»,– ասաց համայնքի ղեկավար Գագիկ Սանդրոսյանը: Վերջինս հայտնեց, որ երթուղայինի չաշխատելու հիմնական պատճառը գյուղի քարուքանդ ճանապարհներն են:

«Մեկ է՝ չեն կարողանալու էդ ճամփեքով քշեն, բացի դա էլ՝ ուղևորներն են քիչ, ձեռք չի տալիս գազ ծախսեն, աշխատեն»,– նկատեց Սանդրոսյանը:
Համայնք տանող և գյուղամիջյան ճանապարհներն այստեղ քանդուքարափ վիճակում են: Անմխիթար ճանապարհների պատճառով գյուղացու բերքն այստեղ չի մթերվում: Հորբատեղիի բնակիչները չեն կարողանում խնձորը, ընկույզն ու մսամթերքը վաճառել:

«Ահավոր ճանապարհներ են, դրա համար էլ գյուղում առևտուր չի կատարվում: Այն ժամանակ գալիս էին ու ապրանքափոխանակություն էին անում, բայց հիմա ափսոսում են իրենց մեքենաները բերեն, որովհետև ճանապարհներին փչանում է: Ժողովուրդը ծանր վիճակում է»,– բողոքեցին նրանք:

Կարեն Կարապետյանը վարչապետ նշանակվելուց հետո հայտարարեց, որ բնակավայրերի տրանսպորտային հասանելիության մակարդակը բավարար չէ: Նա հանձնարարեց հանրապետությունում երթուղային ցանցի, մասնավորապես՝ ներմարզային ցանցի արդիականացմանն ուղղված անհապաղ աշխատանքներ իրականացնել՝ պնդելով, որ ոչ մի համայնք առանց տրանսպորտ չի մնա:

 Տրանսպորտի, կապի և տեղեկատվական տեխնոլոգիաների նախարարության լրատվության ծառայության փոխանցմամբ՝ իրենց կատարած ուսումնասիրություններով պարզվել է, որ 97–ի փոխարեն Հայաստանում 220 համայնք կա, որտեղ տրանսպորտ չի գործում: Երթուղային չունեցող մի շարք համայնքների խնդիրներն արդեն լուծվել են:

«Մշակվել է համապատասխան երթուղայինի հասանելիության ցանց և չսպասարկվող համայնքների շուրջ 47%–ը ներառվել է գործող երթուղային ցանցում: Բացի սա, մշակվել և կառավարություն է ներկայացվել միասնական երթուղային համակարգ ստեղծելու առաջարկը, որպեսզի բոլոր համայնքներում գործեն երթուղայիններ»,– հայտնեցին գերատեսչությունից:

Մանյա Պողոսյան
«Փաստ» օրաթերթ


loading...
Առաքելական Հայաստան. «Пешком» ծրագրի հերթական թողարկումը Ռուսաստանի, Իրանի և Թուրքիայի ԱԳ նախարարների հանդիպումը տեղի կունենա Աստանայում Ստամբուլի վճռաբեկ դատարանը «Սանասարյան հան» կառույցը հայ համայնքին վերադարձնելու վճիռ է կայացրել Իսրայելը եւ ԱՄՆ-ը տիեզերքում հրթիռների կալանման համալիր են փորձարկել ԱՄՆ-ը մտադիր Է մինչեւ 2023-ը տիեզերանավ ուղարկել Լուսնի շուրջը թռիչքի ՍԱՊԾ են հրավիրվել պետական գնումներով ծառայություններ իրականացնող կազմակերպությունների ներկայացուցիչները Նախնական հաշվարկներով «ՎՏԲ-Հայաստան» բանկի մասնաճյուղից հափշտակվել է շուրջ 8.5 մլն դրամ գումար ՆԱՏՕ-ի գլխավոր քարտուղարը Ռուսաստանին մեղադրել Է միջուկային սպառազինությունների մրցավազք հրահրելու մեջ Բելգիայում 81 բուհեր կասկածվում են «կեղծ» դիպլոմներ տալու մեջ. Libre Belgique Սերժ Սարգսյանն ընդունել է ՌԴ Արտաքին հետախուզության ծառայության տնօրենին Ցածր հասակը՝ ինսուլտի առաջացման ռիսկի գործո՞ն Հայաստանը բանակցում է Իրաքի հետ կրկնակի հարկումը բացառող համաձայնագրի ստորագրման շուրջ Facebook-ը կկրկնապատկի անվտանգությամբ զբաղվող մասնագետների թիվը Windows 10-ի պաշտպանությունն անառիկ չէ Թրամփ. Ամերիկա՛, խելացի եղիր, Մոսկվան ծիծաղում է մեզ վրա Սքանավորման նոր տեխնիկան բացահայտում է նկարների տակ թաքնված գաղտնիքները Ավստրալիայի կառավարության անդամներին կարգելվի ինտիմ կապեր ունենալ աշխատակիցների հետ Մեծ Բրիտանիայի ընկերությունների ղեկավարները Brexit-ի «փոխզիջումային» տարբերակ են առաջարկել «Հյուսիսային հոսք-2»-ը Էներգետիկական անվտանգության սպառնալիք չԷ. Մերկել Սիրիայի հումանիտար օգնությանը նվիրված խորհրդաժողով՝ ապրիլին Միլանում ուսանողը թռել Է մետրոյի գծերի վրա՝ փրկելու երեխային Victoria՚s Secret-ի մոդելները լուսանկարվել են գրեթե մերկ Մինի-տուն ոչ մեծ ընտանիքի համար. Բելառուսի բնակչի ստեղծագործությունը
Այսօր Այս շաբաթ Այս ամիս
website by Sargssyan