Երևան, 19.Հոկտեմբեր.2017,
--
:
--
,
ՏՏ ոլորտում ՀՀ Նախագահի մրցանակին այս տարի կարժանանա iPod-ի ստեղծող Թոնի Ֆադելը Հայաստանի և Ռուսաստանի միջև բեռների միջպետական փոխադրումները կիրականացվեն առանց թույլտվությունների ԼՂ գոտում ռազմական գործողությունները բացառելու համար կողմերը պետք է կյանքի կոչեն պայմանավորվածությունները. Քերի Քեվինո Առողջապահական 2 հիմնարկների միավորման արդյունքում կտնտեսվի 9 մլն դրամ Վարչապետը հանձնարարեց տրամաբանական չափով ազատականացնել անտառահատումներն ու իրականացնել կոշտ վերահսկողություն Նախագահ Սերժ Սարգսյանը ստորագրել է Ազգային ժողովի ընդունած մի շարք օրենքներ Բոլորիս առաջ է մղում մի նպատակ՝ ունենալ առաջադեմ ազգ․ վարչապետ Լարիսա Ալավերդյան. «Եթե այս օրենքը դրսի պահանջ է, ապա մեզ համար ամոթ է» Կընկնենք քարե դար. ատոմակայանի փակման հետևանքները

Հայ գործարարներն իրանցիների հետ շփվելու մշակույթ պետք է ձևավորեն


Մեր հյուրն է տնտեսագետ Թաթուլ Մանասերյանը

– Պարո՛ն Մանասերյան, Իրան–Հայաստան տնտեսական հարաբերությունների առաջընթացի համատեքստում վարչապետ Կ.Կարապետյանի գլխավորած պատվիրակության այցն Իրան հուսադր՞ող է:

– Ես առաջընթաց տեսնում եմ: Ցանկացած այցելություն միայն դրական կարելի է գնահատել: Կարծում եմ՝ գյուղատնտեսության, մշակույթի, գիտության և կրթության ոլորտները հենց այն ճյուղերն են, որտեղ մեր համագործակցությունն այս պահին կարող է արդյունավետ լինել: Իհարկե այլ ոլորտներ էլ կան: Եվ այդ իմաստով մենք պետք է փորձենք անել այն, ինչ իրանցիներն արել են տարիներ շարունակ. մենք պետք է ընդունենք, որ այս տարիների ընթացքում նախաձեռնողը մեր գործընկերներն են եղել: Մենք դա պնդելու համար բազմաթիվ հիմքեր ունենք, թեպետ ներկայիս կառավարության օրոք որոշակի առաջխաղացում կա: Ես կարևորում եմ հատկապես Հայաստան–Իրան ազատ տնտեսական գոտու գործարկումը, օր առաջ այն կյանքի կոչելը: Այն ոչ միայն երկու պետությունների համագործակցության առումով է դրական, այլև կարևորվում է ԵՏՄ անդամ երկրների համագործակցությամբ: Որպես սահմանակից երկիր՝ 80 միլիոնանոց Իրանը շատ կարևոր է Հայաստանի համար: Իրանի համար էլ Հայաստանը ԵՏՄ միակ երկիրն է, որի հետ սահման ունի: Այս առումով չկա մի ոլորտ, որտեղ համագործակցության արգելքներ կամ լուրջ խնդիրներ լինեն, իսկ նման այցելությունները պետք է շարունակականություն ունենան:

– Վարչապետի խոսքով՝ Հայաստանը շահագրգռված է, որ իրանական բիզնեսը և կապիտալը Հայաստան գան: Հայաստանն այս առումով ի՞նչ նախադրյալներ է ստեղծել: Իրանի նպատակադրվածությունն ինչպիսի՞ն է այս հարցում:

– Իրանական կապիտալը Հայաստան բերելու համար բոլոր հիմքերը կան: Իհարկե, մենք բավականին աշխատանք պետք է անենք: Առաջին հայացքից թվում է, թե գործ ունենք բարեկամ երկրի հետ, և այդ փաստն իր դերն ունի, բայց իրականում հայ գործարարները իրանցիների հետ շփվելու որոշակի մշակույթ պետք է ձևավորեն, ինչն առայժմ բացակայում է: Չպետք է իրանցիներին միայն միակողմանի շահույթի առարկա դիտարկել: Պետք է տեսնել, թե մենք մեր կողմից ինչ կարող ենք տալ և ինչքանով ենք բավարարում իրենց սպասելիքները: Բացի այդ, Իրանից Հայաստան են գալիս տարբեր մարդիկ: Հատկապես կարևոր են նրանք, ովքեր իրենց պետության երաշխավորությունն ունեն և հուսալիության մասով շատ կարևոր են: Իրանը Հայաստանի հետ համագործակցելու կարիք ունի ոչ միայն ելք դեպի ԵՏՄ կոնտեքստում, այլև այլ առումներով: Հայաստանը հետխորհրդային տարածքում միակ երկիրն է, որ լուրջ հաջողություններ է արձանագրել ինստիտուցիոնալ բարեփոխումների կտրվածքով: Չմոռանանք, որ նոյեմբերին մեզ ԵՄ–ի հետ համաձայնագրի ստորագրում է սպասվում: ԵՄ–ի հետ կապերը սերտացնելու առումով Իրանի համար Հայաստանը շատ կարևոր դաշնակից կարող է դիտարկվել:

– ԱՄՆ–ի կողմից Իրանի նկատմամբ կիրառվող պատժամիջոցները Հայաստանի և Իրանի տնտեսական հարաբերությունների զարգացման քաղաքականությանը չեն վնասի՞:

– Չեմ կարծում, որ կվնասեն: Բարեբախտաբար ԱՄՆ–ն ըմբռնումով է մոտենում երկու երկրների համագործակցությանը: Եթե որևէ երկրի և Հայաստանի հարաբերություններում սպառնալիք լինի, և՛ ԱՄՆ–ն, և՛ Արևմուտքի երկրները, բնականաբար, մտահոգություններ կունենան: Բայց Հայաստանը և Իրանը համագործակցում են տնտեսական դաշտում, որը ոչ միայն որևէ սպառնալիք չի ներկայացնում, այլ՝ ընդհակառակը, տարածաշրջանային կայունության, խաղաղության և զարգացման առումով բավականին կարևոր է:

 

Աննա Բադալյան
«Փաստ» օրաթերթ

loading...
ՏՏ ոլորտում ՀՀ Նախագահի մրցանակին այս տարի կարժանանա iPod-ի ստեղծող Թոնի Ֆադելը Հայաստանի և Ռուսաստանի միջև բեռների միջպետական փոխադրումները կիրականացվեն առանց թույլտվությունների Հայաստանի քաղաքացիները կկարողանան հանրաքվե պահանջել Համայնքային զարգացման կենտրոն հիմնելու համար կառավարությունը Տեղ գյուղին կտրամադրի կառույց ԼՂ գոտում ռազմական գործողությունները բացառելու համար կողմերը պետք է կյանքի կոչեն պայմանավորվածությունները. Քերի Քեվինո Տրանսպորտային միջոցների վերահաշվառման թույլտվությունը 1 ամսվա փոխարեն կտրամադրվի 10 օրվա ընթացքում ԱՄՆ-ը հայտարարել են, որ ահաբեկիչները նոր «սեպտեմբերի 11» են պատրաստում Առողջապահական 2 հիմնարկների միավորման արդյունքում կտնտեսվի 9 մլն դրամ Վարչապետը հանձնարարեց տրամաբանական չափով ազատականացնել անտառահատումներն ու իրականացնել կոշտ վերահսկողություն Նախագահ Սերժ Սարգսյանը ստորագրել է Ազգային ժողովի ընդունած մի շարք օրենքներ Բոլորիս առաջ է մղում մի նպատակ՝ ունենալ առաջադեմ ազգ․ վարչապետ Գյուղական բնակչության թիվը նվազել է Երևանում հակասրճարան այցելելը մոդայիկ է, մարզում՝ ավելորդ ծա՞խս Թանկացումներ դիզվառելիքի շուկայում. ինչո՞ւ ոլորտը չի կարգավորվում Լարիսա Ալավերդյան. «Եթե այս օրենքը դրսի պահանջ է, ապա մեզ համար ամոթ է» Պատմական էքսպերիմենտ՝ Հայաստանի դեպքում Կընկնենք քարե դար. ատոմակայանի փակման հետևանքները Ի՞նչ գաղափարի շուրջ է պետք բանակցել Սերգո Կարապետյանի ժամանակ 1,5 միլիոն դոլարի վնաս է հասցվել պետությանը. նոր քրեական գործ Մարդասիրությունն ու այն կրողները՝ «Փրկության քարտեզ»–ում Ֆիլմ, որտեղ խոսում են միայն օտարները Կաննում կայացել Է «Տրոցկի» ռուսական սերիալի համաշխարհային պրեմիերան Ռաֆայել Նադալը բաց կթողնի Բազելի մրցաշարը «Բարսելոնա»-«Օլիմպիակոս». ուղիղ միացում Միջխորհրդարանական միությունը գլխավորել Է մեքսիկացի Գաբրիելա Կուեւաս Բարոնը
Այսօր Այս շաբաթ Այս ամիս
website by Sargssyan