Երևան, 21.Հուլիս.2018,
--
:
--
,

Ստեփան Գրիգորյան. «ՀԱՊԿ–ն ցանկանում է մեղմել Հայաստանում իր նկատմամբ առկա բացասական տրամադրվածությունը»



ՀԱՊԿ արագ արձագանքման 20–հազարանոց զորամիավորումը պատրաստ կլինի ռազմական աջակցություն ցուցաբերել Հայաստանին, եթե նման որոշում կայացնի կազմակերպության բարձրագույն մարմինը՝ խորհուրդը: Երևանում հայտարարել է ՀԱՊԿ միացյալ շտաբի պետ Անատոլի Սիդորովը:

 Հայտարարությունն ուղղված էր Հայաստանում ՀԱՊԿ–ի նկատմամբ առկա քննադատական տրամադրություններին. «Փաստ» օրաթերթի հետ զրույցում նման կարծիք հայտնեց «Գլոբալիզացիայի և տարածաշրջանային համագործակցության կենտրոն» կազմակերպության նախագահ Ստեփան Գրիգորյանը: Ըստ քաղաքագետի՝ ՀԱՊԿ միացյալ շտաբի պետը ցանկանում է ցույց տալ, որ իրենք մեր կողքին են և դրանով մեղմել իրենց նկատմամբ Հայաստանում առկա բացասական վերաբերմունքը:
«Դրան պետք է վերաբերվել որպես զուտ ֆորմալ հայտարարություն, որը նպատակ ունի ցրել Հայաստանում առկա բացասական տրամադրվածությունները ՀԱՊԿ–ի և Ռուսաստանի նկատմամբ: Հայաստանում այս օրերին լուրջ քննարկումներ են գնում՝ կապված ԵԱՏՄ–ի և «ՀՀ զինված ուժերի և Ռուսաստանի Դաշնության զինված ուժերի զորքերի միացյալ խմբավորում» ստեղծելու օրենքի հետ: Դրանց դեմ շատ քննադատական խոսքեր են հնչում: Նրանք ցանկանում են ցրել այդ բացասական տրամադրվածությունները: Իսկ մեր երկրում և՛ ՀԱՊԿ–ի, և՛ Ռուսաստանի նկատմամբ քննդատությունները լայնամասշտաբ են: Հայտարարությունն արվում է միայն նրա համար, որ քննադատությունը գնալով ուժեղանում է»,– ասաց Ստեփան Գրիգորյանը:

«Գլոբալիզացիայի և տարածաշրջանային համագործակցության կենտրոնի» անցկացրած հարցումներից պարզվում է, որ քաղաքացիների 58%–ը պրոեվրոպական տրամադրություններ են արտահայտել: Քաղաքագետի խոսքով՝ այս մասին ՀԱՊԿ–ում ևս տեղյակ են: Ուստի՝ միացյալ շտաբի պետի հայտարարությունը պրոեվրոպական տրամադրվածությունների դեմ ուղղված քայլ է:

«Բավականին ցածր էր Ռուսաստանի և ՀԱՊԿ–ի վարկանիշը: Այն, որ քաղաքագետները և մյուսները բարձրաձայնում են, որ մեր մասնակցությունը ԵԱՏՄ–ին անարդյունք է և այլ հարցեր, նրանք այդ տրամադրվածությունները շատ լավ գիտեն և ուզում են մեղմացնել այն»,– նշեց նա:

Ստեփան Գրիգորյանը չի կարծում, թե ագրեսիայի դեպքում ռուսական կողմն օգնելու է Հայաստանին այն դեպքում, երբ Ռուսաստանը շարունակում է զենք վաճառել Ադրբեջանին և Թուրքիային:

«Ապրիլյան դեպքերի ժամանակ էլ ՀԱՊԿ–ի հայտարարությունը չափազանց ուշացած էր: Կարևոր է, թե երբ ես դու այդ հայտարարությունն անում, այն պետք է ժամանակին լիներ: Այն պահին, երբ Ադրբեջանը սկսեց պատերազմը և ՀԱՊԿ–ի խոսքը պետք է առավոտյան լիներ: Եթե հայտարարությունը մեկ, երկու օր ուշ է լինում, ես չեմ համարում, որ դա հայտարարություն էր, որն ի օգուտ մեզ կամ խաղաղության էր: Այն միայն «գալչկայի» համար էր»,– նկատեց քաղաքագետը:

Իսկ ՀԱՊԿ միացյալ շտաբի պետ գեներալ–գնդապետ Սիդորովը Հայաստանում է՝ մասնակցելու դաշինքի զորավարժությանը: «Բաղրամյան» զորավարժարանում արդեն ավարտվեցին ՀԱՊԿ անդամ պետությունների ռազմական հետախուզության ուժերի «Որոնում–2017» համատեղ վարժանքները, որոնց շրջանակում խաղարկվեցին կազմակերպության անդամ երկրների հետախուզական և հատուկ ստորաբաժանումների գործողությունները:

 

Մանյա Պողոսյան
«Փաստ» օրաթերթ

loading...
Թուրքիայի քեմալական կուսակցության ազատազրկված պատգամավորը հացադուլ է սկսել Որակյալ կահույքի արտադրություն ու մատչելի գներ․սա «Ավելինո»-ն է Մուշավան թաղամասի հրդեհը մարվել է. դեպքի վայրում էր նաև ԱԻ նախարարը Հայաստանի ՓՄՁ ԶԱԿ-ը նոր տնօրեն ունի Քաղցրավենիք, բուսական պահածոներ ու թանապուր. զորամասերում սննդակարգի փոփոխություններ են իրականացվում Վարչապետ Նիկոլ Փաշինյանի մամուլի ասուլիսը Փաշինյանն օգտակար է համարում Տեր-Պետրոսյանի հետ զրույցը և չի բացառում մյուս նախագահների հետ հանդիպելու հնարավորությունը Ռուսաստանն ունի հնարավորություն թույլ չտալու պատերազմի վերսկսումը տարածաշրջանում. Փաշինյան Հայաստանի Հանրապետությունում արտոնյալ գործարարներ չեն լինի. Փաշինյան «Ադրբեջանցիները վախենում են ճշմարտությունից». սպառնալիքներ ստացող հայազգի բլոգերը տեսանյութ է հրապարակել Երևանից (տեսանյութ) 2021-ից ընդերքօգտագործողները բնապահպանական հարկ են վճարելու թափոնների տեղադրման կամ պահման համար «Տուբերկուլոզի դեմ պայքարի ազգային կենտրոն» ՊՈԱԿ-ում հայտնաբերվել են մի շարք չարաշահումներ և խախտումներ Արարատ Միրզոյանն ԱՄՆ կոնգրեսականին հայտնել է Հայաստանում մինչև ապրիլ ընտրություններ անցկացնելու մտադրության մասին «Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ
Այսօր Այս շաբաթ Այս ամիս
website by Sargssyan