Երևան, 25.Ապրիլ.2018,
--
:
--
,

«Մի պատառիկ Կողբից»՝ Երևանում (ֆոտոշարք)

 

Կողբի գեղարվեստի դպրոցի նախկին սաներ Մարիամ Աղաբաբյանը և Իրինա Ղուլիջանյանը Կողբից մի պատառիկ են տեղափոխել: Բերել են Երևան՝ «Նարեկացի» արվեստի միություն, որտեղ և տեղի ունեցավ նրանց «Մի պատառիկ Կողբից» խորագիրը կրող ցուցահանդեսը:

Այն կշարունակվի մինչև հոկտեմբերի 8-ը: Այդ ընթացքում մարդիկ կարող են տեսնել Կողբի ավանդույթները, կենցաղն ու գույներն արտացոլող գեղանկարներ, գործվածքներ և կերամիկական աշխատանքներ:

Երիտասարդ ստեղծագործողներին ոգեշնչել է Կողբիառանձնահատուկ բնությունը, կտավներում վառ և ջերմ գույներ են արտացոլված: Մարիամ Աղաբաբյանը սովորում է Խ. Աբովյանի անվան հայկական պետական մանկավարժական համալսարանի գեղարվեստական կրթության ֆակուլտետի դեկորատիվ-կիրառական արվեստի բաժնում: Այժմ Մուղդուսյան արվեստի կենտրոնում կարպետագործություն է դասավանդում:

«Մեր ստեղծագործական հիմքը Կողբի գեղարվեստի դպրոցում է դրվել: Կողբափոր գետի ձայների ներքո ենք մեծացել: Կողբի տված սերը, լույսը և ոգին մենք այսօր մեր գույների, նկարների, գործվածքների ու կերամիկայի շնորհիվ ուզում ենք ներկայացնել մարդկանց, որ ծանոթանան Հայաստանի գողտրիկ անկյուններից մեկին»,-«Փաստ»-ի հետ զրույցում ասաց Մ. Աղաբաբյանը:

Ուսանողուհին գյուղ վերադառնալու և այնտեղ իր գործունեությունը շարունակելու մտադրություն ունի:

«Համալսարանն ավարտելուց հետո ուզում եմ գյուղ վերադառնալ, քանի որ չեմ ուզում մտածել միայն իմ հաջողությունների մասին: Իմ հաջողությունն այն կլինի, որ հետ վերադառնամ գյուղ ու Կողբի երեխաներին փոխանցեմ իմ գիտելիքները»,-ասաց Մ. Աղաբաբյանը:

Իրինա Ղուլիջանյանը սովորում է Երևանի գեղարվեստի պետական ակադեմիայում:

«Մենք ընդամենը Կողբի փոքրիկ մասնիկն ենք ներկայացրել, որպեսզի մարդիկ հետաքրքրվեն, գնան ու հենց իրենք տեսնեն՝ ի՞նչ է Կողբի հրաշքը: Ներկայացվածն ընդամենը մեր տեսածն ու մեր պատկերացրածն է»,-ասաց Իրինան:

Ուսանողուհիներն ընդգծեցին՝ ճիշտ է՝ սա իրենց առաջին անհատական ցուցահանդեսն է, բայց այն շարունակական է լինելու: Աղջիկները դեռ մեծ հաջողությունների կհասնեն, քանի որ իրենց ներշնչողների և ոգևորողների մեծ բանակ ունեն: Նրանց ողջունելու էին եկել ընկերները, մտերիմները, բարեկամներն ու արվեստով հետաքրքրված մարդիկ: Ներկաներն իրենց ողջույնի խոսքերն ասացին՝ բարձր գնահատական տալով արվեստի ուղին բռնած երիտասարդների գործերին:

Հյուրերի շարքում էր նաև հայտնի գեղանկարիչ Նիկոլ Աղաբաբյանը, ով նախ մաղթեց, որ աղջիկների ստեղծագործական աշխատանքն անպայման շարունակություն ունենա:

«Շատ լավն է, շատ սիրուն ու ամեն ինչ շատ անուշիկ էսթետիկայով է արված: Շնորհքն ու տաղանդը նկատելի է: Ուսանողուհիներ են դեռ, վարպետության պակասն անընդհատ լրացնել է պետք, բայց սկիզբը շատ ճիշտ է դրված: Համոզված եմ, որ լավ արդյունքներ են ունենալու ու բոլորիս դեռ կզարմացնեն: Երիտասարդ սերնդին ուզում եմ ասել, որ ինչ էլ պատահի՝ չհուսահատվեն: Յուրաքանչյուրը պետք է մինչև վերջ գնա, որովհետև հայի ոգին կոտրելն անհնար է: Ժամանակներ են՝ կգան ու կանցնեն, բայց Հայաստանը հզոր երկիր է լինելու և իր զավակին տիրություն է անելու»,-մեզ հետ զրույցում ասաց Ն. Աղաբաբյանը:

Աննա Բադալյան

 

 

 

 

loading...
ՌԴ-ն Հայաստանում մոտ ապագայում կոնսենսուսային լուծման հույս ունի. Պեսկով Տավուշի մարզի Կողբ համայնքի ավագանին միացավ համաժողովրդական շարժմանը ԶՈւ-երի կառավարման բնականոն գործընթացը ապահովելու համար օգտագործվում է ուղղաթիռ. Արծրուն Հովհաննիսյան Նիկոլ Փաշինյանին անձեռնմխելիությունից զրկելու հարց օրակարգում չկա. Վահրամ Բաղդասարյան Քաղտեխնոլոգը Հայաստանում ստարտային դիրքավորման գործընթաց է տեսնում Ինչի՞ն ենք գնում՝ դիկտատուրայի՞ն ու թելադրանքի՞ն. Կարեն Կարապետյանը վերջնագրերով խոսելու մասին Ուղիղ միացում Երևանից Հրաչյա Ռոստոմյանը հրաժարական տվեc Կողմերը Մուն Չժե Ինի եւ Կիմ Չեն Ընի հանդիպման ընթացքը համաձայնեցրել են վայրկյան առ վայրկյան El Pais-ը ծավալուն հոդվածով անդրադարձել է Իսպանիայի արխիվներում Հայոց ցեղասպանության մասին վկայող փաստաթղթերին Փաշինյանի կոչը՝ ժողովրդին Մենք կանգնած ենք հայ ժողովրդի կողքին. Թրամփի ուղերձը Ցեղասպանության տարելիցին Մակրոնը հայտարարել Է Ֆրանսիայի ու ԱՄՆ-ի «առանձնահատուկ պատասխանատվության» մասին «Քաղաքացիական պայմանագիրը» հայտարարում է Կարապետյան-Փաշինյան հանդիպման չեղարկման մասին․ Tert.am Լիվերպուլ-Ռոմա. ուղիղ Հայոց ցեղասպանությունը պետք է քննարկվի հենց Թուրքիայի խորհրդարանում. Փայլան «Մեծ յոթնյակը» հայտնել Է, թե երբ կօգնի վերականգնելու Սիրիան Փաշինյանը շարունակում է պնդել բանակցությունների սեփական օրակարգը Էրդողանն ապրիլի 24-ին հերթական ոչինչ չասող ուղերձն է հղել պոլսահայերին Չինաստանում առնվազն 18 մարդ Է մահացել բարում բռնկած հրդեհի պատճառով. Sina Նիկոլ Փաշինյանը պատախանում է միջազգային լրատվամիջոցների հարցերին Ջորջ Բուշ Ավագը հոսպիտալացվել Է
Այսօր Այս շաբաթ Այս ամիս
website by Sargssyan