Երևան, 19.Հոկտեմբեր.2017,
--
:
--
,
ՏՏ ոլորտում ՀՀ Նախագահի մրցանակին այս տարի կարժանանա iPod-ի ստեղծող Թոնի Ֆադելը Հայաստանի և Ռուսաստանի միջև բեռների միջպետական փոխադրումները կիրականացվեն առանց թույլտվությունների ԼՂ գոտում ռազմական գործողությունները բացառելու համար կողմերը պետք է կյանքի կոչեն պայմանավորվածությունները. Քերի Քեվինո Առողջապահական 2 հիմնարկների միավորման արդյունքում կտնտեսվի 9 մլն դրամ Վարչապետը հանձնարարեց տրամաբանական չափով ազատականացնել անտառահատումներն ու իրականացնել կոշտ վերահսկողություն Նախագահ Սերժ Սարգսյանը ստորագրել է Ազգային ժողովի ընդունած մի շարք օրենքներ Բոլորիս առաջ է մղում մի նպատակ՝ ունենալ առաջադեմ ազգ․ վարչապետ Լարիսա Ալավերդյան. «Եթե այս օրենքը դրսի պահանջ է, ապա մեզ համար ամոթ է» Կընկնենք քարե դար. ատոմակայանի փակման հետևանքները

«Պլանները» կատարելու մեթոդներն ու հանգամանքների բերումով գրանցված տնտեսական աճը


Մեր հյուրն է տնտեսագետ Վահագն Խաչատրյանը

– Պարոն Խաչատրյան, Կառավարությունը երեկվա նիստում հաստատեց 2018 թ. պետական բյուջեի նախագիծը, որտեղ 4,5% տնտեսական աճ է կանխատեսվում: Այդ ցուցանիշն ապահովելու հնարավորությունը տեսնո՞ւմ եք:

– Տեսականորեն հնարավոր է: Բայց ինձ համար ավելի կարևոր է, թե ինչ գնով են դա ուզում անել: Հիմա էլ ուզում են ցույց տալ, թե 2017թ.–ի համար 4,3% աճ պետք է ապահովեն: Բայց միայն թիվը ոչինչ չի ասում, պետք է հասկանալ, թե կառավարությունն ինչ լծակներ է օգտագործում այդ ցուցանիշն ունենալու համար: Աճը կառավարության գործունեությա՞ն, թե հանգամանքների բերումով է:
Հանգամանքներ ասելով նկատի ունեմ հետևյալը: Համաշխարհային շուկայում պղնձի գների աննախադեպ աճ է գրանցվել, տրանսֆերտների 17% աճ էլ է գրանցվել: Մեծ հաշվով՝ կա աճ, որը պայմանավորված չէ կառավարության գործունեությամբ: Հիմա ինչի՞ց ելնելով են վստահ, որ 4,3 կամ 4,8% աճ ունենալու կանխատեսումները կիրականանան: Մեզ մոտ արդեն պրակտիկա է՝ երբ աճ է լինում, իրենց են վերագրում, իսկ երբ չի լինում՝ տարբեր պատճառներ են գտնում: Օրինակ՝ եղանակային պայմաններ, ՌԴ տնտեսության, համաշխարհային շուկայի իրավիճակ և այլն:
Բացի այդ, շատ ավելի վտանգավոր երևույթ կա՝ այդ աճն ապահովելու գործիքակազմի մեջ ինչի՞ց է օգտվում կառավարությունը: Խոսքը պետական պարտքի մասին է, որն արդեն անցնում է ամենավերջին եզրագիծը: Կառավարությունն արդեն համոզված է, որ չի կարող ներքին և արտաքին ռեսուրսներն օգտագործելով տնտեսական աճ ապահովել: Այդ պատճառով դիմում է պետական պարտքի մեծացմանը, ինչն այս պայմաններում անընդունելի է:

– Ֆինանսների նախարար Վարդան Արամյանը երեկ հայտարարեց, որ տնտեսական ակտիվության ցուցանիշը ներկայում 5,5% է: Ի՞նչ են փաստում ճյուղային զարգացումները, ինչի՞ հաշվին է նման ցուցանիշ գրանցվել:

– 2017–ի՝ վերոնշյալ առանձնահատկությունները հնարավորություն են տվել որոշակի տնտեսական ակտիվություն ապահովել: Իրականում Կառավարությունը կարող էր ոչինչ չանել և տնտեսական աճն ուղղակի կապահովվեր: Չեմ կարծում, թե կառավարությունն ինչ–որ արտակարգ քայլեր է արել, որը տնտեսական աճ կապահովեր: Մի մոռացեք, որ 2016 թ. ընդամենը «0»–ական աճ ունեինք: Իրականում աճ չենք ունեցել, իսկ եթե ավելի ռեալ նայենք՝ բացասական աճ ենք ունեցել: Ըստ այդմ՝ հասարակությանը մատուցել, թե 5,5% տնտեսական ակտիվություն ունենք, մեղմ ասած՝ ճիշտ մոտեցում չէ:

– Բացի այդ, 2018 թ.–ի համար ընդհանուր եկամուտների՝ շուրջ 100 միլիարդ դրամի աճ է նախատեսվում: Ծրագրված են 1 տրիլիոն 307 միլիարդի ընդհանուր եկամուտներ:

– Խնդիր կա՝ իրենք չեն կարողանում ապահովել այս տարվա եկամուտների հավաքագրումը: Այն, ինչ–որ նախատեսված է, առաջիկա չորս ամիսների ընթացքում լուրջ խնդիրներ է առաջացնելու հավաքագրումներն իրականացնելու համար:

– Իսկ եկամուտների նշված աճն արհեստականորեն ունենալու հնարավորություն չկա՞:

– Կա: Եթե հիմա դուք վերցնեք պաշտոնական հայտարարությունը, կտեսնեք, որ Հայաստանում կուտակվել է 267 միլիարդ դրամի գերավճար: Սա խոսում է այն մասին, որ տարիներ շարունակ մեզ մոտ ուղղակի հարկահավաքությունն օրենքից դուրս է կիրառվում, և այդ պրակտիկան շարունակվում է: Շատ գործարարներ բացահայտ ասում են, որ հարկահավաքությամբ զբաղվող անձինք ուղղակի անթույլատրելի մեթոդներ են կիրառում իրենց «պլանները» կատարելու համար: Ես երբևիցե չեմ ոգևորվում, երբ հայտարարվում է, թե կարողացել են հարկահավաքության այսքան կամ այնքան հաջողություններ ունենալ: Երբ մենք՝ մասնագետներս, խորանում ենք այդ թվերի մեջ, հասկանում ենք, որ այդ թվերն իրական աճի հետ կապ չունեցող գումարներ են: Դրանք գանձվում են կանխավճարների կամ գերավճարների ձևով: Տնտեսվարողներին զրկում են շրջանառվող միջոցներից, որոնք հաջողությամբ կարող էին տնտեսության մեջ դրվել, եկամուտներն ապահովել: Բայց ցանկացած իշխանություն իր այսօրվա խնդիրն է լուծում, իսկ այդ մոտեցումը բերել է նրան, ինչն ունենք այսօր:



Աննա Բադալյան

«Փաստ» օրաթերթ

loading...
ՏՏ ոլորտում ՀՀ Նախագահի մրցանակին այս տարի կարժանանա iPod-ի ստեղծող Թոնի Ֆադելը Հայաստանի և Ռուսաստանի միջև բեռների միջպետական փոխադրումները կիրականացվեն առանց թույլտվությունների Հայաստանի քաղաքացիները կկարողանան հանրաքվե պահանջել Համայնքային զարգացման կենտրոն հիմնելու համար կառավարությունը Տեղ գյուղին կտրամադրի կառույց ԼՂ գոտում ռազմական գործողությունները բացառելու համար կողմերը պետք է կյանքի կոչեն պայմանավորվածությունները. Քերի Քեվինո Տրանսպորտային միջոցների վերահաշվառման թույլտվությունը 1 ամսվա փոխարեն կտրամադրվի 10 օրվա ընթացքում ԱՄՆ-ը հայտարարել են, որ ահաբեկիչները նոր «սեպտեմբերի 11» են պատրաստում Առողջապահական 2 հիմնարկների միավորման արդյունքում կտնտեսվի 9 մլն դրամ Վարչապետը հանձնարարեց տրամաբանական չափով ազատականացնել անտառահատումներն ու իրականացնել կոշտ վերահսկողություն Նախագահ Սերժ Սարգսյանը ստորագրել է Ազգային ժողովի ընդունած մի շարք օրենքներ Բոլորիս առաջ է մղում մի նպատակ՝ ունենալ առաջադեմ ազգ․ վարչապետ Գյուղական բնակչության թիվը նվազել է Երևանում հակասրճարան այցելելը մոդայիկ է, մարզում՝ ավելորդ ծա՞խս Թանկացումներ դիզվառելիքի շուկայում. ինչո՞ւ ոլորտը չի կարգավորվում Լարիսա Ալավերդյան. «Եթե այս օրենքը դրսի պահանջ է, ապա մեզ համար ամոթ է» Պատմական էքսպերիմենտ՝ Հայաստանի դեպքում Կընկնենք քարե դար. ատոմակայանի փակման հետևանքները Ի՞նչ գաղափարի շուրջ է պետք բանակցել Սերգո Կարապետյանի ժամանակ 1,5 միլիոն դոլարի վնաս է հասցվել պետությանը. նոր քրեական գործ Մարդասիրությունն ու այն կրողները՝ «Փրկության քարտեզ»–ում Ֆիլմ, որտեղ խոսում են միայն օտարները Կաննում կայացել Է «Տրոցկի» ռուսական սերիալի համաշխարհային պրեմիերան Ռաֆայել Նադալը բաց կթողնի Բազելի մրցաշարը «Բարսելոնա»-«Օլիմպիակոս». ուղիղ միացում Միջխորհրդարանական միությունը գլխավորել Է մեքսիկացի Գաբրիելա Կուեւաս Բարոնը
Այսօր Այս շաբաթ Այս ամիս
website by Sargssyan