Երևան, 20.Հուլիս.2018,
--
:
--
,

Նոբելյան մրցանակի դափնեկիր Ալիս Մանրոյի «Պատրանքով տարված» ժողովածուն հանձնվեց ընթերցասերների դատին

Կանադացի գրող Ալիս Մանրոյի արձակը շատ տեսաբաններ նմանեցնում են խճաքարերի, որոնք հավաքում ես ու խճապատկեր ստանում: Այդ մասին գրքի շնորհանդեսին լրագրողների հետ զրույցում նշեց  գրականագետ Արքմենիկ Նիկողոսյանը: Միջոցառումն անցկացվեց սեպտեմբերի  28-ին «Հայ գիրք» գրախանութում:

«Մանրոն երկրորդ անգամ է թարգմանվում հայերեն: Այս ժողովածուում ընդգրկված են  մեր ընկալմամբ նրա լավագույն գործերը: Մանրոյի ամենահատկանշական կողմը նյութը խաղարկելու հմտությունն է. նա կարողանում  է իր պատմվածքներում նոր համատեքստ ստանալ: Երթ այլ գրողները, օրինակ, Ուիլյամ Ֆոլկները համատեքստը միջավայրի,  կերպարային փոխադրումների միջոցով  է արտահայտում, ապա Մանրոն  զգացողությունների ու հոգեբանության գրող է:  Նրա արձակը շատ տեսաբաններ նմանեցնում են խճաքարերի, որոնք հավաքում ես ու խճապատկեր ստանում»,-ասաց գրականագետ Արքմենիկ Նիկողոսյանը:

 Գրքի թարգմանիչ Մարո Մադոյան-Ալաջաջյանի խոսքով՝ ինքը մեծ հաճույքով է աշխատել ժողովածուի վրա: «Մանրոն հաճախ է խոստովանել, որ ցանկացած պատմվածք գորղ մարդ երազում է վեպ գրել: Սակայն Մանրոն, Նոբելյան մրցանակի արժանանալով, ապացուցեց, որ պարտադիր չէ վեպ գրել, նոր գնահատվել: Նրա գործերում՝ այդ փոքր պատմվածքներում, հսկայական ասելիք կա»,-ընդգծեց թարգմանիչը:

«Պատրանքով տարված» գրքում ընդգրկված են պատմվածքներ, որոնք վերցված են գրողի տարբեր ժողովածուներից: Պարզ պատմությունները, ներքին անսպասելի հուզական բռնկումները, կերպարներից հորդող տխրությունները Մանրոյի անսեթևեթ ոճի տարերի մեջ են առնում յուրաքանչյուր ընթերցողի:
Գիրքն անգլերենից թարգմանել է Մարո Մադոյան-Ալաջանյանը,
խմբագրել Հասմիկ Ալեքսանդրյանը:

Կանադացի ժամանակակից գրող Ալիս Էն Մանրոն  հայտնի է իր կարճ պատմվածքներով, որոնց համար 2013 թվականին արժանացել է Նոբելյան գրական մրցանակի:

Մանրոյի պատմվածքներում գործողությունները մեծ մասամբ ծավալվում են Օնտարիո նահանգի հարավ-արևմուտքում` Հուրոն շրջանում: Գրողն ուսումնասիրում է մարդկային խճճված պատմություններ` դրանք ներկայացնելով պարզ արձակ ոճով: Նրա բազմաթիվ պատմվածքների շնորհիվ Մանրոն մեր ժամանակների լավագույն գրողներից մեկի համբավն է ձեռք բերել, իսկ Սինթիա Օզիքը նրան անվանել է «մեր Չեխով»: Իր ստեղծագործական երկար տարիների ընթացքում Ալիս Մանրոն արժանացել է բազմաթիվ մրցանակների. 2013 թ. Նոբելյան Գրական մրցանակի` «ժամանակակից կարճ պատմվածքի ժանրում վարպետության համար», 2009-ին` Բուքերյան միջազգային մրցանակի` ստեղծագործական ամբողջ գործունեության համար: Բացի այդ` երեք անգամ արժանացել է Կանադայի Գլխավոր կառավարչի մրցանակին1996 թվականին պարգևատրվել է Կանադայի Գրողների վստահության Մարիան Էնգել մրցանակով, իսկ 2004-ին` Գրողների վստահության Ռոջըրս մրցանակով` «Փախուստի» համար:

loading...
«Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ Ռոբերտ Քոչարյանը ՀՔԾ հարցաքննության կներկայանա հուլիսի 25-ից ոչ շուտ. Սողոմոնյան (տեսանյութ) Երևանի քաղաքապետ Տարոն Մարգարյանը հրաժարական տվեց Թե ինչպես Ֆիդել Կաստրոն փրկեց Ստաս Նամինին, իսկ Նամինը Կուբայի մասին ֆիլմ նկարահանեց Թուրքիայում գնացք է վթարվել. կան մեծ թվով զոհեր Ջորկաեֆը պատրաստ է լրջորեն աջակցել հայկական ֆուտբոլին. Փաշինյանը հանդիպել է ֆուտբոլիստի հետ Փաշինյանը ներկա է գտնվել «Ոսկե Ծիրան»-ի բացման արարողությանն ու հետևել «Լեգենդների խաղ»-ին Մեր ամենակարևոր նպատակն է արտագաղթի անիվը ոչ միայն կանգնեցնելը, այլև հետ պտտելը. Նիկոլ Փաշինյան Վարդավառին միացած Դարեն Արոնոֆսկին. մեկնարկեց 15-րդ «Ոսկե ծիրանը» Դժբախտ պատահարի հետևանքով մահացել է ՊՆ կենտրոնական արխիվի պետը ԿԲ-ն վարչապետին է ներկայացրել իրականացված ուսումնասիրությունները տնտեսական աճի կանխատեսման և հարկային բարեփոխումների վերաբերյալ ՀՀ նախագահը մասնակցել է Միջազգային եւ անվտանգության հարցերի հայկական ինստիտուտի Երիտասարդական ֆորումին Ադրբեջանը շփման գծում հայ դիրքապահների ուղղությամբ արձակել է ավելի քան 1500 կրակոց Հայ ժողովուրդը կարիք ունի ուժեղ և ինքնիշխան պետության. ՀՀ Անվտանգության խորհրդի քարտուղար
Այսօր Այս շաբաթ Այս ամիս
website by Sargssyan