Երևան, 21.Հուլիս.2018,
--
:
--
,

Դավիթ Բաբայան. «Ալիևին ամենալավ պատասխանն իր դուստրն է տվել՝ ՄԱԿ սելֆիներով»



Ադրբեջանի նախագահ Իլհամ Ալիևը, ելույթ ունենալով ՄԱԿ–ի Գլխավոր վեհաժողովի 72–րդ նստաշրջանում, ասել է, որ անհրաժեշտության դեպքում, ինչպես անցած տարվա ապրիլին, Հայաստանը նորից կպատժվի: Ալիևը նաև նշել է, որ Լեռնային Ղարաբաղի հակամարտությունը պետք է կարգավորվի միջազգային նորմերի սկզբունքների հիման վրա՝ Ադրբեջանի տարածքային ամբողջականության շրջանակներում:

Արցախին այլևս չի զարմացնում հարևան պետության ղեկավարի կողմից տարբեր առիթներով հնչող նման հայտարարությունները:

 Ըստ Արցախի նախագահի մամուլի խոսնակ Դավիթ Բաբայանի՝ Ալիևի ռազմատենչ հայտարարությանն ամենալավ պատասխանն իր դուստրն է տվել՝ Լեյլան: Լեյլա Ալիևան լուսանկարներ ու սելֆիներ է արել ու մաստակ ծամել, մինչ հայրը ելույթ էր ունենում ՄԱԿ–ի ամբիոնից՝ խոսելով Հայաստանի և Արցախի մասին:

«Ամենալավ պատասխանն Ալիևին իր ընտանիքն է տվել՝ դուստրը՝ «ՄԱԿ սելֆիներով: Արդեն բրենդ է դարձել այդ սելֆիները, որ նա արել է ՄԱԿ–ում: Այդ կապիկությունները պատասխանն էր Ալիևին, երբ իր հայրը՝ իր երկրի զինված ուժերի գերագույն գլխավոր հրամանատարը այդպիսի հայտարարություններ էր անում: Այն, թե ինչպես էին Ալիևի մերձավորներն իրենց պահում նրա ելույթի ժամանակ, ամենալավ պատասխանն էր նրան»,– «Փաստ» օրաթերթի հետ զրույցում ասաց Դավիթ Բաբայանը:

Նա նշեց, որ Ադրբեջանի կողմից պատերազմի սպառնալիքներ միշտ են հնչել ու դեռ կլինեն: Արցախն էլ պատրաստ է ամեն կերպ իր սահմանները պաշտպանել:

Իսկ ո՞ւմ էր հասցեագրված Ալիևի ելույթը՝ միջազգային հանրությա՞նն էր ուղղված թե նաև ներքին լսարանին:

«Մենք այդ սելֆիներից հետո այդպես էլ չհասկացանք, թե ինչ է կատարվել, ում էր ուղղված այդ ելույթն ու այդ սելֆիները: Մենք չենք հասկանում»,– պատասխանեց Արցախի նախագահի մամուլի խոսնակը:

Դավիթ Բաբայանի խոսքով՝ եթե Ադրբեջանը փոքր–ինչ հարձակվելու հնարավորություն ունենա, ռազմական գործողություններ կսկսի Արցախի դեմ: Նման քայլեր հակառակորդը մեկ անգամ չէ, որ կատարել է:

«Առանց Ալիևի հայտարարությունների էլ իրենք ռազմական քայլեր կատարում են»,– հավելեց նա:

Անդրադառնալով արտգործնախարար Էդվարդ Նալբանդյանի՝ ԼՂ հարակից տարածքների վերադարձի հարցին, Դավիթ Բաբայանն ասաց.
«Արցախի համար ամենակարևորը անվտանգության բաղադրիչն է: Դրա մասին, ի դեպ, խոսեց նաև Էդվարդ Նալբանդյանը: Սրա մասին մենք միշտ ենք խոսում: Չի կարող լինել վերադարձ անցյալին՝ ոչ սահմանի, ոչ կարգավիճակի առումով, որովհետև խոսքն առաջին հերթին մեր անվտանգության մասին է»:

Հիշեցնենք, որ Հայաստան–Սփյուռք համաժողովին արտգործնախարար Էդվարդ Նալբանդյանը, անդրադառնալով ԼՂ հարակից տարածքների վերադարձի հարցին, ասել էր. «Խոսքը գնում է այն տարածքների վերադարձի մասին, որոնց վերադարձի դեպքում այս ամբողջ հիմնախնդրի կարգավորմանը և անվտանգության համակարգին վնաս չի հասցվելու և սպառնալիքի տակ չի դրվելու հանգուցալուծումը»:

Մանյա Պողոսյան
«Փաստ» օրաթերթ

loading...
Թուրքիայի քեմալական կուսակցության ազատազրկված պատգամավորը հացադուլ է սկսել Որակյալ կահույքի արտադրություն ու մատչելի գներ․սա «Ավելինո»-ն է Մուշավան թաղամասի հրդեհը մարվել է. դեպքի վայրում էր նաև ԱԻ նախարարը Հայաստանի ՓՄՁ ԶԱԿ-ը նոր տնօրեն ունի Քաղցրավենիք, բուսական պահածոներ ու թանապուր. զորամասերում սննդակարգի փոփոխություններ են իրականացվում Վարչապետ Նիկոլ Փաշինյանի մամուլի ասուլիսը Փաշինյանն օգտակար է համարում Տեր-Պետրոսյանի հետ զրույցը և չի բացառում մյուս նախագահների հետ հանդիպելու հնարավորությունը Ռուսաստանն ունի հնարավորություն թույլ չտալու պատերազմի վերսկսումը տարածաշրջանում. Փաշինյան Հայաստանի Հանրապետությունում արտոնյալ գործարարներ չեն լինի. Փաշինյան «Ադրբեջանցիները վախենում են ճշմարտությունից». սպառնալիքներ ստացող հայազգի բլոգերը տեսանյութ է հրապարակել Երևանից (տեսանյութ) 2021-ից ընդերքօգտագործողները բնապահպանական հարկ են վճարելու թափոնների տեղադրման կամ պահման համար «Տուբերկուլոզի դեմ պայքարի ազգային կենտրոն» ՊՈԱԿ-ում հայտնաբերվել են մի շարք չարաշահումներ և խախտումներ Արարատ Միրզոյանն ԱՄՆ կոնգրեսականին հայտնել է Հայաստանում մինչև ապրիլ ընտրություններ անցկացնելու մտադրության մասին «Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ
Այսօր Այս շաբաթ Այս ամիս
website by Sargssyan