Երևան, 21.Հուլիս.2018,
--
:
--
,

Ոստիկանական ակցիա. բացառիկ ու անվրեպ


Երեկ մեր ոստիկանությունը կրկին փայլեց, ինչպես փայլում է հաճախ: Այս անգամ նա բերման ենթարկեց երեխաների: Իսկ ի՞նչ էին անում նրանք` երեխաները: Ցանկանում էին թռուցիկներ բաժանել Հայաստան–Սփյուռք համաժողովի մասնակիցներին: Ուզում էին տեղեկացնել, որ իրենց հայրը` արտերկրի քաղաքացի Կարո Եղնուկյանը գտնվում է Հայաստանի բանտում: Եվ հայրենիքի բանտում է հայտնվել իր քաղաքական հայացքների համար: Այսինքն` քաղբանտարկյալ է: Թռուցիկները, որոնք պետք է հասնեին սփյուռքահայերին, նույնն ասում էին նաև կրկին արտերկրի քաղաքացիություն ունեցող, այսինքն, փաստացի սփյուռքահայ Ժիրայր Սեֆիլյանի մասին:

Որ Ժիրայր Սեֆիլյանին, Կարո Եղնուկյանին, Անդրեաս Ղուկասյանին և էլի նման մարդկանց Հայաստանում շատ–շատերը քաղբանտարկյալ են համարում, ոչ ոքի համար նորություն չէ: Այդ թվում նաև նորություն չպետք է լինի մեր ոստիկանության համար: Երևի նրանցից մի մասը թերթ է կարդում, լրատվական կայքեր է մտում ու կայքերի նյութեր է կարդում: Եթե սրանք էլ` չէ, ապա հաստատ ֆեյսբուք կմտնի ու աչքով ընկած կլինեն նման կարգի հրապարակումներն ու գրառումները:

Այսինքն` այս ակցիան, որ իրականացրեց մեր ոստիկանությունը` այս անգամ խոյանալով երեխաների վրա ու ձերբակալելով նրանց, ո՞ւմ համար էր իրականում կամ ինչի՞ համար էր:
Հավանաբար նրանք մտածել են, որ Հայաստան եկած ու տեղացի հայերի հետ խորհրդաժողովի նստած սփյուռքի մեր հայրենակիցները տեղյակ չեն եղել այս փաստերի մասին: Չեն իմացել, որ Ժիրայր Սեֆիլյանն ու Կարո Եղնուկյանը բանտարկված են Հայաստանում: Էլ չեմ խոսում մյուսների մասին, որոնք նույնպես բանտում են սեփական քաղաքական հայացքների համար:

Երևի այս մարդիկ` Հայաստան եկած սփյուռքի մեր հայրենակիցները, ո՛չ ինտերնետից օգտվել գիտեն, ո՛չ Հայաստանի էլեկտրոնային լրատվամիջոցներն են կարդում, ո՛չ էլ գրպանում այֆոններ ունեն, որ ժամանակ առ ժամանակ հանեն ու նավարկեն սոցիալական ցանցերի անեզր օվկիանոսում:

Եթե այդ մարդիկ այդպես բեխաբար են Հայաստանից և տեղյակ չեն, թե ի՞նչ է կատարվում այստեղ, ապա ինչո՞ւ են եկել մասնակցելու համազգային խնդիրներ քննող այս ժողովին: Ի՞նչ է, ոստիկանների պատկերացմամբ եկել են Հայաստանի ոսկե աշունը վայելելու ու Սևանի իշխան ուտելու համա՞ր: Ընդամենը մեր երկիր այցելած զբոսաշրջի՞կ են կամ ճանապարհո՞րդ են լավագույն դեպքում:

Իսկ եթե գիտեն, տեղյակ են Հայաստանից, ապա էլ ինչի՞ համար են ոստիկանական այս ջանքերը: Երեխաներ էին, թող իրենց հայրիկի մասին խոսեին դրսից եկած քեռիների հետ: Աշխարհը հո չէ՞ր քանդվելու:

Ավելին. մեր իշխանավորները դեռ մի բան էլ շահող դուրս կգային: Նրանց մասին կասեին` ինչպիսի՜ ազատ ու հանդուրժող համակարգ են ստեղծել հայրենիքում: Համարյա այնպիսին, ինչպիսին եվրոպաներում է:

Ոստիկանի խելք` իրենք ո՛չ իրենց լավն են հասկանում, ո՛չ իրենց վատը:

Գոհար Սարդարյան
«Փաստ» օրաթերթ

loading...
Թուրքիայի քեմալական կուսակցության ազատազրկված պատգամավորը հացադուլ է սկսել Որակյալ կահույքի արտադրություն ու մատչելի գներ․սա «Ավելինո»-ն է Մուշավան թաղամասի հրդեհը մարվել է. դեպքի վայրում էր նաև ԱԻ նախարարը Հայաստանի ՓՄՁ ԶԱԿ-ը նոր տնօրեն ունի Քաղցրավենիք, բուսական պահածոներ ու թանապուր. զորամասերում սննդակարգի փոփոխություններ են իրականացվում Վարչապետ Նիկոլ Փաշինյանի մամուլի ասուլիսը Փաշինյանն օգտակար է համարում Տեր-Պետրոսյանի հետ զրույցը և չի բացառում մյուս նախագահների հետ հանդիպելու հնարավորությունը Ռուսաստանն ունի հնարավորություն թույլ չտալու պատերազմի վերսկսումը տարածաշրջանում. Փաշինյան Հայաստանի Հանրապետությունում արտոնյալ գործարարներ չեն լինի. Փաշինյան «Ադրբեջանցիները վախենում են ճշմարտությունից». սպառնալիքներ ստացող հայազգի բլոգերը տեսանյութ է հրապարակել Երևանից (տեսանյութ) 2021-ից ընդերքօգտագործողները բնապահպանական հարկ են վճարելու թափոնների տեղադրման կամ պահման համար «Տուբերկուլոզի դեմ պայքարի ազգային կենտրոն» ՊՈԱԿ-ում հայտնաբերվել են մի շարք չարաշահումներ և խախտումներ Արարատ Միրզոյանն ԱՄՆ կոնգրեսականին հայտնել է Հայաստանում մինչև ապրիլ ընտրություններ անցկացնելու մտադրության մասին «Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ
Այսօր Այս շաբաթ Այս ամիս
website by Sargssyan