Երևան, 17.Դեկտեմբեր.2017,
--
:
--
,

Խավարումից` արարում


«Խավարում» ցուցահանդեսը փակվեց, բացվեց «Արարում» ցուցահանդեսը: Ինչպես Աստվածաշնչում է ասվում` «Սկզբում Աստված Երկինքն ու Երկիրը ստեղծեց: Եվ Երկիրն անձև ու դատարկ էր, և խավար կար անդունդի վրա:

Եվ Աստծո հոգին շրջում էր ջրերի վրա, և Աստված ասաց` լույս լինի, և լույս եղավ: Աստված տեսավ, որ լույսը բարի է և Աստված լույսը բաժանեց խավարից»:
Թումանյանի տուն թանգարանում բացված ցուցահանդեսից հետո ինքներս մեզ ասացինք, որ ավելի լավ է մտածենք ու խոսենք լավ ու ուրախ բաների մասին: Որովհետև լույսը բարի է: Ու լռեցրեցինք այդ ցուցադրությունն ու որոշեցինք անցնել առաջ:

 Եվ Հայաստանի ազգային պատկերասրահում բացեցինք «Հովհաննես Այվազովսկի. արարում» ցուցահանդեսը: Վենետիկյան Մխիթարյանների միաբանության անդամներն էլ իրենց հավաքածուից բերեցին ու առաջին անգամ Հայաստանում ցուցադրեցին նկարչի «Քաոս. աշխարհի արարում» կտավը:

Մի խոսքով` կարծես ամեն ինչ ընկավ իր տեղը: Ոչ մի խավարում, այսուհետև` արարում:
Հետևում մնաց տխրությունը, վիշտը, արյունը, կացինը, գնդակահարության գործիքը, լացը, աղերսը, մանկան արցունքը, նրա սարսափած աչքերը, անարդարությունից ատամների կրճտոցը, հայրենասերի հոգու ոռնոցը, մտքի մղձավանջը: Մի խոսքով` ամեն վատ բան, որը կմթագներ մեր ուղեղը, կցավեցներ մեր քունքերը, որոնք անվերջ շփելու կարիք կունենայինք արդեն:

...Լուսավոր խոսքեր հնչեցին պատկերասրահում. հավաքված են ազգիս ու պետությանս մեծերը, հավաքված են արտասահմաններից մեր պատվարժան հյուրերը: Հավաքված են ջահել աղջիկներն ու տղաները, ովքեր, հիացմունքից բերանները բացած, նայում ու ըմբոշխնում են արարման լույսը:

Մեր մշակույթի էսթետ ղեկավարն է պատմում մեծ նկարչի ու նրա մեծ գործերի մասին: Մեր մեծ նկարիչը 200 տարեկան է, ահա համարյա այդքան տարի մենք նրա ներքին տեսողության շնորհիվ հաղորդակից ենք աշխարհի ստեղծման հրաշքին, մենք` հայերս:
Ու այսպես մեր երկրում լույսը հաղթեց խավարին: Ավելի ճիշտ` հաղթել տվեցինք: Արեցինք այնպես, որ մեր ուղեղները մնան կուսական մաքրությամբ, հետևում թողեցինք մութի բերած մաղձը, դառնությունը, որոնք որպես հիվանդություն երկար ժամանակ փաթաթվելու էին մեր հոգիներին:

Այնպես որ, պարոնայք, խավարումից արարում մեկ քայլ է:


Գոհար Սարդարյան

«Փաստ» օրաթերթ

loading...
Քննարկման է դրվել աջ ղեկով մեքենաների ներմուծումն արգելելու նախագիծը Վենեսուելայի իշխանության և ընդդիմության միջև բանակցությունները կվերսկսվեն հունվարից Կիպրոսի նախագահի ընտրության ժամկետները հայտնի են Ներկայացվել է «Պեկին-2022» ձմեռային Օլիմպիական խաղերի լոգոտիպը Ղազախստանում նշում են Անկախության տոնը Յավա կղզում երկրաշարժի հետևանքով կան զոհեր Զավեն Անդրիասյանը կայծակնային շախմատի Եվրոպայի առաջնությունում 14-րդն է Ռուսաստանի ԱԻՆ-ը հերքել է Սոչիում երկնաքար ընկնելու մասին լուրերը Հայտնի է Մխիթարյանի և Մոուրինյոյի տարաձայնության պատճառը Հայաստանը Լատվիայի կողմից Հայոց ցեղասպանության ճանաչում է ակնկալում. Շարմազանով Արարատի մարզում մասնագիտություն չունեցող անձինք կազմում են գործազուրկների թվաքանակի 64,7%–ը Ինչպե՞ս են համայնքներն ամփոփում գյուղատնտեսական տարին Զարթոնքի բնակիչները վարչապետի պատասխանին են սպասում Անհեթեթ է վախճանաբանական ըմբռնումները կապել Եվրոպայի հետ Տեսահոլովակի պրեմիերա. Հարութ Փամբուկչյան՝ «Իմ Կյանքը» Սոթք-Քարվաճառ ավտոճանապարհին մերկասառույց է Իրական քննարկո՞ւմ, թե կլոունադա Ազգային ժողովում Նախագահի ելույթը՝ նախընտրական PR Ինտրիգից այն կողմ. կարո՞ղ ենք հասնել մեկ շնչի հաշվով 10 հազար դոլար ՀՆԱ–ի Գարեգին Նժդեհ. «Մտավորականությունն է ազգի ճակատագրի դարբինը» Ռուբեն Եգանյան. «Այս տարի աշխատանքային միգրացիայի ծավալներն աճել են» Սենսացիոն ձերբակալություններ են սկսվել. ԱԱԾ–ն առայժմ այս մասին լռում է Մեզ վարկաբեկում են. թռչնակոմբինատի հիմնադիրը մեղադրում է ՍԱՊԾ–ին Իսպանիայի ֆուտբոլի հավաքականը աշխարհի առաջնությանը մասնակցելու իրավունքից զրկվելու վտանգի տակ է
Այսօր Այս շաբաթ Այս ամիս
website by Sargssyan