Երևան, 21.Հոկտեմբեր.2017,
--
:
--
,
ՌԴ-ում արգելել են ադրբեջանցիների նկարահանած հակահայկական ֆիլմի ցուցադրությունը ԵՄ-ի երկրները թերահավատ են միությանը Թուրքիայի անդամակցելու հեռանկարների հարցում. Տուսկ Մադրիդը կկիրառի Սահմանադրության 155-րդ հոդվածը. Մարիանո Ռախոյ Անկարայի հետ հարկավոր Է «շատ կոշտ երկխոսություն» վարել. Մակրոն Օտար երկրներից Հայաստան ժամանած մասնագետները քննարկել են գործազրկության գլոբալ խնդիրներցը Թուրքմենական գազի գինը Հայաստանի համար շահավետ չի լինի. Աշոտ Մանուկյանը` թուրքմենական գազն Իրանի տարածքով ՀՀ հասցնելու մասին Սիրիայի առաջին տիկինը հյուրընկալել է հալեպցի հայուհի գործարարներին Քննարկվել են էլեկտրական շարժիչով ավտոբուսներ փորձարկելու հնարավորությունները ՀՀ վարչապետը և ԱՄՆ դեսպանը կոռուպցիայի դեմ պայքարի ոլորտում համագործակցության հարցեր են քննարկել

Զորաց քարերի առեղծվածը, կամ փոթորիկ մեկ բաժակ ջրում


Մեր հյուրն է հայագետ Համլետ Մարտիրոսյանը

– Պարոն Մարտիրոսյան, վերջերս երբ հնագետ Աշոտ Փիլիպոսյանը հայտարարեց, որ Զորաց քարերը աստղադիտարան չի եղել, այլ դամբարան է, մեր գիտական հանրության մի մասը փոթորկվեց: Ինչո՞ւ. միթե գիտականորեն արդեն ապացուցված է, որ այն եղել է աստղադիտարան:
– Նախ շփոթությունը գալիս է հենց «աստղադիտարան» բառից: Ամենքը` և՛ Աշոտ Փիլիպոսյանը, և՛ մյուս հնագետները, և՛ ընդդիմադիրները սխալ են ընկալում այս բառը: Ընկալում են որպես այնպիսի աստղադիտարան, ինչպես մենք ենք ընկալում մեր օրերում:
Բայց այն ներկա մեր իմացած աստղադիտարանը չէր: Այդ մարդիկ պարզապես պետք է ֆիքսեին լուսատուների ծագման և մայր մտնելու պահերը: Որովհետև հնում բոլոր աստղախմբերը, այսինքն` համաստեղությունները, որ առանձնացվել են, նաև անզեն աչքով տեսանելի հինգ մոլորակները, Արևն ու Լուսինը համարվել են որոշակի աստվածների մարմնավորումներ:
Այսինքն` երբ որ տվյալ լուսատուն ծագում էր, նշանակում էր, որ երկրի վրա սկսվում էր այդ աստծո ազդեցության ժամանակը: Եվ դա պետք է ճիշտ որոշեին, որպեսզի որոշակի ծեսերով դիմավորեին նրան:
Այդքան բան: Նրանց հետաքրքրել են միայն իրենց աստվածները, որոնց պետք է դիմավորեին և մայրամուտի պահին էլ ճանապարհեին ծեսերով:

– Իսկ դրա շուրջը դամբարանի գոյությունը դուք բացառո՞ւմ եք, որ կարող էր նաև դամբարան լինել այնտեղ:
– Իհարկե, ոչ: Որովհետև շատ հին ժամանակներում թե՛ սրբավայրերը, թե՛ բնակարանները եղել են նաև թաղման վայրեր: Նույնիսկ մարդիկ իրենց հարազատներին իրենց բնակարանում են թաղել: Այսօր էլ շատ եկեղեցիների մուտքի մոտ դամբարաններ են: Մարդիկ տապանաքարերի վրայով քայլելով` մտնում են եկեղեցի:
Այսինքն` Զորաց քարերը աստղերի, լուսատուների ծագումը դիտելու, ծեսեր կատարելու սրբազան վայր էր: Եվ այնտեղ կարող էին նաև թաղումներ լինել, իհարկե:

– Իսկ այն կարծիքը, որ քարերի վրա անցքեր են բացել, որպեսզի պարաններով քաշելով տեղափոխեն, հիմնավոր չի՞ թվում ձեզ:
– Դա արդեն հիմարություն է: Այդտեղ ոչ մի հիմնավոր բան չկա:

– Ես մտածում եմ, թե այդ ինչքա՞ն ամուր պարան կարող էր լինել, որ դիմանար նման քարի ծանրությանը:
– Նման պարան կարող էին հյուսել: Բայց կոնկրետ այդ անցքերը չեն արվել քարը քաշելու համար: Որովհետև կան քարեր, որոնց անցքը եզրից չէ, արված է մեջտեղում: Մի բան, որը բնավ հարմար չէ քաշելու համար:
Ի վերջո, անցքերով քարեր կան ոչ միայն Զորաց քարերում: Կան նաև այլ շատ հին սրբավայրերում: Նույն` Պորտասարում:

– Աշոտ Փիլիպոսյանի այդ տեսակետը հպանցի՞կ է, մակերեսայի՞ն է, միտումնավո՞ր է, ի՞նչ է: Ո՞նց կբնութագրեք:
– Դա Աշոտ Փիլիպոսյանի տեսակետը չէ: Այն կաղապարված մի շատ հին տեսակետ է, որը մշտապես եղել է հնագետների մոտ: Եվ գալիս է իրենց ընդհանուր մակարդակից:
Մինչդեռ հնեաաստղագիտությունն արդեն որոշակիորեն ձևավորված գիտություն է, որն ունի իր պարբերականները, հրատարակությունները: Պարզապես մեր հնագետներն անծանոթ են այդ աշխատանքներին ու չգիտեն, որ աշխարհում նման հետազոտություններ են կատարվում:

– Այսինքն` այստեղ մոտեցման, աշխարհայացքի, գաղափարախոսության հարց չէ:
– Ոչ, անգիտության հարց է: Որովհետև եթե կա այդ գիտությունը, ու նրանք տեղյակ չեն, ապա այստեղ խոսում է անգիտությունը:

– Իսկ աշխարհի գիտնականները ինչպե՞ս են մոտենում մեր Զորաց քարերին: Որքանո՞վ է այն հայտնի այդ թեմայով հետաքրքրվող մարդկանց:
– Չեմ կարող ասել, թե շատ է հայտնի: Շատ քիչ մարդիկ են տեղյակ: Իսկ այն մարդիկ, ովքեր գիտեն մեր այս հնավայրի մասին, նրանց համար խորթ չէ աստղադիտարանի գաղափարը: Որովհետև նմանօրինակ կառույցներն աշխարհում դիտվում են հենց աստղադիտարաններ:

– Աշխարհում շա՞տ կան նման կառույցներ:
– Շատ կան, իհարկե: Շատ–շատ կան` հնագույն ժամանակներից եկող: Այդ խնդիրը լուծելու համար, թե աստղը ո՞ր ուղղությունից և ե՞րբ է ծագելու, կիրառել են տարբեր մեթոդներ: Եվ այսպես ասած` այդ աստղադիտարաններն էլ կառուցվել են դիտելու` տարբեր այդ մեթոդների հիման վրա:

Գոհար Սարդարյան

«Փաստ» օրաթերթ

loading...
ՌԴ-ում արգելել են ադրբեջանցիների նկարահանած հակահայկական ֆիլմի ցուցադրությունը ԵՄ-ի երկրները թերահավատ են միությանը Թուրքիայի անդամակցելու հեռանկարների հարցում. Տուսկ Մադրիդը կկիրառի Սահմանադրության 155-րդ հոդվածը. Մարիանո Ռախոյ Անկարայի հետ հարկավոր Է «շատ կոշտ երկխոսություն» վարել. Մակրոն Օտար երկրներից Հայաստան ժամանած մասնագետները քննարկել են գործազրկության գլոբալ խնդիրներցը Թուրքմենական գազի գինը Հայաստանի համար շահավետ չի լինի. Աշոտ Մանուկյանը` թուրքմենական գազն Իրանի տարածքով ՀՀ հասցնելու մասին Սիրիայի առաջին տիկինը հյուրընկալել է հալեպցի հայուհի գործարարներին Քննարկվել են էլեկտրական շարժիչով ավտոբուսներ փորձարկելու հնարավորությունները ՀՀ վարչապետը և ԱՄՆ դեսպանը կոռուպցիայի դեմ պայքարի ոլորտում համագործակցության հարցեր են քննարկել Երևանում բացվել է ֆրանսիական ուռուցքաբանական կենտրոն ՀՀ Նախագահին հավատարմագրերն է հանձնել Դանիայի նորանշանակ դեսպանը ԱՄՆ-ը պետք Է պատրաստ լինի ԿԺԴՀ-ի «վերջին քայլին». ԿՀՎ-ի ղեկավար Եկեղեցու բարեփոխման խնդիրը երբեք չի արվել հակադրությունների ճանապարհով. Տեր Վահրամը հակադարձել է Հրանտ Բագրատյանին Ապրիլյան պատերազմին մասնակցած եւ բարձր առաջադիմություն ցուցաբերած ԵՊՀ երեք ուսանողի հանձնվեցին կրթաթոշակներ Հայաստան-ԵՄ կնքվելիք համաձայնագրում ատոմակայանի փակման մասին խոսք չկա. Աշոտ Մանուկյան Քիրկուկի մոտ բախումներ են տեղի ունեցել քուրդ զինյալների եւ իրաքցի ուժայինների միջեւ Հայաստանի բասկետբոլի կանոնավոր առաջնությունը մեկնարկում է Թեհրանում կայացել է Հայաստանի պատմության և Իրանի ազգային թանգարանների համատեղ ցուցահանդեսի հանդիսավոր բացումը Կաթնամթերքը փչանում է, թափում ենք. իրացման խնդիր Ընտրություններ դիսկո ակումբներում, անասնաբուժարաններում և Օհանյանի տանը Հրանտ Եղիազարյան. «15 երթուղու ընկերություն կամավոր հրաժարվել է Երևանում սպասարկում իրականացնել» Արման Մելիքյան. «Ժնևյան հանդիպումը հայ բանակցողների քաղաքական նահանջի նոր փուլի ազդարարումն է» Թևան Պողոսյան. «Եթե համակարգը կոռումպացված է, ապա ուշ թե շուտ նոր նշանակված մարդուն էլ են փչացնում» Վարդան Բոստանջյան. «Ցածր եկամուտների պատճառով քաղաքացին զրկված է բնակարան գնելու հնարավորությունից»
Այսօր Այս շաբաթ Այս ամիս
website by Sargssyan