Երևան, 17.Դեկտեմբեր.2017,
--
:
--
,

Երևանում բացվեց Հովհաննես Այվազովսկու ծննդյան 200-ամյակին նվիրված ցուցահանդեսը

Հովհաննես Այվազովսկու ծննդյան 200-ամյակին նվիրված «Հովհաննես Այվազովսկի. Արարում» խորագրով ցուցահանդեսին 52 գեղանկարչական, 26 գրաֆիկական, 1 դեկորատիվ-կիրառական և 20 վավերագիր աշխատանքներ ներկայացվեցին: Հայաստանում առաջին անգամ ցուցադրվեց Վենետիկի Մխիթարյան միաբանության հավաքածուի «Քաոս. Աշխարհի արարում» հռչակավոր կտավը։  Ցուցահանդեսի բացման հանդիսավոր արարողությունը տեղի ունեցավ սեպտեմբերի 14-ին Հայաստանի ազգային պատկերասրահում:

«Այվազովսկին հիանալի ծովանկարիչ էր, որը մասնավոր ներդրումներ էր կատարում  մշակույթի զարգացման գործում: Նա երազում էր համախմբել աշխարհի տարբեր երկրներում ստեղծագործող հայ նկարիչներին, որ միասնական ուժերով կարողանային զարկ տալ հայ կերպարվեստի բարգավաճմանը: Ժամանակին դա նրան չհաջողվեց, բայց այս ցուցադրությունը գուցե այդ նպատակին ծառայի:

Անցյալ տարի Տրետյակովյան պատկերասրահում Այվազովսկու կտավների ժամանակավոր ու բացառիկ ցուցադրությունը ռեկորդ սահմանեց.  4 օրվա ընթացքում 555 հազար արվեստասեր այցելեց այնտեղ: Կարծում եմ, որ այս ցուցադրությունն էլ Հայաստանում կարող է համապատասխան ռեկորդ սահմանել»,- «Արմենպրես»-ի հաղորդմամբ` նշեց ՀՀ մշակույթի նախարար Արմեն Ամիրյանը:

Նա շեշտեց՝ շատ է ցանկանում, որ «Նոյը իջնում է Արարատից» ստեղծագործությունը մեզ մշտապես հիշեցնի մեր սրբազան հայրենիքի, իսկ «Աշխարհի արարումը» կտավը՝  Աստծո գոյության մասին:

Հայաստանի ազգային պատկերասրահի տնօրեն Արման Ծատուրյանի խոսքով՝  այս ցուցահանդեսը մեծ մշակութային իրադարձություն է Հայաստանի ազգային պատկերասրահի և անձամբ իր համար: «Հովհաննես Այվազովսկու արվեստը սիրված և ընդունված է ողջ աշխարհում: Նա ստեղծել է ավելի քան 6 000 կտավ և այսօր դրանց մի փոքր մասը հնարավորություն ունենք ցուցադրելու Հայաստանում: Այս միջոցառումը կազմակերպելիս հսկայական գիտական աշխատանք ենք կատարել, իրականացրել ուսումնասիրություններ, ինչու չէ նաև բացահայտումներ արել, արդյունքում տպագրվել է հարուստ  կատալոգը»,- շեշտեց նա:

Սա Այվազովսկու կտավները ներկայացնող ամենամեծ ցուցահանդեսն է Հայաստանում, ցուցանմուշները տրամադրել են Հայաստանի տարբեր թանգարանները և կարողացել ենք ներկայացնել նաև Վենետիկի Մխիթարյան միաբանության հավաքածուի «Քաոս. Աշխարհի արարում» հանրահայտ ստեղծագործությունը»,- ասաց ցուցահանդեսի կուրատորը: Նա ընդգծեց, որ պատկերասրահն ունի Այվազովսկու գեղանկարչական ու գրաֆիկական աշխատանքների հզոր նմուշներ:

Ցուցահանդեսից բացի, Հայաստանում կանցկացվի Այվազովսկուն նվիրված երկօրյա միջազգային գիտաժողով, որը տեղի կունենա սեպտեմբերի 15-ից 16-ը: Գիտաժողովին հրավիրված են հյուրեր Ֆեոդոսիայի հուշային թանգարանից, Լոնդոնի, Սանկտ Պետերբուրգի, Մոսկվայի թանգարաններից:

Հովհաննես Այվազովսկու 200-ամյա հոբելյանն ընդգրկված է ՅՈՒՆԵՍԿՕ-ի 2017 թվականի հիշարժան տարեթվերի ցանկում:

loading...
Քննարկման է դրվել աջ ղեկով մեքենաների ներմուծումն արգելելու նախագիծը Վենեսուելայի իշխանության և ընդդիմության միջև բանակցությունները կվերսկսվեն հունվարից Կիպրոսի նախագահի ընտրության ժամկետները հայտնի են Ներկայացվել է «Պեկին-2022» ձմեռային Օլիմպիական խաղերի լոգոտիպը Ղազախստանում նշում են Անկախության տոնը Յավա կղզում երկրաշարժի հետևանքով կան զոհեր Զավեն Անդրիասյանը կայծակնային շախմատի Եվրոպայի առաջնությունում 14-րդն է Ռուսաստանի ԱԻՆ-ը հերքել է Սոչիում երկնաքար ընկնելու մասին լուրերը Հայտնի է Մխիթարյանի և Մոուրինյոյի տարաձայնության պատճառը Հայաստանը Լատվիայի կողմից Հայոց ցեղասպանության ճանաչում է ակնկալում. Շարմազանով Արարատի մարզում մասնագիտություն չունեցող անձինք կազմում են գործազուրկների թվաքանակի 64,7%–ը Ինչպե՞ս են համայնքներն ամփոփում գյուղատնտեսական տարին Զարթոնքի բնակիչները վարչապետի պատասխանին են սպասում Անհեթեթ է վախճանաբանական ըմբռնումները կապել Եվրոպայի հետ Տեսահոլովակի պրեմիերա. Հարութ Փամբուկչյան՝ «Իմ Կյանքը» Սոթք-Քարվաճառ ավտոճանապարհին մերկասառույց է Իրական քննարկո՞ւմ, թե կլոունադա Ազգային ժողովում Նախագահի ելույթը՝ նախընտրական PR Ինտրիգից այն կողմ. կարո՞ղ ենք հասնել մեկ շնչի հաշվով 10 հազար դոլար ՀՆԱ–ի Գարեգին Նժդեհ. «Մտավորականությունն է ազգի ճակատագրի դարբինը» Ռուբեն Եգանյան. «Այս տարի աշխատանքային միգրացիայի ծավալներն աճել են» Սենսացիոն ձերբակալություններ են սկսվել. ԱԱԾ–ն առայժմ այս մասին լռում է Մեզ վարկաբեկում են. թռչնակոմբինատի հիմնադիրը մեղադրում է ՍԱՊԾ–ին Իսպանիայի ֆուտբոլի հավաքականը աշխարհի առաջնությանը մասնակցելու իրավունքից զրկվելու վտանգի տակ է
Այսօր Այս շաբաթ Այս ամիս
website by Sargssyan