Երևան, 23.Սեպտեմբեր.2017,
--
:
--
,

Ավագանու նիստի միջադեպը իշխանությանը սաստող չունենալու հետևանք է



Երեկ կայացավ Երևանի ավագանու երկրորդ նստաշրջանի անդրանիկ նիստը, որն ընթացավ բավական լարված մթնոլորտում: Փոխադարձ ռեպլիկներ հնչեցին ավագանու երեք խմբակցությունների ներկայացուցիչների կողմից: Բայց այս ամենից ամենատգեղը ՀՀԿ խմբակցության անդամ Արմեն Սահակյանի՝ «Ելք» խմբակցության անդամ Անահիտ Բախշյանին «Անո» և «պարոն Բախշյան» անուններով դիմելաձևն էր:

Նման վերաբերմունքը դրդեց «Ելք» խմբակցության անդամ Ալեն Սիմոնյանին պատասխան տալու և իր թիմակցի պատիվը պահելու: Վերջինս դիմեց Արմեն Սահակյանին՝ ասելով` «Հավաքի՛ քեզ, այ ծիտ»: Ավելորդ է նշել, թե սրանից հետո որքան տևեց երկու ավագանիների երկխոսությունը, սակայն Ալեն Սիմոնյանը դիմեց նաև քաղաքապետ Տարոն Մարգարյանին՝ կարգի հրավիրելու համար ՀՀԿ–ական ավագանու անդամին: Սրան ի պատասխան քաղաքապետն ընդամենը կոչ արեց ավագանու բոլոր անդամներին նիստի ժամանակ զսպվածություն ցուցաբերել և հարգել միմյանց:

Միջադեպի հետ կապված «Փաստը» զրուցել է «Ելք» խմբակցության անդամ Սերգեյ Ղահրամանյանի հետ:

– Ինչո՞ւ էին տիկին Բախշյանի նկատմամբ անհարգալից եղել: Դուք այդ վարքն ինչպե՞ս կգնահատեք:

–Տիկին Բախշյանի հետ կապված իրավիճակը շատ անսպասելի եղավ, այնքան, որ ես ինքս էլ չլսեցի, թե ինչպես տեղի ունեցավ ու ինչից սկսվեց: Ալեն Սիմոնյանը ներկայացրեց, թե ինչի համար նա այդպես արեց, և բնականաբար, հենց այդպես էլ եղել էր: Մեր թիմակիցներից շատեն էին լսել, չնայած մինչ նիստը սկսելը այդ անձը մոտեցավ տիկին Բախշյանին և ողջունեց: Իսկ հետո հավանաբար ինչ–որ արտահայտություն էր արել, որից էլ բնականաբար ծագեց այդ ամենը:
Բնականաբար, դա շատ վատ է, և առաջին հերթին վիրավորական է ցանկացած վայրում: Երբ հասուն մարդիկ քննարկում են ինչ–որ բան, ռեպլիկներ չպետք է հնչեն: Այս ամենը հետևանք է նրա, որ տարիներ շարունակ անօրինականության մթնոլորտ է տիրել, և իշխանությունը երբ և ինչ ուզեցել՝ արել է և իրեն սաստող չի եղել: Իմ վերաբերմունքը շատ վատ է, ցանկացած նման երևույթ պետք է բացառվի:

– Ավագանու անդրանիկ նիստի նման մեկնարկը ինչի՞ մասին է վկայում: Այս պարագայում դուք ինչպե՞ս կարող եք ՀՀԿ–ի հետ համընդհանուր լեզու գտնել, երբ իրենց ներկայացուցիչները նման վերաբերմունք ունեն իրենց կոլեգաների հանդեպ:

– Քանի որ ավագանու աշխատանքը միայն այս նիստերով չի սահմանափակվում, ապա ասեմ, որ «Ելք»–ի ավագանու կազմը աշխատում է ամեն օր առանց հանգստյան կամ տոն օրերի ու մշտապես հանդիպումների կամ քննարկումների մեջ է քաղաքապետարանի աշխատակազմի ներկայացուցիչների հետ: Մենք նպատակ չունենք թեժացնելու իրավիճակը նիստերի ժամանակ, քանի որ առանց այն էլ թեժացնողները շատ–շատ են: Ուստի մեզ նպատակահարմար է նիստերին միմիայն գործնական շփումը՝ անկախ նրանից՝ դա դրական արդյունք կունենա, թե բացասական, բայց կարևորը պետք է գործնական լինի:
Ավագանու նիստին 65 ավագանի է ներկա լինում, այսինքն՝ 65 տարբեր բնավորություններ: Բայց մինչ դահլիճ մտնելը պետք է սեփական ամբիցիաները թողնել դռնից դուրս և ներս մտնել գործնական ամբիցիաներով, հակառակ դեպքում ամեն անգամ նման դեպքերը կշատանան: «Ելք»–ը ընդդիմություն չի, որ միայն դեմ քվեարկի, «Ելք»–ը ադեկվատ ընդդիմություն է, որը բաց է քննարկումների համար:

– Ի վերջո, Արմեն Սահակյանը ներողություն խնդրե՞ց Անահիտ Բախշյանից:

– Դա ավելի լավ կիմանա տիկին Բախշյանը: Ամեն դեպքում, դահլիճում նման բան տեղի չունեցավ:


ՔՐԻՍՏԻՆԱ ՏԵՐ–ՄԱԹԵՎՈՍՅԱՆ
«Փաստ» օրաթերթ

loading...
«Նաիրիտ» գործարանում խոշոր աղետի վտանգ չկա. միջազգային փորձագիտական խումբ Ավելի քան 2000 տավուշցի ստացել է անվճար բուժզննում Մամեդյարովը հանդիպել է Մինսկի խմբի համանախագահների հետ Պելեի բարեկամ Հակոբը ՀԶՀ-ն պաշտոնական ներկայացուցիչներ է նշանակել ԱՄՆ-ում և Ուկրաինայում Վահան Բիչախչյանը մասնակցել է «Ժիլինա-2»-ի հերթական խաղին Արցախի ԱԳՆ ղեկավարն ընդունել է Թուրքիայից ժամանած մտավորականների ԱՄՆ երեք կոնգրեսական հայտնվել է Ադրբեջանի «սև ցուցակում» Ծառերի տակ 100–200 տոննա դեղձ կա թափված. դժգոհություն գյուղացիներից Զիջման ևս մեկ քայլ՝ հայկական կողմից Երվանդ Բոզոյան. «Ռադիկալ փոփոխություններ չկատարելու դեպքում 20 տարի անց կլինի ոչ թե 4 միլիոն մարդ, այլ ընդամենը՝ մեկ» Ապրիլյան պատերազմի վերաբերյալ 23 գանգատի դատաքննությունը սկսված է Նիկոլայ Ծատուրյան. «Չպետք է ցորենի նման շաղ տան կոչումները» Մեղավորը Էռնեկյանը չէ, մեղավորը մենք ենք Չեխական զենքը Ադրբեջան է հասել ահաբեկչական խմբավորումներին «դիվանագիտական» չվերթներով զենք մատակարարելու շրջանակներում Նաթանյահուն, համաշխարհային կառավարությունն ու հայոց ղեկավարները Դավիթ Բաբայան. «Ալիևին ամենալավ պատասխանն իր դուստրն է տվել՝ ՄԱԿ սելֆիներով» Էյֆելյան աշտարակ՝ 1889-ին դրա բացման պահից 300 մլն մարդ Է այցելել Ալեքսիս Օհանյանը խոստացել է, որ դուստրը կայցելի Հայաստան. Reddit-ի համահիմնադիրը շնորհավորել է ՀՀ Անկախության տոնը Գաբրիել Սարգսյանը` Լիբանանի շախմատի չեմպիոն Ստորագրվել է «Զբաղվածության և սոցիալական քաղաքականության ոլորտում համագործակցության մասին» փոխըմբռնման հուշագիր Գործարար-տնտեսական համաժողովում քննարկվեցին այլ երկրների հետ տնտեսական համագործակցության հեռանկարները Հայաստանն ու Սլովենիան ստորագրել են միջկառավարական համաձայնագիր Աշոտյանը Բաքվում Ադրբեջանին հորդորել է գալիք սերունդներին չսնել հայատյացությամբ և քսենոֆոբիայով ՀՀ կառավարությունը նախատեսում է բարեփոխել Գյումրիի օդանավակայանի ենթակառուցվածքները
Այսօր Այս շաբաթ Այս ամիս
website by Sargssyan