Երևան, 25.Մայիս.2018,
--
:
--
,

Ավելի լավ ա մարդուն հայհոյես, քան հարցնես ո՞նց ես. կյանքը սահմանամերձ գյուղում չի լավանում

Բերքահավաքի ամենաեռուն շրջանում Տավուշի մարզի Ոսկեպար բնակավայրի՝ այժմ Նոյեմբերյանի կազմում, բնակիչներն անգործ են: Այստեղ վարելահողերը չեն մշակվում: Հողերի մի մասը սահմանին են՝ անվտանգությունից ելնելով ոսկեպարցիներն այնտեղ ոտք չեն դնում: Մյուս մասն էլ այլ պատճառներով չի մշակվում: «Մեխանիզացիա չկա, տրակտոր չկա, ո՞նց մշակենք»,– բողոքեց ոսկեպարցի Սպարտակ Կոստանդյանը:

Տարիներ առաջ ոսկեպարցիները գյուղտեխնիկայից չէին դժգոհում: Կոմբայն կար, սակավահող գյուղում եղած տեխնիկան բավարարում էր գյուղացիներին: Արտագաղթը, սակայն, Ոսկեպարի միակ տեխնիկան տարավ: «Կոմբայնավարը տեխնիկան ծախեց, գնաց Ռուսաստան: Ստեղ չէր կարողանում դրանով վաստակել, քիչ էր աշխատում, գնաց»,– պատմեց Ոսկեպարի տարեց բնակիչներից Ռազմիկ Բեգլարյանը:

Հետո աչքերը լցվեցին՝ ինքն էլ է մենակ մնացել: Երկու որդիները Ոսկեպարում աշխատանք չունենալու պատճառով Ռուսաստան արտագնա աշխատանքի են մեկնել: Կինն էլ պատերազմի տարիներին է մահացել՝ վախից: Ադրբեջանական կողմը սահմանապահ Ոսկեպարի վրա հաճախ էր գնդակոծում, Ռազմիկ Բեգլարյանի կնոջ առողջությունն էլ կրակոցների պատճառով քայքայվեց: 82–ամյա ոսկեպարցին հետո ինքն իրեն մխիթարեց՝ գյուղում իր նման շատերը կան՝ մնացել են ծերերով:

«Ռուսաստան մի տեղ կա՝ 130 ընտանիք մեր գյուղից են»,– ասաց ոսկեպարցին՝ ոչ մի կերպ չհիշելով այդ քաղաքի անունը, տարիքի հետ հիշողությունն է վատացել, ամեն ինչ չի հիշում:

Գյուղամիջում՝ նստարաններին, կողք կողքի ոսկեպարցի տարեց բնակիչներն են նստած: Հուղարկավորումից են գալիս, բայց միայն այսօր չէ, որ հավաքվել են գյուղի կենտրոնում, մշտապես այստեղ են: Նրանք իրենց 80–ամյա համագյուղացիներից մեկին են հրաժեշտ տվել: Սերյոժա պապն ասաց, որ մնացածներն էլ գերեզման գնալու իրենց հերթին են սպասում:

«Տարին 20 մահ ենք ունենում, որովհետև ջահելները փախել են, մնացել ենք պառավներով: Գյուղում մի 30 ընտանիք կա, որտեղ երեխեք կան, մնացածը, որ դուռը թակես, մի պառավ մարդ ու կնիկ կտենաս: Էս տարի գյուղումը 17 մահ է գրանցվել ու ոչ մի ծնունդ»,– բարկությունից ձեռնափայտն անկանոն շարժելով ասաց Սոկրատ Պապյանը:
Սահմանապահ Ոսկեպարի դպրոցում 60 երեխա է սովորում։ Սեպտեմբերի մեկին չորս առաջին դասարանցի են ունեցել:

Իր ապրուստից հետաքրքվողների վրա բարկանում է Մնացական պապը:
«Էս թվին մարդուն կհարցնեն ո՞նց ես ապրում: Հիմա ավելի լավ ա մարդուն հայհոյես, քան հարցնես՝ ո՞նց ես ապրում»,– զայրացավ նա:

Այստեղ ոչ ոք իր ապրուստից գոհ չէ: Նույնիսկ անասնապահությամբ չեն զբաղվում: Հակառակորդի ափի մեջ գտնվող Ոսկեպարում խոզաբուծությունն է միայն զարգացած, բայց այն էլ վերջին երկու տարիներին ևս հետընթաց է ապրում:

«Հիվանդություն կա խոզերի, չգիտենք ինչիցն է: Իմ բաջանաղն էլ վախից մինչև հիվանդություն կըպնիլը իրա 30 խոզը ծախեց»,– ասաց գյուղացին:
Թեև կառավարությունը սահմամերձ գյուղերի բնակիչների հողի, ջրի և գազի վարձը զեղչում է, բայց դա, ըստ գյուղացիների, աննպատակ է:

«Գազ չունենք մեր տներում, ի՞նչ արտոնություն, 7 գյուղում գազի խողովակները քաշած են, բայց գազ մեջը չկա»,– ասաց ոսկեպարցին:

 Ոսկեպարցիների պնդմամբ՝ համայնքների խոշորացումն էլ իրենց ոչինչ չի տվել՝ ուզեցին ունքը սարքեն, բայց աչքն էլ հանեցին: Սահմանամերձ գյուղի բնակիչների խոսքով՝ այսօր իրենք աշխատանքի կարիք ունեն և աշխատատեղ են պահանջում:

Մանյա Պողոսյան
«Փաստ» օրաթերթ

loading...
Վարչապետը ներկայացրել է ՀՀ զինված ուժերի գլխավոր շտաբի պետին Բնապահպանները կազմել են Եվրոպայի քաղաքների Էկոշարժունակության վարկանիշը Մանե Թանդիլյանը կառավարությանն առաջարկել է կուտակային համակարգի պարտադիր նորմը հետաձգել մեկ տարով Մովսես Հակոբյանը նշանակվել է գլխավոր ռազմական տեսուչ Նիկոլ Փաշինյանը նոր փոխնախարարներ է նշանակել Գարեգին Չուգասզյանը դադարեցրել է հացադուլը Հերթական անգամ կանխվել է Իրանից Ադրբեջան թմրանյութերի խոշոր խմբաքանակի ներկրումը Նիկոլ Փաշինյանը հյուրընկալել է Ամենայն Հայոց Կաթողիկոսին ՊԵԿ նախագահը կոչ արեց դրական տեղաշարժերը չպայմանավորել պաշտոնյաների անձերով Կարո Եղնուկյանը 10 միլիոն դրամ գրավ մուծելու դեպքում ազատ կարձակվի Հայաստանի Հանրապետությունում քաղբանտարկյալներ չպետք է լինեն. ՀՀ նախագահ «Մենք պետք է բացառենք քաղբանտարկյալների առկայությունը Հայաստանում». Վարչապետն անդրադարձավ ՄԻԵԴ վճռին Ֆրանսիան ապօրինի Է համարում ԱՄՆ-ի պատժամիջոցները Իրանի հետ գործակցող եվրոպական ընկերությունների դեմ Օրական մեկ հավկիթ` երկարակեցության համար Կարող ենք պայքարել ամեն թիմի դեմ էլ. Էրիկ Վարդանյան Վիսկոնսինում բեռնատարը բախվել Է դպրոցական ավտոբուսին, տուժել Է քսան մարդ. AP Ցուկերբերգի հետ հանդիպումը հուսախաբ Է արել Եվրախորհրդարանի պատգամավորներին Լեհ գրող Օլգա Տոկարչուկը դարձել Է Միջազգային Բուքերյան մրցանակի դափնեկիր Իսրայելն աշխարհում առաջինն Է F-35-ը կիրառել մարտում Հրապարակվել Է Սպիտակ ծովում «Բուլավա» հրթիռների արձակման տեսագրությունը Նյու Յորքի ֆոնդային սակարանն առաջին անգամ կին կգլխավորի Ալեքսանդր Եսայանը կշարունակի զբաղեցնել ԻՏՁՄ նախագահի պաշտոնը Վախճանվել Է գրող Ֆիլիպ Ռոթը. The New York Times
Այսօր Այս շաբաթ Այս ամիս
website by Sargssyan