Երևան, 23.Սեպտեմբեր.2017,
--
:
--
,

Հայաստանը ո՛չ Ռուսաստանի ռազմավարական դաշնակիցն է և ո՛չ էլ ՆԱՏՕ–ի հուսալի գործընկերը


Մեր հյուրն է քաղաքագետ Հայկ Մարտիրոսյանը

– Բաքվում տեղի է ունեցել ՌԴ ԳՇ պետի ու ՆԱՏՕ–ի ռազմական կոմիտեի ղեկավարի հանդիպումը: Այս տարվա փետրվարին էլ Բաքվում հանդիպել էին ՌԴ և ԱՄՆ ԳՇ պետերը: Ինչո՞ւ է հանդիպման վայր ընտրվել Բաքուն: Քաղաքական առումով սա ի՞նչ է նշանակում:

– Չգիտեմ, թե ինչ է նշանակում, բայց վկայությունն է այն բանի, որ Բաքուն դառնում է աշխարհաքաղաքական խաղացող և միջազգային իրադարձությունների վայր: Նաև՝ վկայությունն է այն փաստի, որ Ադրբեջանը վասալ պետություն չէ և երկու գերտերությունների համար էլ դիտարկվում է որպես անկախ գործընկեր: Դա անչափ կարևոր հանգամանք է:

– Ադրբեջանական լրատվականները ներկայացնում են, որ իրենց երկիրը չափազանց կարևոր գործընկեր է ՆԱՏՕ–ի համար, քանի որ Ադրբեջանի տարածքով է անցնում դեպի Աֆղանստան գնացող ՆԱՏՕ–ի բեռների մոտ 40%–ը: Բայց արդյո՞ք դա է հիմնական պատճառը:

– Դա հիմնական պատճառ չէ, բայց պատճառներից մեկն է: Ադրբեջանն իրեն ճիշտ է դրսևորում միջազգային հարաբերություններում և իմաստուն քաղաքականություն է վարում: Բաքուն տարված չէ ամենօրյա կառավարման կամ մարտավարական խնդիրներով: Բաքուն ռազմավարական մոտեցում և կոնցեպտուալ հեռահար քայլեր է կատարում:

– Ստացվում է` Բաքուն չեզոք և վստահելի գոտի է դիտվում երկու կողմի համար էլ: Իսկ մենք ո՞ւր մնացինք մեր կոմպլեմենտար քաղաքականությամբ` Ռուսաստանի ռազմավարական դաշնակից ու ՆԱՏՕ–ի հուսալի գործընկեր լինելով:

– Հայաստանը ո՛չ Ռուսաստանի ռազմավարական դաշնակիցն է և ո՛չ էլ ՆԱՏՕ–ի հուսալի գործընկերը: Հայաստանը, ցավոք, դաշնակիցներ չունի և հուսալի էլ չէ: Իսկ հայկական կոմպլեմենտարիզմը հայկական միֆերից էր, որ վաղուց է հօդս ցնդել: Ո՞վ չգիտի, թե ինչպիսին է իրական վիճակը Երևանում: Հայաստանը վերածվել է կայսրության մի գավառի, որտեղ գավառական մակարդակի հարցեր են միայն լուծվում: Մինչդեռ այս երկրի մարտահրավերներն ահռելի են և ոչ միայն տարածաշրջանային, այլև հեռանկարում՝ նաև համաշխարհային հետևանքներ ենթադրող: Հայաստանի հարևան տարածքներում համաշխարհային կարևորության իրադարձություններ են հասունանում: Ստեղծվում է անկախ Քրդստան, Թուրքիան ապակայունանում է, իսկ Հյուսիսային Կովկասում առաջին անգամ պատմության մեջ իսլամիզմը դառնում է կառավարման գաղափարախոսական առանցք: Դա հղի է մեծագույն վտանգներով՝ հատկապես երրորդ չեչենական պատերազմով, որ կարող է ընդհանրապես Ռուսաստանին ծանրագույն վիճակի մեջ դնել: Այս աշխարահամասին ընդհանրապես տարածաշրջանային մեծ աղետներ են սպառնում: Այս պայմաններում միաբևեռ, միամետ արտաքին քաղաքականությունն ուղղակի կործանարար կարող է լինել:


Արփի Սահակյան
«Փաստ» օրաթերթ

loading...
«Նաիրիտ» գործարանում խոշոր աղետի վտանգ չկա. միջազգային փորձագիտական խումբ Ավելի քան 2000 տավուշցի ստացել է անվճար բուժզննում Մամեդյարովը հանդիպել է Մինսկի խմբի համանախագահների հետ Պելեի բարեկամ Հակոբը ՀԶՀ-ն պաշտոնական ներկայացուցիչներ է նշանակել ԱՄՆ-ում և Ուկրաինայում Վահան Բիչախչյանը մասնակցել է «Ժիլինա-2»-ի հերթական խաղին Արցախի ԱԳՆ ղեկավարն ընդունել է Թուրքիայից ժամանած մտավորականների ԱՄՆ երեք կոնգրեսական հայտնվել է Ադրբեջանի «սև ցուցակում» Ծառերի տակ 100–200 տոննա դեղձ կա թափված. դժգոհություն գյուղացիներից Զիջման ևս մեկ քայլ՝ հայկական կողմից Երվանդ Բոզոյան. «Ռադիկալ փոփոխություններ չկատարելու դեպքում 20 տարի անց կլինի ոչ թե 4 միլիոն մարդ, այլ ընդամենը՝ մեկ» Ապրիլյան պատերազմի վերաբերյալ 23 գանգատի դատաքննությունը սկսված է Նիկոլայ Ծատուրյան. «Չպետք է ցորենի նման շաղ տան կոչումները» Մեղավորը Էռնեկյանը չէ, մեղավորը մենք ենք Չեխական զենքը Ադրբեջան է հասել ահաբեկչական խմբավորումներին «դիվանագիտական» չվերթներով զենք մատակարարելու շրջանակներում Նաթանյահուն, համաշխարհային կառավարությունն ու հայոց ղեկավարները Դավիթ Բաբայան. «Ալիևին ամենալավ պատասխանն իր դուստրն է տվել՝ ՄԱԿ սելֆիներով» Էյֆելյան աշտարակ՝ 1889-ին դրա բացման պահից 300 մլն մարդ Է այցելել Ալեքսիս Օհանյանը խոստացել է, որ դուստրը կայցելի Հայաստան. Reddit-ի համահիմնադիրը շնորհավորել է ՀՀ Անկախության տոնը Գաբրիել Սարգսյանը` Լիբանանի շախմատի չեմպիոն Ստորագրվել է «Զբաղվածության և սոցիալական քաղաքականության ոլորտում համագործակցության մասին» փոխըմբռնման հուշագիր Գործարար-տնտեսական համաժողովում քննարկվեցին այլ երկրների հետ տնտեսական համագործակցության հեռանկարները Հայաստանն ու Սլովենիան ստորագրել են միջկառավարական համաձայնագիր Աշոտյանը Բաքվում Ադրբեջանին հորդորել է գալիք սերունդներին չսնել հայատյացությամբ և քսենոֆոբիայով ՀՀ կառավարությունը նախատեսում է բարեփոխել Գյումրիի օդանավակայանի ենթակառուցվածքները
Այսօր Այս շաբաթ Այս ամիս
website by Sargssyan