Երևան, 23.Սեպտեմբեր.2017,
--
:
--
,

Հայաստանի և Եվրամիության միջև համաձայնագրի ստորագրումը կլինի որդեգրման արարողություն` առանց ժառանգության իրավունքի


Մեր հյուրն է Գերագույն Խորհրդի պատգամավոր Ազատ Արշակյանը


– Պարոն Արշակյան, եթե անզեն աչքով նայենք, այս մի տարվա մեջ ի՞նչ է փոխվել մեր երկրում, երբ նշանակվեց նոր վարչապետ և մասնակիորեն փոխվեց նաև կառավարությունը:


– Փոփոխությունների մասին չխոսենք, ընդամենն ասենք, որ դեգրադացիան շարունակվել է: Մեզ մոտ քանի որ դեգրադացիա էր, այն ավելի է խորացել: Այսինքն` տնտեսական անկումը շարունակվել է:
Կառավարությունը փոխվեց, իբրև թե նոր թիմ, նոր մարդիկ կգային, ու կախարդական չոփիկներով, փայտիկ չասենք` չոփիկ, մեր կյանքը կբարելավվեր. տնտեսությունը կաշխատեր, սոցիալական լարվածությունը կմեղմանար, արտագաղթը կնվազեր:
Սակայն նման հրաշքներ չէին կարող լինել, որովհետև այն պատճառը, որը հայկական պետությունն անկում էր տանում, վերացված չէ: Այնպես որ, մեկ տարվա մեջ ոչինչ չկա, որ փոխված լինի դեպի լավը, ամեն ինչ գնացել է վատի ուղղությամբ:

– Եվ ո՞րն է այդ պատճառը:

– Այդ պատճառը Հայաստանի ինքնիշխանության կորուստն է: Որովհետև մենք գտնվում ենք մի տնտեսական ակումբում` Եվրասիական տնտեսական միության մեջ, որը ձախողված և քայքայվող տնտեսությունների ակումբ է ընդամենը: Այս տարածքի բոլոր երկրներում էլ մարդիկ վատ են ապրում: Անկախ նրանից, որ սպեկուլյացիա են անում էներգակիրների վրա, նախկինում գոյություն ունեցող ոսկու պաշարների վրա:
Ընդհանրապես այս երկրներում չկա նորարարություն, չկան նոր տեխնոլոգիաներ, չկա բարձր արտադրողականություն, չկա արտադրության կուլտուրա: Գոյություն չունի նաև ներքին ինտեգրացիա: Այս երկրների տնտեսություններն իրար հետ չեն համագործակցում: Բելառուսի, Ռուսաստանի, Ղազախստանի, Ղրղզստանի և Հայաստանի տնտեսությունները փաստացի մեկ համակարգի մեջ չեն: Դրանք չեն գործում փոխլրացնող ռեժիմով:
Իսկ այսպիսի տնտեսական միությանը մաս կազմել, նշանակում է տնտեսական ճգնաժամ ապրել: Այնպես որ, մենք նստել ենք խորտակվող նավ, և հարկավոր է, որ այդ նավից տեղափոխվենք:

– Բայց ինչ մեզնից կախված էր, ինչ մեր ձեռքից գալիս էր, մենք արե՞լ ենք:

– Ոչ: Չենք արել: Տնտեսական ճգնաժամի, քաոսի պատճառներից մեկն էլ այն է, որ վարվում է սխալ կադրային քաղաքականություն: Ուստիև այս պարագայում եղած հնարավորություններն էլ չէին կարող օգտագործվել: Որովհետև ադմինիստրատորները` վարչարարները պրոֆեսիոնալներ չեն: Նրանք չեն ընտրվել իրենց պրոֆեսիոնալ հատկանիշներից ելնելով, այլ ընտրվել են կոռուպցիոն ռեժիմի արդյունքում: Իսկ կադրային կոռուպցիան ոչնչով չի տարբերվում քաղաքական, ֆինանսական, տնտեսական և մշակութային կոռուպցիաներից:
Սխալ ընտրություն է տեղի ունեցել, եղել է բացասական սելեկցիա:
Այնպես որ, և արտաքին պայմաններն էին վատ. ասացի, որ ԵՏՄ–ն ձախողված տնտեսությունների միասնական տարածք է, և մեր երկրի ներսում վարվել է սխալ կադրային քաղաքականություն. ընտրված կադրերը կոմպետենտ չեն:

– Նոյեմբերին նախատեսվում է, որ Հայաստանի և Եվրամիության մեջ պետք է ստորագրվի Համապարփակ և ընդլայնված գործընկերության համաձայնագիրը: Եվրամիության դեսպանն էլ ասել է, որ թուղթ ու գրիչը պատրաստ` Բրյուսելում սպասում են, որ ստորագրեն: Այս փաստը կարո՞ղ է ճեղքում մտցնել ներկա վիճակի մեջ:

– Չի կարող: Եվրամիության հետ այս պայմանագիրը լիարժեք չի դարձնելու իրավիճակը, մենք չենք ինտեգրվելու եվրոպական համակարգի մեջ: Դա կլինի կիսատ ինտեգրում: Մենք չենք դառնում հարթակ, որտեղ եվրոպացիները կարող են ներդրումներ կատարել, կարող են իրենց տեխնոլոգիաներն առաջարկել: Այսինքն` մենք չենք դառնում նրանց լիարժեք գործընկերը:
Ընդամենն այս համաձայնագիրը կարող է նախնական շանս տալ ապագայի համար: Այո, ապագայի համար մենք կունենանք որոշակի փորձ: Ճիշտ այնպես, ինչպես ՆԱՏՕ–ի հետ ունեցած հարաբերությունները մեր բանակը չեն դարձնում ՆԱՏՕ–ի ստանդարտներին համապատասխանող բանակ: Ընդամենը մենք ծանոթանում ենք ՆԱՏՕ–ի զինվորական կուլտուրային:
Այս համաձայնագրի պարագայում էլ է այդպես` մեզ թույլ են տալիս ծանոթ լինելու եվրոպական երկրների տնտեսական հարաբերություններին` մաքսային հարաբերություններին, հարկային հարաբերություններին: Բայց մենք նրա լիարժեք անդամը չենք, խորթ ենք և որդեգիր ենք: Այդ համաձայնագրի ստորագրումը կլինի որդեգրման արարողություն` առանց ժառանգության իրավունքի:

Գոհար Սարդարյան

«Փաստ» օրաթերթ

loading...
Ստամբուլի քաղաքապետը հրաժարական է տվել Նալբանդյանը հանդիպել է Եվրոպայում անվտանգության և համագործակցության կազմակերպության գլխավոր քարտուղարի հետ «Նաիրիտ» գործարանում խոշոր աղետի վտանգ չկա. միջազգային փորձագիտական խումբ Ավելի քան 2000 տավուշցի ստացել է անվճար բուժզննում Մամեդյարովը հանդիպել է Մինսկի խմբի համանախագահների հետ Պելեի բարեկամ Հակոբը ՀԶՀ-ն պաշտոնական ներկայացուցիչներ է նշանակել ԱՄՆ-ում և Ուկրաինայում Վահան Բիչախչյանը մասնակցել է «Ժիլինա-2»-ի հերթական խաղին Արցախի ԱԳՆ ղեկավարն ընդունել է Թուրքիայից ժամանած մտավորականների ԱՄՆ երեք կոնգրեսական հայտնվել է Ադրբեջանի «սև ցուցակում» Ծառերի տակ 100–200 տոննա դեղձ կա թափված. դժգոհություն գյուղացիներից Զիջման ևս մեկ քայլ՝ հայկական կողմից Երվանդ Բոզոյան. «Ռադիկալ փոփոխություններ չկատարելու դեպքում 20 տարի անց կլինի ոչ թե 4 միլիոն մարդ, այլ ընդամենը՝ մեկ» Ապրիլյան պատերազմի վերաբերյալ 23 գանգատի դատաքննությունը սկսված է Նիկոլայ Ծատուրյան. «Չպետք է ցորենի նման շաղ տան կոչումները» Մեղավորը Էռնեկյանը չէ, մեղավորը մենք ենք Չեխական զենքը Ադրբեջան է հասել ահաբեկչական խմբավորումներին «դիվանագիտական» չվերթներով զենք մատակարարելու շրջանակներում Նաթանյահուն, համաշխարհային կառավարությունն ու հայոց ղեկավարները Դավիթ Բաբայան. «Ալիևին ամենալավ պատասխանն իր դուստրն է տվել՝ ՄԱԿ սելֆիներով» Էյֆելյան աշտարակ՝ 1889-ին դրա բացման պահից 300 մլն մարդ Է այցելել Ալեքսիս Օհանյանը խոստացել է, որ դուստրը կայցելի Հայաստան. Reddit-ի համահիմնադիրը շնորհավորել է ՀՀ Անկախության տոնը Գաբրիել Սարգսյանը` Լիբանանի շախմատի չեմպիոն Ստորագրվել է «Զբաղվածության և սոցիալական քաղաքականության ոլորտում համագործակցության մասին» փոխըմբռնման հուշագիր Գործարար-տնտեսական համաժողովում քննարկվեցին այլ երկրների հետ տնտեսական համագործակցության հեռանկարները Հայաստանն ու Սլովենիան ստորագրել են միջկառավարական համաձայնագիր
Այսօր Այս շաբաթ Այս ամիս
website by Sargssyan