Երևան, 17.Հոկտեմբեր.2017,
--
:
--
,

«Եթե ժողովուրդը կյանքի գնով պաշտպանի մեր երկիրը, ապա դա չի լինի իշխանության գործադրած ջանքերի արդյունքը». Արման Մելիքյան


Մեր հյուրն է ԼՂՀ արտաքին գործերի նախկին նախարար Արման Մելիքյանը
Գոհար Սարդարյան

– Պարոն Մելիքյան, այս տարիների ընթացքում, ինչ ազատագրվեց Արցախը, կարողացա՞նք բավարար աշխատանքներ տանել նրա անվտանգության ապահովման ուղղությամբ:

– Արցախի քաղաքական ու ֆիզիկական գոյությունը պետք է վտանգված համարենք այնքան ժամանակ, քանի դեռ հրադադարը չի փոխարինվել կայուն ու երկարաժամկետ խաղաղության երաշխիքներ ապահովող պայմանագրով, որը կստորագրվի հակամարտության կողմերի միջև:

 Ցավոք սրտի, եթե դիտարկելու լինենք, հակամարտության առկայությամբ պայմանավորված, Արցախի քաղաքական անվտանգության մակարդակը, ապա այն, իմ համոզմամբ, նվազել է: Քանզի բանակցային սեղանի շուրջ հակառակորդին հաջողվել է որոշ այնպիսի դրույթներ ամրագրել, որոնք նրան առավելություններ են ապահովում շփման գծում ագրեսիվ գործողություններ իրականացնելու տեսանկյունից: Այս համատեքստում անգամ հակամարտ կողմերի ռազմական ներուժի առկա համազորությունը Արցախի անվտանգության լիարժեք ապահովման մեզ բավարարող երաշխիքները չի տալիս:

– Հիմնականում ո՞ր հարցերում ենք թերացել:

Առաջին հերթին պարտավոր ենք արձանագրել, որ հայկական կողմերի բանակցային մոտեցումների համակարգն անընդունակ գտնվեց ներառել մեր շահերի ողջ համալիրի արդյունավետ պաշտպանությունը: Մեր բանակցողները ի սկզբանե պատրաստ են Արցախի տարածքների երկու երրորդը հանձնել հակառակորդին, իսկ ավելի քան կես միլիոն հայ փախստականների հիմնահարցն առհասարակ դուրս է այս մարդկանց քաղաքական հետաքրքրությունների շրջանակից: Ինչ խոսք` սա ինքնիշխան պետությանը բնորոշ`ազգային շահերի հստակ գիտակցման վրա հիմնված քաղաքականություն համարել չի կարելի:

–Մենք լիարժեք չբնակեցրեցինք նաև ազատագրված տարածքները: Կանխակալ մոտեցո՞ւմ կար այդ տարածքների ճակատագրի վերաբերյալ:

– Չեմ կարծում որ սա պատահականություն է` հավանաբար տարածքները չեն բնակեցվել, քանի որ ՀՀ գործող իշխանություններն ինչ–որ մի երրորդ կողմին խոստացել են, որ դրանք հանձնվելու են: Հանձնվելու են ինչ–որ բանի դիմաց: Երրորդ կողմը չի կարողանում ապահովել այն պայմանները, որոնց դիմաց մեր իշխանություններից կորզել է այդ խոստումը:
 Իրավիճակն այս ընթացքում էապես փոխվել է: Եվ այժմ, կարծում եմ, պաշտոնական Երևանն այն ժամանակ տված իր խոստումից կարող է իրեն ազատ համարել և առաջնորդվել ներկայիս իրողություններից բխող նոր ռազմավարությամբ:

– Տարածքների հանձնման մասին վերջին շրջանում բավականին շատ խոսվեց, այսօր դրա վտանգն անցել է:

– Այդ վտանգը չի նվազում: Իրականում այն, ցավոք սրտի, միայն ավելանում է: Եվ այս տեսանկյունից նախորդ տարվա ապրիլյան քառօրյա ռազմական գործողությունը մեզ համար շատ ցավոտ հետևանքներով հղի քաղաքական նոր շրջափուլի մեկնարկը հանդիսացավ:

– Մենք ունե՞նք գործող կռվան, որը կարող ենք հակադրել տարածքային զիջումների
պահանջին, որոնք նաև միջազգային խաղացողների կողմից են հնչում:

– Մենք այլընտրանքային քաղաքական գիծ որդեգրելու իրական հնարավորությունը պահպանում ենք: Եվ եթե գործող իշխանությունները բավարար շրջահայացություն և նպատակաուղղվածություն հանդես բերեն, ապա հնարավոր կլինի բավականին կարճ ժամանակահատվածում կարգավորման գործընթացը միանգամայն այլ սկզբունքներով ձևավորված իրավա–քաղաքական առանցքի շուրջ զարգացնել:

– Յուրաքանչյուր օր և յուրաքանչյուր ժամ մենք պետք է պատրաստ լինենք պատերազմին: Ապրիլյան պատերազմից հետո մեր պատրաստվածության մակարդակն իրո՞ք բարձրացվել է, թե՞ այն հաճախ կրում է նաև կարգախոսային բնույթ:

–Ստիպված եմ հատուկ ընդգծել, որ ՀՀ գործող իշխանությունները ձգտում են ճակատային գծում լուծում տալ այն խնդիրներին, որոնք իրականում հնարավոր է լուծել բացառապես քաղաքական մակարդակում` սեփական բանակցային մոտեցումները էապես վերանայելու և փոփոխելու միջոցով:
Այն, ինչ արվում է այսօր ճակատային գծում, կարևոր կհամարեի, եթե դրան համապատասխանեցվեր նաև վարվող քաղաքականությունը: Մինչդեռ այսպես` մնալով հին և անարդյունավետ մոտեցումների գերին, մենք ճակատային գծում կունենանք լարվածության շարունակական աճ: Եվ տեղի կունենա անմեղ ու անիմաստ զոհերի քանակի մշտական ավելացում: Մի բան, որը լիովին բխում է հակառակորդի շահերից, համապատասխանում է նրա հեռահար նպատակներին:

– Իսկ ժողովրդին ինչպե՞ս ենք տրամադրում հնարավոր պատերազմին դիմակայելու հարցում:

– Մերօրյա Հայաստանում իշխանություններն իրենց վայելքների աշխարհում են ապրում, իսկ ժողովուրդն ապրում է իր` անարդարության ու չքավորության մռայլ ստվերով պատված աշխարհում: Ու եթե ժողովուրդը, հակառակ ամեն ինչի, պատրաստ կլինի կյանքի գնով պաշտպանելու իր երկիրը, ապա դա չի լինի իշխանության գործադրած ինչ–որ ջանքերի շնորհիվ:

loading...
Չեմպիոնների լիգայում կկայանան E, F, G, H խմբերի երրորդ տուրի հանդիպումները Ստեփանավանում քամու հետեւանքով էլեկտրասյուներն ընկել են գազատարի վրա. հրդեհ է բռնկվել Լարսը փակ է բեռնատարների համար ՄԱԿ-ի գլխավոր քարտուղարը ողջունել Է Հայաստանի եւ Ադրբեջանի նախագահների բանակցությունները ԼՂ հարցում բանակցային գործընթացը պահպանելը կնվազեցնի ռազմական առճակատման ռիսկը. Ստանիսլավ Տարասով Գևորգ Մելիքյան. «Համաձայնագիրը ՀՀ և ԵՄ հարաբերությունների ճանապարհային քարտեզն է» «Պարենի ինքնաբավության խնդիրը դեռ լուծված չէ» Ոսկին գնում են նեղ օրվա կամ լոմբարդում դնելու համար Ամուսնական 14,5 հատ մատանի՝ բյուջեի հաշվին. Եղեգնավանի զավեշտը Այլընտրանքային ծառայությունն ու զինվորի տված պարտքը հայրենիքին Սխալ հասկանալու հետևանքները, կամ երբ փոթորիկն այդպես էլ չի գալիս ՀՅԴ ներկայացուցչի կարծիքով «Վեոլիա ջուրը» իրենց գլխին սարքել է Երջանիկը երջանկության մեջ է Սոչիում, իսկ կուսակիցները խռովել են նրանից Նազարբաև սթայլ. Ալմաթիում հասարակ անցորդները նկարվել են հայտնի լուսանկարի նման Բուխարեստում անցկացվել է Հայոց ցեղասպանությանը նվիրված գիտաժողով Տաթևում կայացել է Հայաստանի պետական ազգային ակադեմիական երգչախմբի համերգը «Եվա» ֆիլմն ընդգրկվել է 90-րդ «Օսկար» մրցանակաբաշխության նախընտրական ցանկում Ֆուտբոլի հավաքականը 7 հորիզոնականով նահանջել է ՖԻՖԱ-ի դասակարգման աղյուսակում Կարեն Գրիգորյանը հաղթել է Ֆիլիպինների մրցաշարի 5-րդ տուրում Ղազախստանում մեկնարկել են ՀԱՊԿ-ի «Անխախտ եղբայրություն-2017» զորավարժությունները Շվեյցարահայ համայնքի հետ հանդիպմանը Նախագահը ներկայացրել է ժնևյան բանակցությունների արդյունքները ԵՄ-ն Հարավային Կովկասում նոր հատուկ ներկայացուցիչ է նշանակել Թոիվո Կլաարին Բակո Սահակյանը հաստատել է ԱՀ Նախագահի 2017-2020թթ. ծրագիրն ի կատարումն ընդունելու մասին կառավարության որոշումը Սիրիական բանակը ԻՊ-ին շրջապատում Է Դեյր Զորի թաղամասերում Երևան-Սևան ավտոճանապարհին մեքենան բախվել է սյանը. վարորդը մահացել է
Այսօր Այս շաբաթ Այս ամիս
website by Sargssyan