Երևան, 20.Փետրվար.2018,
--
:
--
,

Հիմա էլ Բաքուն կպավ «Halo Trust»-ին


ԱՄՆ Կոնգրեսում առաջարկել են ֆինաջակցություն տրամադրել այդ ընկերությանը

Օրերս ԱՄՆ Կոնգրեսի Ներկայացուցիչների պալատի ենթահանձնաժողովում «2018 թ. ֆինանսական տարվա բյուջեի քննարկում Եվրոպայի ու Եվրասիայի համար» թեմայի քննարկումների ժամանակ Պալատի արտաքին հարցերի հանձնաժողովի անդամ, Հայկական խմբի անդամ Բրեդ Շերմանն ԱՄՆ–ին առաջարկել է աջակցել ԼՂ–ում հողերի ականազերծման աշխատանքներին: Այդ նպատակով նա առաջարկել է ֆինանսական աջակցություն տրամադրել բրիտանական «Halo Trust» ընկերությանը, որը 2000–ից ի վեր ականազերծում է իրականացնում Արցախում:

Այս լուրն ամպրոպի պես պայթել է Բաքվում: ԵԱՀԿ երևանյան գրասենյակը նույն այդ պատճառաբանությամբ փակել տվեցին, հիմա էլ սա:

«Իսկ թե ինչու է ադրբեջանական տարածքի ականազերծման հարցում հայամետ կոնգրեսականը շահագրգիռ, ակնհայտ է: Ականազերծման աշխատանքներին, որին հենց կազմակերպության կայքի տեղեկացմամբ, մասնակցում են Լեռնային Ղարաբաղի բնակիչներ, հայ «զավթողներին», մասնավորապես ռազմական կառույցի ներկայացուցիչներին, թույլ կտա ձեռք բերել նոր հմտություններ, որոնք կարող են, ամենայն հավանականությամբ, օգտագործվել Ադրբեջանի դեմ՝ բռնագրավված տարածքներում»,– գրում է ադրբեջանական մամուլը:

Ըստ Բաքվի՝ եթե ամերիկյան կողմը ֆինանսական աջակցություն ցույց տա բրիտանական այդ մասնավոր կազմակերպությանը, նշանակում է, որ ոչ թե օգնում է կարգավորել, այլ ավելի է խորացնում հակամարտությունը: Իսկ այն, որ ականազերծման աշխատանքների շնորհիվ «Halo Trust»–ն իրականացնում է մարդասիրական հսկայական աշխատանք, ադրբեջանական կողմին, բնականաբար, չի հուզում:

«Halo Trust»–ի հետ Ադրբեջանի հարաբերությունները չեն ստացվել ի սկզբանե: 2011 թ. Բաքուն այդ կազմակերպությունը ներառել է իր «սև ցուցակում»: Նրա գործունեությունը Ադրբեջանի տարածքում արգելված է: Իսկ պատճառը շատ պարզ է՝ առանց Ադրբեջանի թույլտվությունն ստանալու «Halo Trust»–ը ոչ միայն մուտք է գործել ԼՂ, այնտեղ գրասենյակ բացել, այլև ականազերծման աշխատանքներ է իրականացնում: Սա դեռ քիչ է, իր պաշտոնական կայքում Արցախը ներկայացնում է որպես անկախ տարածք, որն Ադրբեջանի հետ որևէ կապ չունի: Ավելին, Արցախի մաս են ներկայացվում նաև «գրավյալ» տարածքները: Տեղանուններն էլ նշվում են հայկական տարբերակով: Մի խոսքով, իսկական ապտակ ադրբեջանական «ճշմարտության» երեսին:

Հընթացս նշենք, որ 2000 թ. ի վեր բրիտանական այդ կազմակերպությունն ականազերծել է Արցախի տարածքի գրեթե 88%–ը: Մինչև 2020 թ. ամբողջ տարածքն ականազերծելու և այն խաղաղ բնակչության համար անվտանգ դարձնելու համար անհրաժեշտ է 8 մլն դոլար: Սակայն ինչպես տեղեկացնում է կազմակերպության պաշտոնական կայքը, ԱՄՆ–ից մի հիմնադրամ, որը ցանկանում է անհայտ մնալ, խոստացել է տրամադրել 4 մլն դոլարը, եթե կազմակերպությունը կարողանա հայթայթել մնացած 4–ը:

Թե կոնգրեսական Շերմանն ինչ չափի ֆինաջակցություն է հայցել իր կառավարությունից, դժվար է ասել: Սակայն «Halo Trust»–ի կայքի տեղեկացմամբ, իրենց գործունեության սկզբում ֆինանսական հիմնական աղբյուրը եղել է հենց ԱՄՆ կառավարությունը, որը գումար է փոխանցել USAID–ի միջոցով: Սակայն քանի որ ԱՄՆ նախագահ Թրամփի որոշմամբ՝ այս տարի ԱՄՆ զարգացման գործակալության միջոցով տարբեր երկրներին տրվող աջակցությունը խիստ կրճատվել է, ապա Շերմանի առաջարկի ապագան մշուշոտ է թվում: Ինչ էլ լինի, կարևորը հարցի միայն ֆինանսական կողմը չէ: Արդյո՞ք ԱՄՆ–ի հայկական լոբբին ու Կոնգրեսի հայկական խմբերը կկարողանան առաջ տանել հարցը՝ ի հեճուկս ադրբեջանական հերթական հիստերիայի:

Արփի Սահակյան

loading...
Առաքելական Հայաստան. «Пешком» ծրագրի հերթական թողարկումը Ռուսաստանի, Իրանի և Թուրքիայի ԱԳ նախարարների հանդիպումը տեղի կունենա Աստանայում Ստամբուլի վճռաբեկ դատարանը «Սանասարյան հան» կառույցը հայ համայնքին վերադարձնելու վճիռ է կայացրել Իսրայելը եւ ԱՄՆ-ը տիեզերքում հրթիռների կալանման համալիր են փորձարկել ԱՄՆ-ը մտադիր Է մինչեւ 2023-ը տիեզերանավ ուղարկել Լուսնի շուրջը թռիչքի ՍԱՊԾ են հրավիրվել պետական գնումներով ծառայություններ իրականացնող կազմակերպությունների ներկայացուցիչները Նախնական հաշվարկներով «ՎՏԲ-Հայաստան» բանկի մասնաճյուղից հափշտակվել է շուրջ 8.5 մլն դրամ գումար ՆԱՏՕ-ի գլխավոր քարտուղարը Ռուսաստանին մեղադրել Է միջուկային սպառազինությունների մրցավազք հրահրելու մեջ Բելգիայում 81 բուհեր կասկածվում են «կեղծ» դիպլոմներ տալու մեջ. Libre Belgique Սերժ Սարգսյանն ընդունել է ՌԴ Արտաքին հետախուզության ծառայության տնօրենին Ցածր հասակը՝ ինսուլտի առաջացման ռիսկի գործո՞ն Հայաստանը բանակցում է Իրաքի հետ կրկնակի հարկումը բացառող համաձայնագրի ստորագրման շուրջ Facebook-ը կկրկնապատկի անվտանգությամբ զբաղվող մասնագետների թիվը Windows 10-ի պաշտպանությունն անառիկ չէ Թրամփ. Ամերիկա՛, խելացի եղիր, Մոսկվան ծիծաղում է մեզ վրա Սքանավորման նոր տեխնիկան բացահայտում է նկարների տակ թաքնված գաղտնիքները Ավստրալիայի կառավարության անդամներին կարգելվի ինտիմ կապեր ունենալ աշխատակիցների հետ Մեծ Բրիտանիայի ընկերությունների ղեկավարները Brexit-ի «փոխզիջումային» տարբերակ են առաջարկել «Հյուսիսային հոսք-2»-ը Էներգետիկական անվտանգության սպառնալիք չԷ. Մերկել Սիրիայի հումանիտար օգնությանը նվիրված խորհրդաժողով՝ ապրիլին Միլանում ուսանողը թռել Է մետրոյի գծերի վրա՝ փրկելու երեխային Victoria՚s Secret-ի մոդելները լուսանկարվել են գրեթե մերկ Մինի-տուն ոչ մեծ ընտանիքի համար. Բելառուսի բնակչի ստեղծագործությունը
Այսօր Այս շաբաթ Այս ամիս
website by Sargssyan