Երևան, 22.Հունիս.2018,
--
:
--
,

Մեղադրվողների քանակը չի համապատասխանում տուժողների քանակին


Մեր հյուրն է Խոսքի ազատության պաշտպանության կոմիտեի նախագահ Աշոտ Մելիքյանը


– Պարոն Մելիքյան, մեր անկախության այս տարիների ընթացքում խոսքի ազատությունն ինչպիսի՞ վայրիվերումներ է ապրել, ի՞նչ ընթացք է ունեցել:

– Մեր գնահատականներով այն ունեցել է իր վայրէջքներն ու վերելքները: Բայց բոլոր դեպքերում մամուլի համար ամենաազատ ժամանակաշրջանը 1990–ականների սկիզբն էր, երբ փլուզվեց Սովետական Միությունը: Բացահայտ գրաքննությունից հետո լրատվամիջոցների համար հնարավորություն ստեղծվեց գործել ազատորեն: Ազատության շունչը բոլորին էր վարակել, ամենքն ուզում էին օգտվել նրանից և իրենց ասելիքներն արտահայտել առաջին հերթին հենց լրատվամիջոցների միջոցով:
Ընդհանրապես մեդիափորձագետների մեծ մասը համարում է, որ 1990–ականների սկիզբը` 1991–93 թվականները, մեր լրատվամիջոցների եթե ոչ ոսկե, ապա գոնե արծաթե դարն էր:
Որոշ ժամանակ անց իշխանությունները հասկացան, որ ազատ լրատվամիջոցների ինստիտուտը երբ ձևավորվի, առաջին հերթին հենց իրենք են դառնալու նրա քննադատության թիրախը: Եվ խորհրդային ժամանակներից ժառանգած` լրատվամիջոցներին զսպանակ հագցնելու ձգտումը երևան եկավ արդեն 1994–ին, երբ դաշնակցական մամուլը կասեցվեց:
Դրանից հտո արդեն իշխանությունները ձգտում էին առավել վերահսկողության տակ պահել հեռարձակման ոլորտը:
Գագաթնակետը 2002 թվականին էր, երբ փակվեց A1plus–ը: Ճիշտ է, ներկայացվեց այլ կերպ, թե` լիցենզիա չստացավ, պարտվեց մրցույթում: Բայց իրականում դա քաղաքական պատվեր էր: Հեռուստատեսության և ռադիոյի ազգային հանձնաժողովն այն ժամանակվա իշխանությունների պատվերն էր կատարում: Որովհետև դրանից հոտո A1plus–ը ևս 13 անգամ դիմեց լիցենզիայի համար և մշտապես պարտված համարվեց: Այն պարագայում, երբ շատ ավելի թույլ ու անհայտ դիմորդներ լիցենզիա էին ստանում ու հիմնում հեռուստաընկերություններ:
Այդ զարգացումներից հետո միջազգային կազմակերպությունները, գնահատելով մեր երկրում խոսքի ազատության վիճակը և լրագրողների ու լրատվամիջոցների ազատության աստիճանը, համարում էին, որ Հայաստանը ոչ ազատ լրատվամիջոցներ ունեցող երկիր է:
2002 թվականից ի վեր այդ գնահատականն են տալիս Freedom House, «Լրագրողներ առանց սահմանների» միջազգային կազմակերպությունները:

– Նշանակում է` մենք կարո՞ղ ենք ասել, որ ժամանակի ընթացքում մեր երկրում խոսքի ազատությունն անկում է ապրել և շարունակում է անկում ապրել նաև այսօր:

– Վերջին տարիներին, և դա ցույց են տալիս նաև մեր դիտարկումները, խոսքի ազատությունը, այո, հետընթաց է ապրում: Եվ դրա վառ ապացույցները եղան 2015 թվականի հուլիսի 23–ի «Էլեկտրիկ Երևանի» դեպքերը: Եղան 2016 թվականի Խորենացի փողոցի և Սարի թաղի իրադարձությունները: Երբ լրագրողները ենթարկվեցին լայնածավալ ճնշումների: Եվ իշխանություններն առ այսօր բավարար միջոցներ չեն ձեռնարկել մեղավորներին պատասխանատվություն ենթարկելու համար:

– Ձեր կազմակերպությունը վերջին շրջանում նույն այդ դեպքերի կապակցությամբ հանդես եկավ հայտարարությամբ: Արդյունք կա՞, թե` ձայն բարբառո հանապատի:

– Իշխանությունների կողմից` այո. ձայն բարբառո հանապատի: Բայց լրատվական հանրությունը, իհարկե, ուշադրությամբ հետևում է գործընթացին:
Մենք մեր նախորդ հայտարարությունն արել էինք` կապված «Էլեկտրիկ Երևանի» երկրորդ ամյակի հետ: Իսկ օրերս էլ հանդես կգանք հերթական հայտարարությամբ` արդեն 2016 թվականի հուլիսյան իրադարձությունների կապակցությամբ: Երբ հուլիսի 29–ի, լույս 30–ի գիշերը լրագրողներն ու լրատվամիջոցների մյուս աշխատակիցները` ֆոտոլրագրողներ, օպերատորներ, ենթարկվեցին լայնածավալ բռնությունների: Ընդ որում` թիրախավորված բռնությունների:
Ես կարծում եմ, որ այս փաստերը պետք է արժանանան իշխանությունների ուշադրությանը: Եվ վերջիններս պարտավոր են համարժեք քայլեր ձեռնարկել բռնարարների նկատմամբ:
Մինչդեռ թե՛ առաջին, թե՛ երկրորդ դեպքերի առնչությամբ քրեական գործերի ընթացքը խիստ անբավարար է: Մեղադրվողների քանակը, ըստ էության, չի համապատասխանում տուժողների քանակին: Իսկ մենք գիտենք, թե որքան շատ լրաոգրող է տուժող ճանաչվել քրեական գործի շրջանակներում: Սակայն մեղադրանք է ներկայացվել հատուկենտ մարդկանց:

Գոհար Սարդարյան

loading...
Արարատ Միրզոյանի գրասենյակի ղեկավարը աշխատանքային լիազորությունները դադարեցնելու դիմում է ներկայացրել Առաքել Մովսիսյանը ԱԱԾ-ից ազատ է արձակվել Intel-ի ղեկավարը պաշտոնաթող Է լինում Ապագայում պատերազմներն սկսվելու են կիբեռգրոհներից. ՄԱԿ-ի գլխավոր քարտուղար Նաթանյահուի կնոջը խարդախության եւ պետական միջոցների վատնման մեղադրանքներ են առաջադրվել ՌԴ-ն, ԱՄՆ-ն և Ֆրանսիան շարունակում են աշխատել ԼՂ հակամարտության քաղաքական կարգավորման ուղղությամբ. Լավրով Առաքել Մովսիսյանը բերման է ենթարկվել ԱԱԾ Վարույթ է ընդունվել ՀԿ նախագահի կողմից խոշոր չափերով յուրացում կատարելու դեպքի առթիվ հարուցված քրեական գործը Հայկ Մարությանը հայտարարել է «Քաղաքացիական պայմանագիր» կուսակցությանն անդամակցելու մասին «Սեքյուրիթի Դրիմ» և «Էլիփս» ընկերությունները 1 միլիարդ դրամից ավել գումար են հափշտակել. հարուցվել է քրեական գործ ԱԱԾ-ն գործողություններ է իրականացնում Առաքել Մովսիսյանի տանը Արտաբույնք համայնքի նախկին ղեկավարը մանկապարտեզ է ապօրինի գնել և գրանցել որդու անվամբ. տարվում է քննություն Հունիսի 26-ից կիրականացվեն ռաֆթինգի կանոնավոր տուրեր Դեբեդ գետի վրա ԵԿՄ-ն կասեցնում է վարչության նախագահ Մանվել Գրիգորյանի լիազորությունները Օսիպյանը հերքում է ԱԱԾ-ի հետ լարված հարաբերությունների մասին խոսակցությունները «ՀԻՍՏՈՋԵՆ» հայ-գերմանական գիտագործնական կենտրոնի նոր ձեռքբերումը Կառավարությունը կաշխատի կուտակային կենսաթոշակային համակարգն առավել ընդունելի և հուսալի դարձնելու ուղղությամբ Վարչապետը չի ընդունել Մանե Թանդիլյանի հրաժարականը. Կուտակային համակարգի մասին օրենքը կլրամշակվի Մասքը հայտարարել Է, որ Tesla-ի աշխատակիցներից մեկն զբաղվել Է սաբոտաժով. CNBC Աստղագետներն առաջին անգամ տեսել են, թե ինչպես է սև անցքը պայթեցնում աստղը Facebook-ը դեռահասներին չի ցուցադրի զենքի գովազդ Չեխովի անվան հիմնական դպրոցը երկար տարիներ գործել է առանց տարրական կրթության ծրագրի լիցենզիայի. Արայիկ Հարությունյան Թրամփի գործունեության հավանության վարկանիշը ռեկորդ Է արձանագրել
Այսօր Այս շաբաթ Այս ամիս
website by Sargssyan