Երևան, 17.Հոկտեմբեր.2017,
--
:
--
,

Ստեղծում են անելանելի վիճակ, և իրենք էլ հայտնվում նույն վիճակի մեջ


Մեր հյուրն է «Հիմնադիր խորհրդարանի» անդամ Ալեք Ենիգոմշյանը

– Պարոն Ենիգոմշյան, մոտ երկու ամիս է, ինչ ընթանում է «Սասնա ծռերի» ու Ժիրայր Սեֆիլյանի դատավարությունը, բայց դեռևս սայլը տեղից չի շարժվում. ինչո՞ւ:

– Որովհետև այս իշխանությունները փորձում են այնպիսի մթնոլորտ ստեղծել, որպեսզի «Սասնա ծռերը», նրանց պաշտպանները և ընդհանրապես նրանց համախոհներն ու մեծ հաշվով մեր հանրությունը տրվեն իրենց քաղաքական քմահաճույքներին: Իրենք կարողանան ասել` հպատակվեք մեզ. մե՛նք պետք է թելադրենք, ու դուք պետք է ենթարկվեք մեր կամքին:
Նպատակը սա է: Քանզի բոլորի համար էլ պարզ է, որ այս իշխանությունների օրոք դատարանը գործադիր իշխանությունից անկախ մարմին չէ: Եվ այս առումով ոչ ոք էլ պատրանքներ չունի դատարանի արձակած վճիռների վերաբերյալ:
Բայց բոլոր դեպքերում նրանք ստիպված են դատական գործընթացների իմիտացիա ստեղծել: Եվ այդ գործընթացն էլ իրենց անհանգստացնում է: Քանզի դատական գործընթացների ժամանակ և Ժիրայր Սեֆիլյանը, և՛ «Սասնա ծռերը», և՛ նրանց դատապաշտպանները արտածելու են այնպիսի հարցեր, որոնք հաստատ հօգուտ այս իշխանությունների չեն լինելու:
Հետևաբար վերջիններս փորձում են ամեն գնով թելադրել իրենց խաղի կանոնները դատական պրոցեսի ընթացքում: Նպատակ ունենալով հնազանդեցնել, իրենց հպատակեցնել այս մարդկանց, որպեսզի վերջիններս նաև ենթարկվեն ապօրինի հրահանգների ու որոշումների:
Իսկ եթե այս ամենն իրենց չի հաջողվում, ապա այդ դեպքում էլ այնպես անել, որ «Սասնա ծռերն» ու մյուս մեղադրյալները չլինեն դահլիճներում: Դահլիճներից բացակայեն նաև նրանց փաստաբանները: Իսկ փաստաբանների առումով դրան կարող են հասնել նրանց դատական վարույթներից հեռացնելու ճանապարհով միայն: Արդյունքում արդեն հնարավորություն կունենան դատական նիստերն անցկացնել դռնփակ:

– Փաստորեն ընթացքը նրան է հանգելու, որ դատապաշտպաններն այլևս չեն մասնակցի դատապրոցեսին, ու փոխարենը կընդգրկվեն հանրային պաշտպաններ: Սա ինչպե՞ս կանդրադառնա հարցի վրա:

– Մինչև հիմա երկու–երեք անգամ եղել է, որ հանրային պաշտպանների են նշանակել: Սակայն մեղադրյալները չեն ընդունել վերջիններիս: Եվ, ի պատիվ հանրային այդ պաշտպանների, պետք է ասել, որ նրանք ևս գտնվել են իրենց պրոֆեսիոնալ բարձրության վրա: Եվ այն պահից սկսած, երբ մեղադրյալները հրաժարվել են նրանց պաշտպանությունից, իրենք ևս հայտարարել են, որ չեն կարող անել իրենց գործը` իրականացնել տվյալ մեղադրյալների պաշտպանությունը դատարանում:
 Համենայն դեպս, մինչ այս պահը դատարանի այս մոտեցումը ևս ձախողման է ենթարկվում: Եվ դուրս է գալիս` ստեղծում են անելանելի վիճակ և անելանելի այդ վիճակի մեջ հայտնվում են նաև հենց իրենք: Եվ չի հաջողվում իրենց սցենարը մինչև վերջ իրականացնել:

– Շատ փորձագետների կարծիքով` նախնական շրջանում իշխանությունների վերաբերմունքն ավելի մեղմ էր «Սասնա ծռերի», Ժիրայր Սեֆիլյանի ու մյուսների նկատմամբ: Բայց ընտրություններից հետո կտրուկ խստացավ այն: Դուք և՞ս այդպես եք կարծում:

– Որոշ չափով դա նկատելի է: Բայց ես մեծ կարևորություն չեմ կարող տալ դրան: Որովհետև գիտենք, երբ գնդի տարածքը գրավված էր, ինչպիսի խոստումներ տրվեցին տղաներին: Ե՛վ գլխավոր դատախազի կողմից, և՛ ԱԱԾ հայտարարությամբ, և՛ փոխանցվեցին Սերժ Սարգսյանի խոսքերը: Բայց այդ բոլոր խոստումները ոտնահարվեցին:
Եվ ես վստահ եմ, որ և՛ «Սասնա ծռերը», և՛ իրենց համախոհները ևս հավատ չէին ընծայում այդ խոստումներին:
Իսկ ինչ վերաբերում է իշխանությունների վերաբերմունքին, ապա, իրոք, տարբերություն կա ընտրություններից առաջ և դրանցից հետո: Ոչ ոք չի կարող մոռանալ հունիսի 28–ին դատարանի շենքում տեղի ունեցած խայտառակ դեպքը, որն աննախադեպ էր ինքնին:
Բայց էլի ասեմ` չնայած այս ամենին, ոչ ոք պատրանքներ չի ունեցել և այժմ էլ չունի, որ այս վարչախմբի օրոք որևէ դրական բան տեղի կունենա «Սասնա ծռերի» և մյուսների վերաբերյալ:

– Իսկ սփյուռքում հետաքրքրություններ կա՞ն այս դատավարությունների նկատմամբ:

– Իհակե, կան: Չնայած այնպես չէ, որ ողջ սփյուռքը մեկ մարդու նման հետևում է գործընթացին: Ցավոք, այդպես չէ: Եվ այդպես չէ նաև Հայաստանում ընթացող ցանկացած իրադարձության վերաբերյալ:
Բայց բոլոր դեպքերում այդ հետաքրքրությունն առկա է:

– Օրերս լուր տարածվեց, որ Ատոմ Էգոյանը ցանկանում է ֆիլմ նկարահանել «Սասնա ծռերի» վերաբերյալ: Դա հավաստի՞ լուր է:

– Ես էլ եմ նման բան լսել, բայց, այս պահի դրությամբ բավարար տեղեկություններ չունեմ, որպեսզի հաստատեմ կամ ժխտեմ այն:

Գոհար Սարդարյան
«Փաստ» օրաթերթ

loading...
ՄԱԿ-ի գլխավոր քարտուղարը ողջունել Է Հայաստանի եւ Ադրբեջանի նախագահների բանակցությունները ԼՂ հարցում բանակցային գործընթացը պահպանելը կնվազեցնի ռազմական առճակատման ռիսկը. Ստանիսլավ Տարասով Գևորգ Մելիքյան. «Համաձայնագիրը ՀՀ և ԵՄ հարաբերությունների ճանապարհային քարտեզն է» «Պարենի ինքնաբավության խնդիրը դեռ լուծված չէ» Ոսկին գնում են նեղ օրվա կամ լոմբարդում դնելու համար Ամուսնական 14,5 հատ մատանի՝ բյուջեի հաշվին. Եղեգնավանի զավեշտը Այլընտրանքային ծառայությունն ու զինվորի տված պարտքը հայրենիքին Սխալ հասկանալու հետևանքները, կամ երբ փոթորիկն այդպես էլ չի գալիս ՀՅԴ ներկայացուցչի կարծիքով «Վեոլիա ջուրը» իրենց գլխին սարքել է Երջանիկը երջանկության մեջ է Սոչիում, իսկ կուսակիցները խռովել են նրանից Նազարբաև սթայլ. Ալմաթիում հասարակ անցորդները նկարվել են հայտնի լուսանկարի նման Բուխարեստում անցկացվել է Հայոց ցեղասպանությանը նվիրված գիտաժողով Տաթևում կայացել է Հայաստանի պետական ազգային ակադեմիական երգչախմբի համերգը «Եվա» ֆիլմն ընդգրկվել է 90-րդ «Օսկար» մրցանակաբաշխության նախընտրական ցանկում Ֆուտբոլի հավաքականը 7 հորիզոնականով նահանջել է ՖԻՖԱ-ի դասակարգման աղյուսակում Կարեն Գրիգորյանը հաղթել է Ֆիլիպինների մրցաշարի 5-րդ տուրում Ղազախստանում մեկնարկել են ՀԱՊԿ-ի «Անխախտ եղբայրություն-2017» զորավարժությունները Շվեյցարահայ համայնքի հետ հանդիպմանը Նախագահը ներկայացրել է ժնևյան բանակցությունների արդյունքները ԵՄ-ն Հարավային Կովկասում նոր հատուկ ներկայացուցիչ է նշանակել Թոիվո Կլաարին Բակո Սահակյանը հաստատել է ԱՀ Նախագահի 2017-2020թթ. ծրագիրն ի կատարումն ընդունելու մասին կառավարության որոշումը Սիրիական բանակը ԻՊ-ին շրջապատում Է Դեյր Զորի թաղամասերում Երևան-Սևան ավտոճանապարհին մեքենան բախվել է սյանը. վարորդը մահացել է Տհաճ միջադեպ արգենտինական տանգոյի երեկոյի ժամանակ Ժնևում ավարտվել են Սարգսյան-Ալիև բանակցությունները Գյուղատնտեսության նախարարությունը տոհմային անասնապահությանն ուղղված ծրագրեր կիրականացնի
Այսօր Այս շաբաթ Այս ամիս
website by Sargssyan