Երևան, 22.Հունիս.2018,
--
:
--
,

Բոլշևիկյան մեծամասնական դեմոկրատիան ու կառավարման ուղղահայաց համակարգը


Մեր հյուրն է սոցիոլոգ Ահարոն Ադիբեկյանը

– Պարոն Ադիբեկյան, «Ելք» դաշինքի որոշ անդամներ պատրաստվում են առաջարկությամբ հանդես գալ, որպեսզի մեր երկիրը դուրս գա ԵՏՄ–ից: Դա ինչպիսի՞ արձագանք կունենա մեր ժողովրդի մոտ:

– Նրանք ցանկանում են, որ Հայաստանը մերձենա Եվրամիության հետ, քանի որ մեր երկրի համար Ռուսաստանի հետ արդյունավետ ապագա չեն կանխատեսում:
Սակայն մեր հարցումներում մշտապես բնակչության ոչ պակաս 60%–ը երկրի ապագան կապում է Ռուսաստանի հետ: Իսկ Եվրամիության կողմնակիցները բավականին թույլ են և շատ քիչ են:
Ու նաև մեր արտագաղթողների 80%–ը գնում է Ռուսաստան: Մի 15%–ը գնում է Եվրոպա: Մնացածը` աշխարհի տարբեր երկրներ: Ուստի բնակչության համար Ռուսաստանը մնում է որպես կերակրող կողմ: Տարեկան մոտ 1,3 մլրդ դոլարի գումար է գալիս Ռուսաստանից այստեղ` ընտանիքներին պահելու համար:
Եթե նայես «Ելքի» նախընտրական ծրագիրը, նրանք կարծես ցանկանում էին նոր շունչ հաղորդել ընտրություններին, և որպես հիմնական թիրախ դրել էին Հայաստանի ինտեգրումը Եվրամիությանը:

– Իսկ մի՞շտ է, որ մեծամասնությունն է ճիշտ: Հաճախ խոսվում է նաև որակյալ փոքրամասնության մասին:

– Դրա համար նախ որակյալ փոքրամասնությունը պետք է կարողանա համոզել անորակ մեծամասնությանը, որ իրենց երեխաների, թոռների ապագայի համար առավել նպատակահարմար է գնալ դեպի Եվրամիություն, քան Ռուսաստան:
Բացի դա, մենք չունենք ռեսուրս` համապատասխան Եվրոպական ստանդարտներին: Տեսեք, թե Թուրքիան որքան է ձգտում մտնել Եվրամիություն, բայց նրա ստանդարտները քիչ են: Կամ Բուլղարիան, Ռումինիան, Հունգարիան, նախկին խորհրդային երկրները ամենաաղքատն են եվրոպայում: Ո՛չ գիտություն ունեն, ո՛չ արտադրելու մշակույթ ունեն, ո՛չ մասնագիտական ներուժ ունեն, ո՛չ էլ բնական ռեսուրսներ ունեն:
Նույնն էլ` Հայաստանը. եթե հայտնվի Եվրամիության մեջ, անելիք չի ունենա այնտեղ:
Ոստի եթե Եվրոպան ձգտում է, որպեսզի մեզ ունենա իր շարքերում, պետք է ներդրումներ անի մեր երկրում, պետք է զարգացնի արդյունաբերությունը, միջազգայնորեն մրցունակ արտադրանք ապահովի և այլն, և այլն: Այս դեպքում միայն կարող ենք Եվրոպա մտնել:
Թե չէ ինքն ասում է մեզ` գնա լողացի, սանրվի, քամուց պաշտպանվելու համար լավ հագնվիր, նոր միայն կմտածեմ` քեզ ընդունեմ, թե ոչ:
Իսկ Ռուսաստանում մեր ապրանքը դեռ վաճառվում է: Պատկերացրեք, որպեսզի մեր Բջնին վաճառվի Եվրոպայում, մի տասը հատ արտոնագիր անհրաժեշտ կլինի: Իսկ Ռուսաստանում վաճառելու համար մեկ արտոնագիրը բավական է: Ընդամենը` թե ջրի բաղադրությունն ինչպիսին է:

– Հեշտ ճանապարհ ընտրելով` մենք մեր տնտեսության զարգացման թափը չե՞նք կասեցնում:

– Այդպես է: Բայց դա պետք է լինի մեծ քաղաքականություն. Հայաստանն իր ներուժով չի կարող զարգանալ: Պետք է դառնա ինչ–որ մի շրջանակի ներդաշնակ մաս, որպեսզի զարգացում ապրի: Ուրիշ տարբերակ չկա:

– Շատերն ասում են, որ մեր երկրում իրական ընդդիմություն չկա, վերահսկելի ընդդիմություն է: Եվ այս հարցն էլ հնչել է, որվհետև դա անհրաժեշտ է եղել իշխանություններին: Ինչպե՞ս եք նայում նման հարցերին:

– Եվրոպական ժողովրդավարական մշակույթը, հասկանալով, որ մեծամասնության կարծիքը կարող է հանգեցնել ողբերգական հետևանքների, ինչպես` ֆաշիզմը Գերմանիայում և Իտալիայում, դեմոկրատիան առավել դառնում է կենտրոնամետ: Այն է` մեծամասնությունը որոշում կայացնելիս պարտադիր պետք է հաշվի նստի նաև փոքրամասնության տեսակետի հետ: Հակառակ դեպքում փոքրամասնությունն անելիք չունի: Այսինքն` պետք է ընդունվեն համաձայնեցված որոշումներ ու միասնաբար գնան առաջ:
Մեզ մոտ նման բան չկա. մենք դեռ բոլշևիկյան մեծամասնական դեմոկրատիայով ենք շարժվում և կիրառում ենք ուղղահայաց կառավարման համակարգը:
Մինչդեռ մեծամասնությունը պետք է պարտադիր հաշվի նստի փոքրամասնության կարծիքի հետ, որպեսզի կարողանան աշխատել հանուն հայրենիքի:
Եվ այդ ժամանակ արդեն ընդդիմությունը կդառնա կոնստրուկտիվ` կառուցողական: Եվ ոչ թե կարգախոսներով հանդես եկող ընդամենը: Եվ կստեղծվի կարծիքների բազմազանություն, ու որոշումներն էլ կլինեն առավել արդյունավետ ու նպատակային:
Մեր երկրից մի օրինակ. ինչո՞ւ ՕԵԿ–ը ժամանակին դուրս եկավ իշխանական կոալիցիայից: Ինձ ասացին, որ 500 առաջարկություններ և օրենքի նախագծեր են ներկայացրել և դրանցից ոչ մեկը չի ընդունվել: Սա՛, որ կոալիցիայի անդամ էր: Դե պատկերացրեք ընդդիմության վիճակը:


Գոհար Սարդարյան
«Փաստ» օրաթերթ

loading...
Զոհրաբ Մնացականյանն ու Էլմար Մամեդյարովը մասնակցել են ԱլԳ ԱԳ նախարարների ոչ պաշտոնական հանդիպմանը Արարատ Միրզոյանի գրասենյակի ղեկավարը աշխատանքային լիազորությունները դադարեցնելու դիմում է ներկայացրել Առաքել Մովսիսյանը ԱԱԾ-ից ազատ է արձակվել Intel-ի ղեկավարը պաշտոնաթող Է լինում Ապագայում պատերազմներն սկսվելու են կիբեռգրոհներից. ՄԱԿ-ի գլխավոր քարտուղար Նաթանյահուի կնոջը խարդախության եւ պետական միջոցների վատնման մեղադրանքներ են առաջադրվել ՌԴ-ն, ԱՄՆ-ն և Ֆրանսիան շարունակում են աշխատել ԼՂ հակամարտության քաղաքական կարգավորման ուղղությամբ. Լավրով Առաքել Մովսիսյանը բերման է ենթարկվել ԱԱԾ Վարույթ է ընդունվել ՀԿ նախագահի կողմից խոշոր չափերով յուրացում կատարելու դեպքի առթիվ հարուցված քրեական գործը Հայկ Մարությանը հայտարարել է «Քաղաքացիական պայմանագիր» կուսակցությանն անդամակցելու մասին «Սեքյուրիթի Դրիմ» և «Էլիփս» ընկերությունները 1 միլիարդ դրամից ավել գումար են հափշտակել. հարուցվել է քրեական գործ ԱԱԾ-ն գործողություններ է իրականացնում Առաքել Մովսիսյանի տանը Արտաբույնք համայնքի նախկին ղեկավարը մանկապարտեզ է ապօրինի գնել և գրանցել որդու անվամբ. տարվում է քննություն Հունիսի 26-ից կիրականացվեն ռաֆթինգի կանոնավոր տուրեր Դեբեդ գետի վրա ԵԿՄ-ն կասեցնում է վարչության նախագահ Մանվել Գրիգորյանի լիազորությունները Օսիպյանը հերքում է ԱԱԾ-ի հետ լարված հարաբերությունների մասին խոսակցությունները «ՀԻՍՏՈՋԵՆ» հայ-գերմանական գիտագործնական կենտրոնի նոր ձեռքբերումը Կառավարությունը կաշխատի կուտակային կենսաթոշակային համակարգն առավել ընդունելի և հուսալի դարձնելու ուղղությամբ Վարչապետը չի ընդունել Մանե Թանդիլյանի հրաժարականը. Կուտակային համակարգի մասին օրենքը կլրամշակվի Մասքը հայտարարել Է, որ Tesla-ի աշխատակիցներից մեկն զբաղվել Է սաբոտաժով. CNBC Աստղագետներն առաջին անգամ տեսել են, թե ինչպես է սև անցքը պայթեցնում աստղը Facebook-ը դեռահասներին չի ցուցադրի զենքի գովազդ Չեխովի անվան հիմնական դպրոցը երկար տարիներ գործել է առանց տարրական կրթության ծրագրի լիցենզիայի. Արայիկ Հարությունյան
Այսօր Այս շաբաթ Այս ամիս
website by Sargssyan