Երևան, 20.Մարտ.2019,
--
:
--
,

«Ես ֆիքսում եմ իմ իրականությունը». Բիայնա Մահարի

«Արվեստի կանացի պրոֆիլը» նախագծի հյուրն է լուսանկարիչ Բիայնա Մահարին, ով  արդեն շուրջ երեք տարի է բռնում է պահն ու կանգնեցնում ժամանակը, չի սիրում խոսել մեծ-մեծ միսիաներից և, նույնիսկ, ինքն իրեն արվեստագետ չի անվանում, բայց նրա յուրաքանչյուր լուսանկար ստեղծագործ հոգու հույզ ու գաղափար է: -Սոցիոլոգիական «Framing»-ի տեսությունը ենթադրում է, որ յուրաքանչյուրս ինչ-որ բան պատմելիս կամ ներկայացնելիս, շրջանակի մեջ ենք առնում իրադարձությունը: Լուսանկարչությունը սրա լավագույն օրինակն է: Ո՞ր դիտակետից եք Դուք ֆրեյմում կյանքը: -Առհասարակ ինչ-որ բան շրջանակի մեջ առնել կարելի է միայն սեփական դիտակետից, նույն բանն է նաև լուսանկարչության մեջ. ոչ մի տարբերություն: Իսկ այ, թե որտեղ է այդ «իմ դիտակետը», միանշանակ ասել չեմ կարող, քանի որ այն փոխվում է ամեն րոպե, ամեն իրադարձությունից, հանդիպումից, խոսակցությունից: Դա էլ իր հերթին պատճառ է դառնում, որ կարծիքդ փոխվի, ինչն էլ ժամանակի ընթացքում նկարների վրա է անդրադառնում: -Բայց սովորաբար արվեստագետները խոսում են իրենց աշխարհայացքի մասին, որպես անփոփոխ մի բանի… -Դե ուրեմն եկեք ասեմ, որ ավելի շուտ ես արվեստագետ չեմ, այդպես ինձ ավելի է դուր գալիս: Իմ աշխարհայացքը երբեք ֆիքսված չի եղել, միշտ փոփոխվել է ու դեռ երկար կփոփոխվի: -Կյանքը շրջանակի մեջ առնել նշանակում է վերցնել մի բան և հրաժարվել մյուսներից, իսկ ինչի՞ց եք հրաժարվում: -Միշտ չէ, որ ինչ-որ բանից հրաժարվում եմ: Ամեն ինչ կրկին միանշանակ չէ: Նայած, թե ինչ տրամադրություն ունեմ, ինչ եմ նկարում, ինչ եմ ուզում ստանալ… -Ինչու՞ է Ձեր լուսանկարների ճնշող մեծամասնությունը սև ու սպիտակ: -Չգիտեմ… Երևի, որովհետև գույների բացակայությունն ավելի հետաքրքիր է դարձնում սյուժեն: Թեև վերջին շրջանում փորձում եմ գույներ ավելացնել, թե չէ մի տեսակ սև ու սպիտակ նկարողի համբավ եմ ձեռք բերել… դա էլ մի բան չի: Սա, իհարկե, կես կատակով… -Ինչու՞ կես: -Որովհետև մի կողմից ամենակարևորը իմ ցանկությունն է` ինչ  գույնով նկարել, բայց մյուս կողմից էլ համբավն ամեն դեպքում ազդում է հենց իմ ցանկության վրա: Երբ կողքից ընկերներդ շարունակ քմծիծաղով ասում են. «դե դու սև ու սպիտակ ես նկարում», ցանկությունը մի քիչ մարում է: -Բռնել պահը ու կանգնեցնել ժամանակը… ի՞նչ զգացողություն է սա: -Գիտե՞ք, ոչ մի արտառոց բան: Դա երևի նույնն է, ինչ նկարն ավարտին հասցնելը գեղանկարչի համար, կամ ինչ խոհարարի համար` համով ընթրիք պատրաստելը: -Շատ լուսանկարիչներ խոստովանում են, որ լավագույն ֆոտոն այն է, որ իրենք պատկերացում են մինչև կոճակը սեղմելը, իսկ սեղմելուց հետո այն անհետանում է… Երբևէ որսացե՞լ եք հենց այդ երազած վայրկյանը: -Երբեք չի եղել, որ կոճակը սեղմելուց առաջ պատկերացնեմ նկարը: Այն ստացվում է ինքնաբերաբար, թույլտվություն չի հարցնում: Բայց դրանից իմ ու ֆոտոներիս մեջ աններդաշնակություն չի ստեղծվում, մենք հասկանում ենք իրար, ընկերություն ենք անում: -Ասում են` ցանկացած ֆոտո ճշգրիտ է, բայց ոչ մեկի մեջ ճշմարտություն չկա… -Իսկ ո՞րն է ճշմարտությունը… Չգիտեմ… Ամեն մեկի համար գուցե տարբեր է: Ես ֆիքսում եմ իմ իրականությունը:
loading...
«Թակարդ»-ի թակարդում Կարելիությունից անդին. Աշոտ Աղաբաբյանի «Թակարդ» գրքի մասին. armtimes «Բուկինիստի» տնօրեն Խաչիկ Վարդանյանը՝ Աշոտ Աղաբաբյանի «Թակարդ» վեպի մասին Սա՞ է հայրենիքի գնահատանքը լեգենդար հետախույզին Բարի տարեդարձ, սիրելի գրող Բոլոր զինվորականները կկրեն «Աշոտ Երկաթ» խաչ-կրծքանշանը Փաշինյանը տիկնոջ հետ այցելել է Մանսուրյանին Նիկոլ Փաշինյանի և գրող Աշոտ Աղաբաբյանի վեպերը՝ հոկտեմբերի բեսթսելլերներ Հայտարարություն ՀՀ նախագահի մրցանակի մասին «Բարսելոնա» - «Ինտեր». ուղիղ հեռարձակում Արծրուն Պեպանյանի նոր գիրքը Ջասթին Թրյուդոն Հայաստանում կանադական ընկերություններին հետաքրքրող ներդրումների մեծ ներուժ է տեսնում Հայաստանում լինելու է ամենածավալուն համաներումը. Արտակ Զեյնալյան Ֆրանսիան երբե´ք չի մոռանա և կպայքարի ճանաչման համար. Մակրոնի գրառումը Հայոց ցեղասպանության թանգարան- ինստիտուտի հուշամատյանում Հավատարիմ ենք մեզ միավորող կապերին, որոնք բնորոշվում են «Ապրել միասին Ֆրանկոֆոնիայում» գաղափարախոսությամբ. ՀՀ վարչապետի ելույթը Ֆրանկոֆոնիայի գագաթնաժողովի մասնակիցները ջերմ ծափահարություններով ողջունեցին Շառլ Ազնավուրի հավերժական ներկայությունը Հայաստանը ԼՂ հակամարտության կարգավորման բանակցային գործընթացի փոփոխության հարց չի դնում. Նիկոլ Փաշինյան Հույս ունեմ հաստատվել Հայաստանում նվիրվելու համար ծրագրերին, որ հայրս նախաձեռնել էր այնտեղ. Նիկոլա Ազնավուր Թունավորման վարկած. ՌԴ ՔԿ-ն նորից կուսումնասիրի գործարար Լևոն Հայրապետյանի մահվան հանգամանքները Աշոտ Աղաբաբյանը «Քննարկում» հաղորդաշարի հյուրն է. ուղիղ եթեր
Այսօր Այս շաբաթ Այս ամիս
website by Sargssyan