Երևան, 26.Փետրվար.2018,
--
:
--
,

Թուրքիան C–400 համակարգեր կտեղակայի Հայաստանի հետ սահմանին


Անկարան պատրաստ է 2,5 մլրդ դոլար վճարել ռուսական С–400 զենիթահրթիռային համակարգեր ձեռք բերելու համար: Այս մասին հայտնել է Bloomberg գործակալությունը՝ գաղտնիությունը պահելու պայմանով հղում անելով թուրք բարձրաստիճան մի պաշտոնյայի:

Ըստ այդ պաշտոնյայի՝ հաջորդ տարի Անկարան նախատեսում է Ռուսաստանից ձեռք բերել С–400–ի երկու մարտկոց: Եվս երկու մարտկոց նախատեսվում է ռուս–թուրքական համատեղ ուժերով կառուցել արդեն Թուրքիայում:

Ըստ գործակալության՝ «Рособоронэкспорт»–ի ներկայացուցիչը չի ցանկացել մեկնաբանել այս տեղեկատվությունը:

Երկար ժամանակ է, որ Ռուսաստանն ու Թուրքիան բանակցում են С–400 համակարգերի շուրջ: Ի դեպ, եթե մատակարարումն իսկապես իրականանա, ապա Թուրքիան կլինի առաջին երկիրը, որին Ռուսաստանը կվաճառի այդ համալիրները:
Մինչ այժմ այդ գործարքը տեղի չի ունեցել նաև ՆԱՏՕ–ի դիրքորոշման պատճառով: Իսկ ռուսական կողմը երբևէ խոչընդոտ չի համարել այն հանգամանքը, որ Թուրքիան ՆԱՏՕ–ի անդամ է: ՆԱՏՕ–ին իր անդամակցությունը խոչընդոտ չի համարում նաև թուրքական կողմը: ՌԴ–ում Թուրքիայի դեսպան Հուսեյն Դիրիոզը հայտարարել է, որ ՆԱՏՕ–ին իր երկրի անդամակցությունը չի խոչընդոտում բազմավեկտոր արտաքին քաղաքականություն իրականացնելուն, այդ թվում՝ С–400 համակարգեր ձեռք բերելուն:

Թեև ռուսական համակարգերը համատեղելի չեն ՆԱՏՕ–ի սպառազինությունների հետ, սակայն Թուրքիան ծրագրում է դրանք տեղակայել այն տարածաշրջաններում, որտեղ գործում են դաշինքի ղեկավարության կողմից սահմանված սահմանափակումներ՝ Հայաստանի, Հունաստանի հետ սահմաններին և Էգեյան ծովի մոտ: Համակարգերը չեն ունենալու նաև «յուրային–օտար» ճանաչման համակարգ, ինչը թույլ է տալու դրանք կիրառել ցանկացած թիրախի դեմ:

Ի դեպ, շատ փորձագետներ համարում են, որ գործարքի շուրջ ձեռք բերված պայմանավորվածությունը վկայում է այն մասին, որ ՆԱՏՕ–Թուրքիա հարաբերություններն ամենալավ վիճակում չեն: Արդեն բավականին երկար ժամանակ է՝ դրանք լարված են: Թուրքական կողմից ավելի ու ավելի հաճախ են խոսակցություններ լսվում այն մասին, որ Թուրքիան պետք է լքի դաշինքը: ՆԱՏՕ–ի ներկայացուցիչներն իրենց ավելի զուսպ են պահում, բայց երկու կողմն էլ միմյանց նկատմամբ բազմաթիվ դժգոհություններ ունեն:
Իսկ թե С–400 համակարգերի ձեռքբերումն ինչպես կանդրադառնա դաշինքի ու անդամ պետությունների հետ Թուրքիայի հարաբերությունների վրա, կերևա առաջիկայում, երբ կստացվեն ՆԱՏՕ–ի առաջին արձագանքները:


Արփի Սահակյան
«Փաստ» օրաթերթ

loading...
Օլիմպիական խաղերն ավարտվեցին Բասկետբոլի Հայաստանի հավաքականը ջախջախեց Ալբանիային Վայոց ձորի մարզում երկրաշարժ է գրանցվել Նորվեգիան Օլիմպիական խաղերի մեդալների ոչ պաշտոնական հաշվարկի հաղթողն է. 39 մեդալ Արսենալ- Մանչեսթր սիթի. ուղիղ հեռարձակում Հնդկաստանում հեռացրել են ուղեղի ամենամեծ ուռուցքն աշխարհում Gucci-ի ցուցադրության ժամանակ մոդելները բարձրահարթակ են դուրս եկել իրենց գլուխները ձեռքներին Ադրբեջանում հաշվառված թմրամոլների թիվը 5 հազարով ավելացել է 98 տարեկանում մահացել է հոլիվուդյան հայտնի դերասանուհի Նանետ Ֆաբրեյը Որոշ գեներ մարդու մահվանից հետո շարունակում են գործել. գիտնականներ Աբովյանի սոցաջակցության աշխատակիցը որպես կաշառք պահանջել և ստացել է օրենքով նախատեսված նպաստների մի մասը Հայաստանի՝ ԵԱՏՄ-ին անդամակցության ընթացքում արտահանումն աճել է մոտ 50 տոկոսով ԱՄՆ-ն առաջիկայում կհայտարարի ՌԴ-ի դեմ նոր պատժամիջոցների մասին Սերբիան երբևէ պատժամիջոցներ չի կիրառի Ռուսաստանի դեմ.Վուչիչ Մոսկվան Վաշինգտոնին և Փհենյանին կոչ է անում սկսել ուղիղ երկխոսություն Արմեն Սարգսյանն Անթիլիասի մայրավանքում հանդիպել է Արամ Ա-ի հետ Արթուր Ալեքսանյանը հաղթել է Կիևի միջազգային մրցաշարում «Ծառուկյան» խմբակցությունը կողմ կքվեարկի ՀՀ նախագահի պաշտոնում Արմեն Սարգսյանի թեկնածությանը Հեռուստացույցով տարվելը վտանգավոր է Twitter-ը կարգելի միաժամանակ համանման հաղորդագրություններ հրապարակել մի քանի օգտահաշիվներից Սեւ պաղպաղակ. Կորեայում ինչով են հյուրասիրում Օլիմպիական խաղերի հյուրերին Շվեդները հանգուցյալների հետ «շփման» տեխնոլոգիա են մշակում Արմեն Սարգսյանը Լիբանանում կհանդիպի Արամ Ա կաթողիկոսի հետ
Այսօր Այս շաբաթ Այս ամիս
website by Sargssyan