Երևան, 17.Դեկտեմբեր.2017,
--
:
--
,

Ալբերտ Բազեյան. «Պատերազմը հանկարծակի չի սկսվում»


«Նիկոլ Դուման» ջոկատի հրամանատար, Երևանի նախկին քաղաքապետ Ալբերտ Բազեյանը, դեմ է քաղաքականություն իր վերադարձին, սակայն դեմ չէ հասարակական գործունեությանը:
Ներկայացնում ենք «Փաստի» զրույցը Ալբերտ Բազեյանի հետ:

– Պարոն Բազեյան, վերջին շրջանում ակտիվացել են խոսակցությունները պատերազմի վերսկսման հավանականության մասին, նաև Միջազգային ճգնաժամային խումբն է այդ առթիվ զեկույց պատրաստել: Որպես պատերազմով անցած մարդ, նման նախադրյալներ տեսնո՞ւմ եք:

– Չեմ կարծում, որ պատերազմը մոտ է: Չեմ կիսում այդ կարծիքը: Նույն վիճակն է, ինչ տարիներ շարունակ եղել է, առանձնահատուկ բան չկա: Պատերազմը հանկարծակի չի սկսվում, զինաշարժ պետք է լինի, զորքերի տեղաշարժ պետք է լինի:

– Սակայն մենք տեսանք, որ ապրիլյան պատերազմը գոնե հայկական կողմի համար հանկարծակի սկսվեց:

– Ապրիլյան քառօրյան լիարժեք պատերազմ չէր, դա ընդամենը մի քիչ ավելի սուր բախում էր, քան մնացած տարիներին եղել էր:

– Ամեն դեպքում, դա քառօրյա պատերազմ էր, և մենք բավական շատ զոհեր ունեցանք: Կարծում եք, մենք հիմա ավելի պատրաստվա՞ծ ենք, քան ապրիլյան պատերազմի ժամանակ:

– Այո, իհարկե: Ես առանձնահատուկ մասնակցություն չեմ ունենում, բայց հետևում եմ իրավիճակին, հետևում եմ գնահատականներին, արված գործերին, կարծում եմ ավելի պատրաստված ենք: Ապրիլյան պատերազմի ժամանակ ես ինքս ի վիճակի չէի գնալու, բայց որոշակի կազմակերպչական հարցերով զբաղվել եմ, իսկ «Նիկոլ Դուման» ջոկատի տղաները գնացել էին տարբեր տեղեր:

– Պարոն Բազեյան, չե՞ք կարծում, որ Ձեր վերադարձի պահանջը կա հասարակական և քաղաքական դաշտ գալու: Ուզո՞ւմ եք վերադառնալ:

– Շնորհակալություն, բայց քաղաքական գործունեության վերադառնալու ցանկություն չունեմ, իսկ հասարակական..., բոլորս էլ որոշակի պարտավորություններ ունենք մեր հասարակության, մեր քաղաքացիների հանդեպ:

– Պարոն Բազեյան, այսօր սկսվել է «Սասնա ծռերի» դատավարությունը: Եթե հիշում եք, իշխանությունը խոստացավ, որ եթե նրանք կամովին հանձնվեն, մեղմ պատիժ կլինի, սակայն այսօր տեսնում ենք, որ մեղադրանքները ոչ միայն մեղմ չեն, այլև խստացվում են: Ո՞րն է Ձեր տեսակետն այդ առթիվ:

– Դատավարությունը նոր է սկսվել, կհետևենք հետո կասենք, հիմա չեմ ուզում տեսակետ արտահայտել:

– Ազատամարտիկ Վոլոդյա Ավետիսյանը բանտից դուրս գալուց հետո հայտարարեց, որ շարունակելու է պայքարը արդարության ու ազատամարտիկների խնդիրների հետ կապված: Չե՞ք ուզում միանալ այդ պայքարին:

– Ես չգիտեմ՝ ինչպես է Վոլոդյա Ավետիսյանը պայքարելու: Ժամանակին մենք էլ ենք պայքարել, ես էլ անձամբ թե՛ քաղաքական դաշտում, թե՛ հասարակական դաշտում, հիմա էլ երևի եկել է Վոլոդյա Ավետիսյանի հերթը: Թող պայքարեն, մենք էլ կտեսնենք արդյունքի կհասնեն, թե՝ չէ:

– Ասել է թե՝ չեք ուզում միանալ այդ պայքարին որևէ կերպ:

– Դուք տեսե՞լ եք կոնկրետ պայքար, բացի ասելուց:

Մարինե Խառատյան

loading...
Քննարկման է դրվել աջ ղեկով մեքենաների ներմուծումն արգելելու նախագիծը Վենեսուելայի իշխանության և ընդդիմության միջև բանակցությունները կվերսկսվեն հունվարից Կիպրոսի նախագահի ընտրության ժամկետները հայտնի են Ներկայացվել է «Պեկին-2022» ձմեռային Օլիմպիական խաղերի լոգոտիպը Ղազախստանում նշում են Անկախության տոնը Յավա կղզում երկրաշարժի հետևանքով կան զոհեր Զավեն Անդրիասյանը կայծակնային շախմատի Եվրոպայի առաջնությունում 14-րդն է Ռուսաստանի ԱԻՆ-ը հերքել է Սոչիում երկնաքար ընկնելու մասին լուրերը Հայտնի է Մխիթարյանի և Մոուրինյոյի տարաձայնության պատճառը Հայաստանը Լատվիայի կողմից Հայոց ցեղասպանության ճանաչում է ակնկալում. Շարմազանով Արարատի մարզում մասնագիտություն չունեցող անձինք կազմում են գործազուրկների թվաքանակի 64,7%–ը Ինչպե՞ս են համայնքներն ամփոփում գյուղատնտեսական տարին Զարթոնքի բնակիչները վարչապետի պատասխանին են սպասում Անհեթեթ է վախճանաբանական ըմբռնումները կապել Եվրոպայի հետ Տեսահոլովակի պրեմիերա. Հարութ Փամբուկչյան՝ «Իմ Կյանքը» Սոթք-Քարվաճառ ավտոճանապարհին մերկասառույց է Իրական քննարկո՞ւմ, թե կլոունադա Ազգային ժողովում Նախագահի ելույթը՝ նախընտրական PR Ինտրիգից այն կողմ. կարո՞ղ ենք հասնել մեկ շնչի հաշվով 10 հազար դոլար ՀՆԱ–ի Գարեգին Նժդեհ. «Մտավորականությունն է ազգի ճակատագրի դարբինը» Ռուբեն Եգանյան. «Այս տարի աշխատանքային միգրացիայի ծավալներն աճել են» Սենսացիոն ձերբակալություններ են սկսվել. ԱԱԾ–ն առայժմ այս մասին լռում է Մեզ վարկաբեկում են. թռչնակոմբինատի հիմնադիրը մեղադրում է ՍԱՊԾ–ին Իսպանիայի ֆուտբոլի հավաքականը աշխարհի առաջնությանը մասնակցելու իրավունքից զրկվելու վտանգի տակ է
Այսօր Այս շաբաթ Այս ամիս
website by Sargssyan