Երևան, 21.Հոկտեմբեր.2017,
--
:
--
,

Մկրտիչ Մինասյան. «Արտոնյալները պետք է բոլորի նման ընդհանուր տրամաբանության մեջ տեղավորվեն»


Վարչապետի անձի շուրջ արհեստականորեն ու ինչ–որ տեղ նաև արհեստական ձևով ճամպրուկային տրամադրություններ ստեղծելն ու տարածելը ՀՀԿ–ական Մկրտիչ Մինասյանի կարծիքով՝ ընդամենը հիվանդագին մոտեցման հետևանք է: Եվ երկիրը հզորացնելու, տնտեսությունը զարգացնելու ու պետականության ամրապնդմանը վերաբերող ցանկացած հարց պետք է բոլորը միասին ու ազգովի լուծեն:

Ինչ վերաբերում է նոր կառավարության ներկայացրած ծրագրին, ապա այն, ըստ նախկին պատգամավորի, մեր ազգի ու պետության շահերից է բխում, բայց հավանաբար կան մարդիկ, որոնց համար «ես»–ի գաղափարն ավելի բարձր է, քան՝ «մենք»–ինը:
«Պետական այրերի մեջ պետականությունը պետք է ավելի շատ բնավորություն և կենսափիլիսոփայություն լինի»,– ասաց Մ. Մինասյանը:

Նա նաև նշեց, որ պատգամավորի մանդատ չի ստացել ոչ թե այն պատճառով, որ ինքը ցանկալիների ցուցակում չէր, այլ ընդամենը նրա պատճառով, որ իր հերթը չհասավ: Իշխանությունների կողմից այլ առաջարկ ստանալ–չստանալու մասին էլ նշեց, որ այդ հարցում առանձնապես պետք չէ շատ շտապել:

«Կապրենք, կտեսնենք: Բայց ես դեռ այն վիճակում չեմ, որ տանը նստեմ: Կարծում եմ իմ տարիների փորձն ու հմտությունները դեռ ինչ–որ չափով պետք կգան և հույս ունեմ, որ դեռ առաջարկություն կլինի, բայց այսօր կոնկրետ ոչինչ չեմ կարող ասել»,– ասաց Մ. Մինասյանը:

Խոսելով ՀՀԿ–ում տեղի ունեցող խմորումների ու տարբեր թևերի բաժանվելու մասին, նա ասաց, որ ինքը ոչ գիտի է, ոչ էլ ցանկանում է նման երևույթների մասին իմանալ, քանի որ կուսակցությունը մեկ ընդհանուր թիմ է և ցանկացած թիմի մեջ կարող են առանձին մարդիկ իրար հետ ավելի մտերիմ լինել, բայց գաղափարի և պետականություն կառուցելու առումով տարակարծություն լինել չի կարող:

«Մենք մի թիմ ենք, և եթե որևէ մեկը փորձում է ընդհանուր թիմի մեջ իր անձնական թիմը ստեղծել, իմ կարծիքով դա անընդունելի է»,– ասաց Մ. Մինասյանը:

Կոռուպցիայի դեմ պայքարն էլ, ըստ նրա, ոչ թե պարբերաբար իրականացվող գործողությունների ծրագիր պետք է լինի, այլ ամենօրյա հետևողական պայքար, մտածելակերպ ու կենսակերպ: Իսկ վարչապետ Կ.Կարապետյանն ըստ նրա այն կառավարիչներից է, ով առանձնանում է իր համակարգային մտածողությամբ: Մ.Մինասյանի կարծիքով՝ դա հնարավորություն կտա ոչ միայն տնտեսության զարգացմանը խթանող, այլև՝ խանգարող ամենակարևոր երևույթի՝ կոռուպցիայի դեմ համակարգային պայքար մղել ու երկիրը զարգացման ճանապարհով տանել:

«Ինձ համար կարևոր չէ, թե ովքեր են արտոնյալները, բայց նրանք բոլորի նման պետք է ընդհանուր դաշտում եղած ընդհանուր տրամաբանության մեջ տեղավորվեն: Հնարավոր է որ տեմպերն այն չեն, ինչ որ հասարակությունը կցանկանար, բայց միևնույն ժամանակ պետք է ընդունենք, որ որոշակի աշխատանք կատարվում է, որի արդյունքը մենք տարիներ հետո կզգանք և մեր հայրենիքը կդառնա հզոր ու շեն երկիր»,– ասաց Մ. Մինասյանը:
Նրա կարծիքով` հայն այլ ելք չունի, քանի որ դատապարտված է կառուցել զորեղ և ամուր երկիր, իսկ ինչ վերաբերում է նախորդ վարչապետ Տիգրան Սարգսյանի կողմից որոշ լրատվամիջոցների դատի տալով ազատ խոսքի վրա ճնշում գործադրելուն, Մ. Մինասյանը նշեց, որ մամուլը պետք է գրի այն, ինչ տեսնում է:

«Փաստ է, և ես միանշանակ դրա կողմնակիցն եմ, որ մամուլը պետք է իր իրավունքը լիարժեք իրացնի: Ինչ վերաբերում է դատի տալու միջոցով լրատվամիջոցներին լռեցնելուն կամ ճնշում գործադրելուն, ապա ես կարծում եմ, որ ընդհակառակը՝ դատի տալով հնարավորություն է ստեղծվում հանրային մեծ հնչեղության հաղորդել այն գործին կամ գործունեությանը, որի մասին մամուլում հարց է բարձրացված եղել: Ես այդպես եմ մտածում և չեմ կարծում, որ դա լռեցնելու փորձ է»,– ասաց Մ. Մինասյանը:


Արմինե Գրիգորյան

loading...
ՀՀ ՔԿ-ն ներկայացրել է տեղեկատվություն երեխաների նկատմամբ հանցագործությունների վերաբերյալ քրգործերի մասին Հյուսիսային Կորեան հայտարարել է միջուկային ներուժով ԱՄՆ-ին հավասարվելու մասին Քենիայում լրագրողներ տեղափոխող ուղղաթիռը վթարի է ենթարկվել Երևան-Սևան ավտոճանապարհին այրվել է վրաստանի քաղաքացու ավտոմեքենան Խարկովում 5 մարդու կյանք խլած վրաերթի հեղինակ 20-ամյա աղջկա նկատմամբ խափանման միջոց է ընտրվել երկամսյա կալանքը Ադրբեջանցին Ռուսաստանում մեղադրվում է մեկ այլ ադրբեջանցու սպանության մեջ Իսպանիայի կառավարությունն արտահերթ նիստում կհստակեցնի Կատալոնիայի ինքնավարությունը սահմանափակելու քայլերը Արցախում երկու զինծառայող է զոհվել Հայաստանում անցկացվում է համապետական շաբաթօրյակ Թանկարժեք մետաղների գներն աճել են. NYMEX Հետաձգել նախագահական ընտրությունները, անցկացնել՝ պառլամենտականը Ինչպես կընթանան ընտրությունները Իրաքյան Քուրդիստանում Ընտանեկան բռնությունների մասին օրենքը, հիմարաբար, թե միտումնավոր արված ական է Մկրտիչ Մինասյան. «Եթե Հայաստան–ԵՄ համաձայնագիրը չստորագրվի, պատճառը տեխնիկական հարցերը կարող են լինել» Մաշկի փոխպատվաստման համար հայաստանյան բժիշկները շուտով այլընտրանք կունենան Հայ ժողովուրդը շարունակում է հավատալ ՄԱԿ-ի արժեքներին. նշվել է ՄԱԿ-ին ՀՀ անդամակցության և ՀՀ-ում ՄԱԿ-ի գրասենյակի հիմնադրման 25-ամյակը Խցանումները նյարդայնացրել են նաև կառավարությանը 2025 թվականին մահերը գերազանցելու են ծնունդներին. ի՞նչ ժողովրդագրական պատկեր է Հայաստանին սպասվում Ախուրյանի ՀՅԴ–ական համայնքապետը ՀՀԿ–ի «դաբրոն» արդեն ունի Երկրի պաշտպանությունը կարևոր է, բայց ոչ ի հաշիվ գիտության Դպրոցը փլվում է ՌԴ-ում արգելել են ադրբեջանցիների նկարահանած հակահայկական ֆիլմի ցուցադրությունը ԵՄ-ի երկրները թերահավատ են միությանը Թուրքիայի անդամակցելու հեռանկարների հարցում. Տուսկ Մադրիդը կկիրառի Սահմանադրության 155-րդ հոդվածը. Մարիանո Ռախոյ Անկարայի հետ հարկավոր Է «շատ կոշտ երկխոսություն» վարել. Մակրոն Օտար երկրներից Հայաստան ժամանած մասնագետները քննարկել են գործազրկության գլոբալ խնդիրներցը
Այսօր Այս շաբաթ Այս ամիս
website by Sargssyan