Երևան, 15.Դեկտեմբեր.2017,
--
:
--
,
Նախորդ տարիներին լավագույն մարզչի ընտրությունները սխալ են եղել. Ռուբեն Հայրապետյան Վարչապետ Կարեն Կարապետյանի մասնակցությամբ Սյունիքի մարզում բացվեց «Մեղրի» ազատ տնտեսական գոտին Սերժ Սարգսյանը հրավիրել է Ազգային անվտանգության խորհրդի նիստ Հայաստանը 2018 թ. առաջին կեսին ԵՄ-ի հետ կսկսի վիզայի ազատականացման հարցի շուրջ երկխոսությունը ՀՀ Նախագահը ստորագրել է «ԵԱՏՄ մաքսային օրենսգրքի մասին» պայմանագիրը վավերացնելու մասին օրենքը ԱԺ-ում մեկնարկել են «Զինված ուժերի նկատմամբ խորհրդարանական վերահսկողություն» միջազգային սեմինարը. Ոողիղ Վահան Մովսիսյան. «Ունենք բազմաթիվ համայնքներ, որոնք տնտեսական զարգացման պոտենցիալ չունեն» «Վրիպակն» ու ՌԴ սահմանապահ զորամասը. ինչպե՞ս խմբագրվեց պաշտոնական հիմնավորումը «Որևէ քաղաքական ուժ Արտակ Զեյնալյանի հետ մրցող նախագահի թեկնածու չի կարող առաջադրել»

«Հսկիչ գները» պատուհաս են ներկրողների համար

«Հսկիչ գները» ոչ միայն «փչված» և ուռճացված են, այլև՝ ոչ մի կապ չունեն իրականության հետ

Պարզվում է, որ հայաստանյան շուկաներում վաճառվող ապրանքը հարևան երկրներում վաճառվողի համեմատ թանկ է այն պատճառով, որ ապրանքների մասքազերծման ժամանակ հայրենի մաքսավորների կողմից կիրառվում է, այսպես ասած, «հսկիչ գին» ասված մի երևույթ, որի մեծությունը բոլորովին կապ չունի իրականության հետ:

«Փաստի» զրուցակիցը, ով արդեն երկար տարիներ է ապրանքների ներկրմամբ ու վաճառքով է զբաղվում, ասում է, որ մինչ օրս որևէ մեկը չի կարողացել հիմնավորել, թե ինչպես են հաշվարկվել այդ «հսկիչ գները» և ընդհանրապես ինչու այն ժամանակին համահունչ միջազգային շուկաների համեմատ չի ճշգրտվում ու վերանայվում:

Այդ խայտառակ իրավիճակը պարզ բացատրելու համար նա մեկ էլեկտրական թեյնիկի օրինակով բացատրում է, որ տեղական շուկայում 4000 դրամով վաճառվող նույնանուն ապրանքը ներկրողը Չինաստանից այն գնում է մոտ 4 դոլարով: Ու քանի որ մաքսազերծման ժամանակ նույն այդ թեյնիկի մաքսատուրքը հաշվարկում է մաքսայինի կողմից սահմանած «հսկիչ գնով», որը տվյալ ապրանքի համար կազմում է 10 դոլարին համարժեք դրամ, այդ պատճառով էլ ապրանքի գինը արհեստականորեն ուռճացվում է: Մաքսայինը ոչ մի կերպ չի հիմնավորում, թե ինչու է իր կողմից սահմանված «հսկիչ գինը» մոտ 2,5 անգամ ավելի մեծ և ինչու է տվյալ թեյնիկի մաքսատուրքը հաշվարկում հենց 10 դոլարին համարժեք դրամի չափով և ոչ թե օրինակ 4 կամ 5 դոլարի համարժեքով:
«Այսինքն, եթե իմ գնած գնից մաքսազերծման գումար հաշվարկեին, ես դա մաքսիմում կվաճառեի 3000 դրամով, բայց ես ստիպված վաճառում եմ 4000 դրամով: Ստացվում է, որ այդ «հսկիչ գները» արհեստականորեն թանկացնում են ապրանքի գները: Մյուս կողմից էլ վաճառքն է նվազում: Ստացվում է, որ մի կողմից մենք ենք տուժում, մյուս կողմից` մեր հաճախորդները: Ես 4 դոլարով ապրանք եմ առնում, մաքսայինն ինձ ասում ա չէ՛, դու 10 դոլարով ես առել: Առնողը ես եմ եղել, ինձ ասում ա սխալ ես ասում: Ես կարողանում եմ իրեն ապացուցեմ, որ ես 4 դոլարով եմ առել, բայց մաքսայինն ինձ չի կարողանում ապացուցել, թե ո՞նց եմ ես10 դոլարով առել: Բայց ցավալին այն է, որ իրա 10 դոլարի տարբերակն անցնում է, իսկ իմ 4 դոլարինը՝ չէ»,– ասաց մեր զրուցակիցը:

Ի դեպ, սա միակ օրինակը չէ: «Հսկիչ գների» մի մեծ ցուցակ կա, որը դեռ անհիշելի ժամանակներից մնացել և ժառանգաբար փոխանցվել է ՊԵԿ նոր ղեկավարությանը: Նոր ղեկավարությունն էլ մինչ օրս փորձ չի արել վերանայել այդ մտացածին գները: Ու այդ հորինված գները դարձել են պատուհաս բոլորի՝ թե՛ ներկրողների և թե՛ սպառողների համար:

Նման ձևով բոլորի գրպանները դատարկելու և շուկայում վաճառվող ապրանքների գներն արհեստականորեն ուռճացնելու փոխարեն լավ կլիներ, որ այդ վաղեմության ժամկետը կորցրած «հսկիչ գներ» ասվածը կա՛մ ընդհանրապես վերացվեր, կա՛մ նվազեցվեր խելամտության մակարդակի:

Մեկ ձեռներեցի բերած օրինակով ընդհանրացնելով նշենք, որ նրանց միակ պահանջը իշխանություններից այն է, որ ոչ թե բիզնեսով զբաղվող անձանց խեղդելով բյուջե լցնեն, այլ ամեն ինչ անեն նրանց հոգսերը թեթևացնելու համար: Այդ ժամանակ բյուջեն էլ դատարկ չի լինի, բիզնեսմենի գրպանն էլ: Նաև կարևոր է, որ ներկրողները նախապես կարողանան հաշվարկել իրենց օգուտն ու վնասը: Պարզ է չէ՞, որ եթե գործարարը չկարողանա հաշվարկել, թե դրսում գնված ապրանքը Հայաստան հասնելուց և մաքսազերծելուց հետո ինչքանով կկարողանան շուկայում վաճառել, կընկնի ավելորդ պարտքային շրջապտույտի մեջ, որն էլ իր հերթին նրան կտանի այնտեղ, որտեղ այսօր շատ գործարարներ են: Ու այդ ճգնաժամում հայտնվելու պատճառով է, որ նրանք կա՛մ երկիրն են լքում, կա՛մ էլ դառնում են անտուն ու անգործ:

Արմինե Գրիգորյան


loading...
Նախորդ տարիներին լավագույն մարզչի ընտրությունները սխալ են եղել. Ռուբեն Հայրապետյան Բանակցություններ են տարվում Հայաստան-Չինաստան ուղիղ չվերթների հարցի վերաբերյալ. ԱԳ փոխնախարար Կիրո Մանոյանը առաջիկա տարում Լեռնային Ղարաբաղի հակամարտության կարգավորման հարցում լուրջ փոփոխություններ չի կանխատեսում Վարչապետ Կարեն Կարապետյանի մասնակցությամբ Սյունիքի մարզում բացվեց «Մեղրի» ազատ տնտեսական գոտին Սերժ Սարգսյանը հրավիրել է Ազգային անվտանգության խորհրդի նիստ Հայաստանը 2018 թ. առաջին կեսին ԵՄ-ի հետ կսկսի վիզայի ազատականացման հարցի շուրջ երկխոսությունը ՀՀ Նախագահը ստորագրել է «ԵԱՏՄ մաքսային օրենսգրքի մասին» պայմանագիրը վավերացնելու մասին օրենքը ԵՄ առաջնորդները համաձայնեցրել են զարգացման առաջնահերթությունները ԱԺ-ում մեկնարկել են «Զինված ուժերի նկատմամբ խորհրդարանական վերահսկողություն» միջազգային սեմինարը. Ոողիղ Օրենքի պահանջներին չհամապատասխանող ուսուցիչները կաշխատեն ևս տասը տարի Տավարի միսը շուրջ 20% թանկացել է Սամվել Խուդոյան. «Տոները կրճատելը սխալ է, առաջարկի մեջ լոգիկա չկա» Վահան Մովսիսյան. «Ունենք բազմաթիվ համայնքներ, որոնք տնտեսական զարգացման պոտենցիալ չունեն» Նոր Գեղիում որոշել են փոխել համայնքի անունը «Վրիպակն» ու ՌԴ սահմանապահ զորամասը. ինչպե՞ս խմբագրվեց պաշտոնական հիմնավորումը «Որևէ քաղաքական ուժ Արտակ Զեյնալյանի հետ մրցող նախագահի թեկնածու չի կարող առաջադրել» ԱԱԾ–ի հայտարարության հետքերով Ինչո՞ւ է Հռոմի պապն ուզում խմբագրել Աստծուն Կեղծ լուսանկարներով մարդասիրական օգնություն մուրացողը կապ ո՞ւնի աղանդի հետ «Հնարավոր չէ մի ձեռքով բանակցել, մյուսով կրակել»։ Սերժ Սարգսյանի հարցազրույցը «Արմենիա» հեռուստատեսությանը Թուրքիան Արևելյան Երուսաղեմում դեսպանատուն կբացի «Գրեմմի» մրցանակին առաջադրվելը Մանսուրյանի և Օրբելյանի ստեղծագործական նվաճումների ընդհանրացումն է Պուտինն անդրադարձել է ԵԱՏՄ-ում առկա չլուծված խնդիրներին
Այսօր Այս շաբաթ Այս ամիս
website by Sargssyan