Երևան, 24.Մայիս.2018,
--
:
--
,

Հայերն ու հույները ցեղասպանության դեմ պայքարում միասնական են. Էդուարդ Շարմազանով

 


Պոնտոսի հույների ցեղասպանության հիշատակի օրվա կապակցությամբ Ծիծեռնակաբերդի հուշահամալիր այցելեցին Ազգային ժողովի պատգամավորները Էդուարդ Շարմազանովի գլխավորությամբ: Պատգամավորների շարքում էին Մարգարիտ Եսայանը, Գագիկ Մելիքյանը, Տաճատ Վարդապետյանը եւ այլք:

Նրանց հետ միասին հուշահամալիր էին այցելել Հայաստանի տարբեր մարզերի հունական համայնքների ներկայացուցիչները: «Մենք հիշում ենք Պոնտոսի հույների ցեղասպանությունը» գրությամբ պաստառներով համայնքի ներկայացուցիչները պաշտոնյաների հետ շարժվեցին դեպի հուշահամալիրի անմար կրակը, ապա ծաղիկներ խոնարհեցին՝ ի հիշատակ ցեղասպանության զոհերի: Հոգեւորականները ցեղասպանության զոհերի հոգեհանգստյան կարգ մատուցեցին:

ԱԺ նորընտիր փոխխոսնակ Էդուարդ Շարմազանովը նշեց, որ ցեղասպանության դեմ պայքարում հույներն ու հայերը միասնական են:

«Այսօր մայիսի 19-ն է. ողջ քաղաքակիրթ աշխարհը նշում եւ հիշում է Օսմանյան  Թուրքիայում, ապա քեմալական Թուրքիայում Պոնտոսի հույների  ցեղասպանության զոհերին, թե ինչպես հարյուր  հազարավոր հույներ զոհ գնացին երիտթուրքերի, այնուհետեւ քեմալական թուրքերի ցեղասպանական քաղաքականությանը:  Այսօրվա խորհուրդը ոչ միայն հիշատակն է ու դատապարտումը, այլեւ վերածնունդը: Կիպրոսը եւ  Հունաստանն այն եզակի երկրներից են, որոնք քրեականացրել են Հայոց ցեղասպանության ժխտումը, իսկ Արցախի եւ Հայաստանի Հանրապետության ազգային ժողովները միաձայն դատ ապարտել են հույների ցեղասպանությունը: Այս պայքարում մենք հաղթանակելու ենք, որովհետեւ մեր պայքարը հանուն է՝ հանուն մեր քրիստոնեական հավատի, սրբազան հայրենիքի ու հայ-հունական բարեկամության: Հավատում եմ, որ Թուրքիայի ժխտողականությունը ֆիասկո է ապրելու, որովհետեւ առավել եւս վաշինգտոնյան դեպքերը եւս մեկ անգամ ցույց տվեցին, որ Թուրքիան չի փոխվել, նույն խուժանի քաղաքականությունն է վարում: Էրդողանի եւ Աթաթուրքի միջեւ գրեթե ոչինչ չի փոխվել. նույն հանցագործ ժխտողական քաղաքականության կրողն են»,-«Արմենպրես»-ի հաղորդմամբ՝ լրագրողների հետ զրույցում ասաց Էդուարդ Շարմազանովը:

Հայաստանում հունական ՀԿ-ների միության նախագահ Արկադի Խիթարովն ասաց, որ Հայաստանում հունական ծագում ունեցող մարդիկ քիչ են՝ շուրջ 2000-2500: «Այս օրը տարբեր տեղերում ենք հավաքվում ու հիշում: Այսօր մեզ հետ Գյումրու, Վանաձորի եւ այլ տարածքների հունական համայնքների ներկայացուցիչներն են:  Կարծում եմ՝ Հայաստանին պետք չէ բացատրել՝ ինչ է ցեղասպանությունը: Այն, որ մենք այստեղ ենք այս օրը հիշում, նույնպես խորհրդանշական է»,-եզրափակեց նա:

loading...
Լեհ գրող Օլգա Տոկարչուկը դարձել Է Միջազգային Բուքերյան մրցանակի դափնեկիր Իսրայելն աշխարհում առաջինն Է F-35-ը կիրառել մարտում Հրապարակվել Է Սպիտակ ծովում «Բուլավա» հրթիռների արձակման տեսագրությունը Նյու Յորքի ֆոնդային սակարանն առաջին անգամ կին կգլխավորի Ալեքսանդր Եսայանը կշարունակի զբաղեցնել ԻՏՁՄ նախագահի պաշտոնը Վախճանվել Է գրող Ֆիլիպ Ռոթը. The New York Times Միհրան Պողոսյանն անդրադարձել է ցուցարարների նկատմամբ բռնություն կիրառելու գործով իր օգնականի ձերբակալմանը Էլեկտրոնային առողջապահական համակարգի ներդրումը կհետաձգվի Վահրամ Բաղդասարյանի առաջարկը պատգամավորների միջև բանավեճի առիթ դարձավ Հորդորում և պահանջում եմ դադարեցնել քաղաքացիական անհնազանդության բոլոր գործողությունները. Փաշինյան Արայիկ Հարությունյանը կմասնակցի Բոլոնիայի գործընթացի անդամ երկրների կրթության նախարարների գագաթաժողովին Եվրոպացի դպրոցականներին կարող են պարտավորեցնել երկու օտար լեզու սովորել Армянин создал в городе Плиска музей кириллицы Վարորդներին չեն տուգանի տեսախցիկների ֆիքսած որոշ խախտումների դեպքում. ոստիկանություն Մարտական դիրքում ժամկետային զինծառայողի դի է հայտնաբերվել. կատարվում է քննություն ԱԺ նիստ. նոր կառավարության անդամներն առաջին անգամ կպատասխանեն պատգամավորների հարցերին Շառլ Ազնավուրը հունիսի 30-ին կվերսկսի համաշխարհային շրջագայությունը. AFP Ուկրաինացի գիտնականները Կիեւի հայ համայնքի պատմության նոր էջեր են բացահայտել ԱՄՆ պատրաստ է ուսումնասիրել Հայաստանը «Հազարամյակի մարտահրավերներ կորպորացիա»-ի ծրագրում ներառելու հարցը Հանձնարարելու եմ ստուգումներ սկսել մետաղական հանքերում. Փաշինյան Ալեն Սիմոնյանը վայր է դրել պատգամավորական մանդատը Ժիրայր Սեֆիլյանի և Վարուժան Ավետիսյանի նամակը Նիկոլ Փաշինյանին
Այսօր Այս շաբաթ Այս ամիս
website by Sargssyan