Երևան, 24.Հունիս.2017,
--
:
--
,

Էրդողանի հերթական արկածները ԱՄՆ-ում. նա անձամբ է տվել ցուցարարների վրա հարձակվելու հրամանը. (տեսանյութ)

«Ամերիկայի ձայնի» հրապարակած տեսանյութում երևում է, թե ԱՄՆ-ում ինչպես է  Էրդողանը մեքենայի մեջ լսում ցուցարարներին, ովքեր «Մանկասպան Էրդողան» էին բղավում: Ավտոմեքենայի բացված դռան մոտ՝ Էրդողանի կողքին կանգնած անվտանգության աշխատակիցը նրան տեղեկացնում է տիրող իրադրության մասին՝ հրահանգներ ստանալով նախագահից:

Տեսանյութում պարզ երևում է, թե ինչպես է Էրդողանի հետ խորհրդակցող անվտանգության աշխատակիցը հրահանգում մեկ այլ աշխատակցի, ով գլխով է անում և  վազքով իջնում ցուցարարների մոտ: Դրանից հետո սկսվում է Թուրքիայի նախագահի անվտանգության աշխատակիցների հարձակումը խաղաղ ցուցարարների վրա:

Հարձակումից հետո Էրդողանը դուրս է գալիս ավտոմեքենայից՝ դիտելու կատարվածը, իսկ հրահանգ ստացած անվտանգության աշխատակիցը վազքով հետ է վերադառնում՝ կարծես կատարվածի մասին զեկուցելով Թուրքիայի նախագահին:

Այնուհետև  Թրդողանն անվրդով մտնում է Վաշինգտոնում Թուրքիայի դեսպանատուն, որի հարևանությամբ տեղի էր ունեցել ցույցն ու ծեծուջարդը:

Հիշեցնենք, որ մայիսի  16-ին  ԱՄՆ-ի հայ, քուրդ, ասորի և եզդի համայնքների ներկայացուցիչները ցույց էին կազմակերպել Վաշինգտոնում՝  բողոքելով Էրդողանի ԱՄՆ այցի և նախագահ Դոնալդ Թրամփի հետ հանդիպման դեմ: Միջադեպի արդյունքում վիրավորվել էր 9 ցուցարար: 

Այս միջադեպը դատապարտել էին ԱՄՆ մի շարք բարձրաստիճան պաշտոնյաներ:
ԱՄՆ ներկայացուցիչների պալատի անդամ Էդ Ռոյսը պահանջել էր պատասխանատվության ենթարկել բախումը հրահրած Թուրքիայի նախագահի թիկնապահներին:

Իսկ Հանրապետական սենատոր, Սենատի արտաքին հարաբերությունների հանձնաժողովի նախագահ Ջոն ՄքՔեյնը կոչ է արել Միացյալ Նահանգներից վտարել Թուրքիայի դեսպանին:

«Ես մինչեւ հիմա զայրացած եմ այդ թուրքական ծեծով: Մենք պետք է նրանց դեսպանին Ամերիկայի Միացյալ Նահանգներից դուրս շպրտենք: Սա Ամերիկայի Միացյալ Նահանգներն է, սա Թուրքիան չէ, սա երրորդ աշխարհի պետություն չէ: Այսպիսի գործողությունները չեն կարող անպատասխան մնալ: Մի գուցե, արժե դատական գործեր հարուցել նրանց դեմ, ում ինքնությունը մենք կկարողանանք պարզել»,- հայտարարել է սենատոր ՄքՔեյնը:

«Դրանք հասարակ քաղաքացիներ չէին, ովքեր մասնակցել էին ծեծի, դրանք Էրդողանի անվտանգության աշխատակիցներն էին: Ինչ-որ մեկն իրենց ասել է գնալ եւ ծեծի ենթարկել խաղաղ ցուցարարներին, եւ իմ կարծիքով դա պետք է հետեւանքներ ունենա, այդ թվում եւ այդ մարդկանց ինքնության պարզելով ու նրանց մեղադրանք ներկայացնելով: Ի վերջո, նրանք խախտել էին ամերիկյան օրենքները ԱՄՆ-ի ներսում, այնպես որ դուք ուղղակի չեք կարող դա թույլատրել ԱՄՆ-ում: Մեր երկրում մարդիկ իրավունք ունեն խաղաղ բողոք հայտնել, ցուցարարները խաղաղ էին»:

Նշենք, որ ԱՄՆ-ում Թուրքիայի դեսպանությունը հայտարարություն էր տարածել, թե  ցուցարարները «Քրդական աշխատավորական կուսակցության հետ կապված խմբեր» էին, որոց  մեղադրել էր Էրդողանի կողմնակիցների նկատմամբ «ագրեսիվ սադրանքների» մեջ: «Թուրք ամերիկացիները պատասխանել էին ինքնապաշտպանության շրջանակներում եւ նրանցից մեկը լուրջ վնասվածքներ էր ստացել»,- նշված է ԱՄՆ-ում Թուրքիայի դեսպանության կողմից տարածած հայտարարության մեջ:





loading...
Ֆրանսիացի լրագրողը մահացել է Մոսուլում վիրավորվելուց հետո «Մեսսի». ֆիլմ սիրված ֆուտբոլիստի մասին Մեսսին դարձավ 30 տարեկան (տեսանյութ, լուսանկարներ) Օլիվեր Սթոունի ֆիլմը Պուտինի մասին (ռուսերեն) 0 եվրո արժողությամբ թղթադրամը՝ շահույթի աղբյուր Գերմանիայում Բռնցքամարտիկ Հովհաննես Բաչկովը՝ Եվրոպայի չեմպիոն Հալեպում շուկայի ուղղությամբ կրակահերթի հետևանքով 20 մարդ է վիրավորվել Հրդեհ մանկապարտեզում Վիգեն Սարգսյանը կարևորել է զորակոչի ընթացքում կոռուպիոն երևույթների բացառումը Իմ աշխատանքը ՊԱԿ-ում կապված էր անլեգալ հետախուզության հետ. Պուտին (տեսանյութ) Բուլղարիայում խաղադաշտ մտած կովն ու շունն ընդհատել են ֆուտբոլային հանդիպումը Մեսին չի բացառել ապագայում Չինաստանում հանդես գալու հնարավորությունը Գառնի գյուղի սկզբնամասում մեքենան ընկել է ձորը. վիրավորները հիվանդանոցում են «Օրենքով գող» Շաքրո Մոլոդոյի գործը կարճելու համար ՌԴ մի քանի օլիգարխներ 4,5 մլն եվրո են «մուծվել» Վենեսուելայում խորհրդարանի վրա հարձակում է տեղի ունեցել Մեքքայում ահաբեկչական փորձ է կանխվել Ռուբեն Գևորգյանցի բարեկամները կոչ են անում ծաղկեպսակների գումարը փոխանցել զինծառայողների հիմնադրամին Ռուսաստանից Ադրբեջան է հասել զինտեխնիկայի նոր խմբաքանակ Արժույթի միջազգային հիմնադրամը հաստատել է Հայաստանին 21.6 միլիոն դոլարի վարկի տրամադրումը Անընթեռնելի դարձրած համարանիշներով ավտոմեքենաների վարորդները կտուգանվեն 200 հազար դրամի չափով
Այսօր Այս շաբաթ Այս ամիս
website by Sargssyan