Երևան, 27.Մայիս.2018,
--
:
--
,

Իրանի հայ համայնքն ազատ է նախագահ ընտրելու իր ցանկության մեջ


Մեր հյուրն է Թեհրանի հայոց թեմի առաջնորդ Գերաշնորհ Տեր Սեպուհ արքեպիսկոպոս Սարգսյանը

– Սրբազան հայր, մի քանի օրից Իրանում նախագահական ընտրություններ են: Հայ համայնքը կողմնորոշվե՞լ է, նախընտրելի թեկնածու ունի՞:

– Գիտեք, մեր ժողովուրդը միշտ դրական չեզոքություն է պահպանել: Ես` որպես թեմի առաջնորդ, երբևէ չեմ կողմնորոշել` քվեարկելու այս կամ այն թեկնածուի օգտին: Եվ որպես Իրանի քաղաքացի` հայ համայնքի յուրաքանչյուր անդամ ազատ է իր հայեցողությամբ իր քվեն տալ այս կամ այն թեկնածուին: Բայց նաև ասեմ, որ մեր պարագայում որ թեկնածուն էլ հաջողի, պետության վերաբերմունքը հայության նկատմամբ չի փոխվի: Որովհետև նրանք գիտեն` հայերն աշխատասեր են, հայերը հավատարիմ են, որպես քրիստոնյաներ` պարկեշտ քաղաքացիներ են, և գիտեն, որ մեր ներդրումը մշակույթի, արվեստի բնագավառներում անգնահատելի է: Հետևաբար, մեր ժողովրդի համար մտահոգություն չէ, թե որ թեկնածուն կհաղթի:

– Իսկ Դուք կամ համայնքի ներկայացուցիչները թեկնածուների հետ հանդիպե՞լ եք, փորձե՞լ եք պարզել հայկական հարցերի նկատմամբ նրանց դիրքորոշումը:

– Ոչ, նախընտրական արշավի ժամանակ հանդիպումներ չեն եղել: Բայց եթե այս ընթացքում թեկնածուներն իրենք հետաքրքրություն ցուցաբերեն, մենք կընդառաջենք և կհանդիպենք: Սակայն ինքներս նախաձեռնող չենք եղել:

– Իսկ Դուք տեղյա՞կ եք` Իրանի ժողովուրդն ինչպե՞ս է տրամադրված: Նախագահի ո՞ր թեկնածուի հաղթանակն է առավել հավանական համարվում:

– Երկու գլխավոր հոսանք կա` պահպանողականները և, այսպես կոչված, բարկարգչականները: Ու հենց այս հոսանքների շուրջն են համախմբված մարդիկ: Հետևաբար, դժվար է ասել, թե ժողովուրդն ինչպե՞ս կկողմնորոշվի: Բայց մեկ բանում համոզված եմ`նույնիսկ Իրանի հոգևոր առաջնորդն ընտրությունների նախօրյակին բացահայտորեն չի ասի, թե ընտրեք այս կամ այն թեկնածուին: Նա ասում է` ժողովուրդն ազատ է, ինքը պետք է դատի և ըստ այդմ իր թեկնածուին ընտրի:

– Այսինքն` իր բնույթվ կրոնական լինելով հանդերձ` Իրանը, այնուամենայնիվ, քաղաքական ազատություն է տալիս իր քաղաքացիներին:

– Այո:

– Այդ օրը` մայիսի 19–ին, նաև Թեհրանի ավագանու ընտրություններ են լինելու: Որքան գիտեմ` երեք հայ թեկնածու է առաջադրվել: Հաղթելու նրանց հնարավորություններն ինչպիսի՞ն են:

– Մենք ուզում ենք հուսալ, որ երեքն էլ կհաջողեն: Բայց թե ժողովուրդը ձայնը ում կտա, պարզ կլինի ընտրություններից հետո: Համենայնդեպս, համայնքն իր ուժերի ներածին չափով աջակցում է նրանց:

– Իսկ որքանո՞վ է կարևոր Թեհրանի ավագանիում հայ ներկայացուցիչ ունենալը:

– Որևէ մեկ տեղ հայ թեկնածուների ներկայությունը օրհնություն է: Անշուշտ, չենք ակնկալում, որ հրաշքներ կգործեն: Բայց այդ միջավայրում լինելը, նրանց մասնակցությունը քաղաքական մթնոլորտի ձևավորմանը, ինքնին ձեռքբերում են: Առավել ևս, եթե հանկարծ հայության հետ կապված որևէ հարց լինի, մենք կկարողանանք լիովին ապավինել նրանց աջակցությանը:

Արփի Սահակյան


loading...
Իռլանդիայում աբորտի օրինականացման կողմնակիցները տոնում են իրենց հաղթանակը. հրապարակվել են «Էքզիթ փոլ»-ի արդյունքները Samsung-ը 539 մլն դոլար կվճարի Apple-ին Lիվերպուլ-Ռեալ Մադրիդ. ուղիղ Թուրքիան և ԱՄՆ-ն Սիրիայում պլանավորում են համատեղ գործողություններ Լևոն Արոնյանը կմասնակցի «Norway chess» կայծակնային մրցաշարին Առաջիկա օրերին սպասվում է անձրև և ամպրոպ Космический подарок к 100-летию со дня установления первой Республики Армения и 2800-летию основания города Эребуни-Еревана Շախմատի Հայաստանի ակումբային առաջնության հաղթողը կստանա 600.000 դրամ Ամատունի Վիրաբյանը մեկնաբանել է ՏԶԿ նախարարի հրամանով Ազգային արխիվի նկատմամբ վարչական վարույթ հարուցելը 300 մլն դրամի պետտուրքի չվճարման փաստեր են հայտնաբերվել Տարոն Մարգարյանն անդրադարձել է ԱԱԾ բացահայտումներին Նախագահը մասնակցել է «Համագործակցություն հանուն բարգավաճման․ հաջորդ հարյուրամյակի ռազմավարական պլանավորում» կլոր-սեղան քննարկմանը Դիլիջանի միջազգային դպրոցի սաներն իրենց ավարտական միջոցառումն անցկացրեցին ՀՀ վարչապետի մասնակցությամբ ԱՄՆ-ն և Հյուսիսային Կորեան վերադարձել են երկու երկրների գագաթնաժողովի անցկացման հարցի շուրջ քննարկմանը Քաղաքապետարանը Դերժինսկու դպրոցի դիմացի տարածքը վաճառել է Ներսես Նազարյանին. Ալեն Սիմոնյան Լավ հիմք համագործակցություն շրջանակն ընդլայնելու համար. Արմեն Սարգսյանը հանդիպել է Ֆինլանդիայի նախագահի հետ Ադրբեջանում թղթադրամ է թողարկվել Հեյդար Ալիևի դիմանկարով Հարավային Ամերիկայում գործարկել են ամենակարճ միջազգային չվերթը Ներկայացվել է աշխարհի առաջնության պաշտոնական երգը Ճապոնիան ափսոսում, բայց պաշտպանում Է ԿԺԴՀ-ի հետ գագաթնաժողովը չեղարկելու Թրամփի որոշումը. Աբե «Ադրբեջանական լվացքատան» բացահայտումները շարունակվում են. Ադրբեջանից խոշոր գումարներ են արտահոսել նաև դեպի ԱՄՆ Մոսկվան հայտարարել Է «համարժեք միջոցների» մասին ի պատասխան ՆԱՏՕ-ի հետ Վրաստանի մերձեցման Արարատի և Արմավիրի 7 սոցիալական աջակցության մարմիններում հայտնաբերվել են 33 մլն դրամի խախտումներ
Այսօր Այս շաբաթ Այս ամիս
website by Sargssyan