Երևան, 23.Օգոստոս.2017,
--
:
--
,

Սահմանազատումների բացակայությունը «Խոսրովի» արգելոցի ու հարակից գյուղերի բնակիչների կռվախնձորն է


Կիրակի օրը մի խումբ լրագրողներ այցելել էին «Խոսրովի անտառ» պետական արգելոց՝ տեղում ծանոթանալու Հարավային Հայաստանի «բնակիչ» կովկասյան ընձառյուծի պահպանության հետ կապված ծրագրի ու ընձառյուծի բնակության վայրի առանձնահատկությունների հետ:

Կովկասյան ընձառյուծը բնակվում է Հարավային Հայաստանում: Այն այստեղ լինում է պարբերաբար, ինչը հնարավոր է լինում ֆիքսել ֆոտոթակարդների միջոցով կատարված մշտադիտարկումների շնորհիվ: Բնության համաշխարհային հիմնադրամի (WWF) Հայաստանյան մասնաճյուղը կովկասյան ընձառյուծի պահպանման ծրագիրը սկսել է իրականացնել դեռևս 2002թ.:

«Աջակցում ենք «Խոսրովի անտառ» պետական արգելոցին, աշխատում ենք համայնքների հետ: Մենք ստեղծել ենք ընձառյուծի խնամակալների ցանց, որին մասնակցում են տեղի համայնքների բնակիչները: Ունենք խնամակալներ Վայոց ձորի և Սյունիքի մարզերում»,– իրենց աշխատանքների մասին խոսեց WWF Հայաստան հիմնադրամի՝ ընձառյուծի պահպանության ծրագրի համակարգող Արսեն Գասպարյանը:
«Խոսրովի անտառ» պետական արգելոցում այսօր կա այցելուների կենտրոն, որը ստեղծվել է WWF–ի անմիջական մասնակցությամբ: Այն շահույթ գեներացնելու նպատակով է ստեղծվել: Ըստ Գասպարյանի՝ վայրի բնություն դիտարկողների համար նմանատիպ վայրերը գրավիչ են:

«Կեցության համար ենթակառուցվածքներ լինելու համար է ստեղծվել այցելուների կենտրոնը: Չպետք է մոռանալ, որ այստեղ տուրիզմը սահմանափակված է: Երկու կենտրոն ունենք, մեկն այս է, մյուսը՝ Գառնի տեղամասում է գտնվում:
Հարավային Հայաստանի ամբողջ տարածքում մշտադիտարկում իրականացնելու և ֆոտոթակարդների միջոցով ֆիքսել ենք ընձառյուծի 7–9 առանձնյակ: Վերջերս մայր ընձառյուծը, որին պայմանականորեն Եվա ենք անվանում, 2–3 հատ ձագեր է ունեցել»,– պատմեց նա:

Արսեն Գասպարյանը նաև նշեց, որ շատ են կարևորում զինվորականների հետ համագործակցությունը դիտարկումներ անելու տեսանկյունից: Վերջինս հավելեց, որ մտահոգության առիթ են տալիս ականապատված տարածքները, քանի որ ընձառյուծները այդ հատվածներով նույնպես անցնում են:

«Ունենք վնասված կենդանիներ, բայց վստահ չենք՝ դա ականապատ տարածքներն անցնելո՞ւ հետևանք է, թե թակարդների»,– ասաց նա:

«Խոսրովի անտառ» պետական արգելոցի պահպանության գծով փոխտնօրեն, պահպանության բաժնի պետ Ռաֆիկ Պետրոսյանն էլ լրագրողների հետ զրույցում որպես խնդիրներ առանձանցրեց այն, որ արգելոցը 24 հազար հա բաց տարածք ունի և ցանկապատված չի: Հատուկ ջոկատն ու տեղամասային տեսուչները 24–ժամյա հսկողություն են իրականացնում և ըստ փոխտնօրենի՝ 99,9%–ով «Խոսրովում» որսագողություն գոյություն չունի:

«Խոսրովի» արգելոցը բաժանված է 4 տեղամասի, ունեն 5 պահաբաժինների տեսուչներ, և 1 աշխատակցին 1000–1200 հա տարածք է հասնում: Պետրոսյանը նշեց, որ ռենջերների աշխատավարձը բավական ցածր է՝ մարդիկ գիշեր–ցերեկ աշխատում են, սակայն 80 հազար դրամ են ստանում:

Բացի այս որպես արգելոցի կարևորագույն խնդիր նշեց այն, որ իրենք չունեն սահմանազատման սյուներ և բուֆերային գոտի, ինչը համայնքների հետ բավական շատ խնդիրներ է ստեղծում:

«Նրանք ասում են մեր տարածքն ա, մենք ասում ենք՝ մեր: Պահպանության հետ կապված խնդիրները սեպաձև մտած տարածքներն են, որ խրված են «Խոսրովի» արգելոցի տարածքի մեջ: Մոտ 4–5 կմ տարածքի մասին է խոսքը: Առաջ դրանք Խոր վիրապ համայնքինն էին, հիմա Ուրցաձորինը: Մտնում ես անտառ, 5 մետր այն կողմ «Խոսրովի անտառն» է, մյուս կողմը՝ համայնքային արոտավայրերը»,– պատմեց նա:

Ասում է, որ դիմել են Արարատի մարզպետարան, որպեսզի համայնքային հողերի հետ սեպաձև մտած հողերն ու արոտավայրերը փոխանակեն կամ գոնե իրենց հատկացնեն: Այս պահին երկու գյուղ պահպանման տարածքի մեջ է ներառված և որպես գյուղ չի քարտեզագրված: Սակայն ըստ նրա՝ դեռևս պատասխան չկա: Պատճառաբանում է, որ մարզպետ է փոխվել ու հիմա կրկին պիտի այս խնդրի մասին բարձրաձայնեն:


ՔՐԻՍՏԻՆԱ ՏԵՐ–ՄԱԹԵՎՈՍՅԱՆ

loading...
Nyut.am-ի խմբագրակազմն արձակուրդ է գնում Մխիթարյանը բարձր է գնահատել հայ երկրպագուների աջակցությունը ԱՄՆ-ում Հարլեմ Դեզիրը վերստին հորդորել է Թուրքիային ազատ արձակել լրագրողներին Հայկական ֆիլմերի շաբաթ է անցկացվել Իրանի երեք քաղաքներում Russia Today-ի հետ համագործակցող լրագրողը Սիրիայում զոհվել է ԻՊ-ի գնդակոծությունից Հաստատվեց սոցիալական փաթեթի բժշկական սպասարկման նոր մոդելը. մանրամասնում է առողջապահության փոխնախարարը Բարձր ջերմային ֆոնը և բարձր կարգի հրդեհավտանգ իրավիճակը կպահպանվեն Գետի հունը բարձրացել է և քշել քաղաքացուն. հարուցվել է քրեական գործ Ինչո՞ւ է հայազգի Մամհութ Քոնուքն արդարություն փնտրում Անկարայի փողոցներում Ուկրաինան Այվազովսկու 200-ամյակին գեղարվեստական փոստային նամականիշ է թողարկել Հայաստանում առաջիկա օրերին օդի ջերմաստիճանը նորմայից բարձր կլինի 4-6 աստիճանով Ուկրաինական ինքնաթիռն Աֆրիկայում կործանվել է ԱՄՆ-ի հետախուզությունը Իրանի կողմից հրթիռակրի արձակումն անհաջող է համարում Վախճանվել է դերասանուհի, դրամատուրգ Աննա Պետրոսյանը Մանուկ Սիմոնյանի սպանության գործով մեղադրանք է առաջադրվել նրա կնոջը, որդին ազատվել է արգելանքից Եվրասիայում բոլորովին նոր քարտե՞զ կգծվի Օդաչու Ակոպովը կպարգևատրվի արիության մեդալով. Ուկրաինայի նախագահն անձամբ է զանգահարել նրան Թուրքական Քեմերի հյուրանոցներից մեկում հրդեհ է բռնվկվել. 400 մարդ տարհանվել է Անցած շաբաթվա ընթացքում Արցախի և Ադրբեջանի զորքերի շփման գոտում հարաբերական հանգիստ է եղել Գնդապետը ոչ թե հեռացվել է, այլ՝ թոշակի է անցել, նա ոչ թե «գրավել», այլ մուտք է գործել սեփական հյուրանոց Սևանի ափամերձ անտառների ջրածածկվող հատվածներում այս տարի կատարվել է 10 հեկտար անտառմաքրման աշխատանքներ Հայաստանը ներկայացուցիչ կունենա C4F Davos մրցանակաբաշխության ժյուրիում Ադրբեջանի արտաքին պարտքը հասել է ՀՆԱ 20,4 տոկոսին Հիմա էլ Բաքուն կպավ «Halo Trust»-ին Մեղադրվողների քանակը չի համապատասխանում տուժողների քանակին
Այսօր Այս շաբաթ Այս ամիս
website by Sargssyan