Երևան, 23.Նոյեմբեր.2017,
--
:
--
,

Արարատ Մկրտչյան. «Անիմաստ և անհեթեթ միջոցառում է»


«Առանց որևէ հայեցակարգի, հարկերի միջոցով հավաքագրված պետական բյուջեի միջոցները տանել և կամավոր ապահովագրական ընկերությունների միջոցով առողջապահական ծրագրեր ֆինանսավորել պետական առողջապահական գործակալության դեպքում, ինձ թվում է՝ անիմաստ և անհեթեթ միջոցառում է»,– անդրադառնալով ՀՀ առողջապահության նախարար Լևոն Ալթունյանի հայտարարությանը, ասաց առողջապահության նախկին նախարար Արարատ Մկրտչյանը:

Նշենք, որ նախարար Ալթունյանը, ըստ նախարարության տարածած հաղորդագրության, ասել է. «Հոկտեմբերից մեր երկրում կներդրվի սոցիալապես անապահով և առանձին խմբերի բնակիչների բժշկական ապահովագրությունը։ Նրանց բժշկական ծառայություններ կմատուցեն բուժաշխատողները, իսկ վճարումը կկատարեն ապահովագրական ընկերությունները։ Մեր խնդիրն է, որ ստեղծված այս նոր իրավիճակում բողոքի դեպքում քաղաքացին իմանա, թե ում պետք է դիմի»:

Ըստ նախկին նախարար Արարատ Մկրտչյանի՝ եթե կառավարությունը պարտադիր բժշկական ապահովագրության խնդիր է ուզում լուծել, պետք է առաջին հերթին հայեցակարգ մշակի և ներկայացնի քննարկման, քաղաքացիական հասարակությունը պետք է իրազեկված լինի:

«Դառը էդպիսի փորձ ունեցել ենք: Այն ժամանակ էլ` 2012 թվականին, անօրինական քայլ արեցին, և հետևանքը եղավ այն, որ պետությունը նախնական գնահատականներով մոտավորապես 5 միլիարդ դրամի գերշահույթ ապահովեց մասնավոր ապահովագրական ընկերությունների համար, այդ թվում՝ պարոն Ալթունյանի կողմից ստեղծված և ղեկավարված ապահովագրական «Ինգո Արմենիա» ընկերության: Ես միտում եմ տեսնում` ապահովագրական ընկերություններ ուղղել պետական ֆինանսական միջոցները: Եվ որքանով են իրենք կարողանալու այդ միջոցները արդյունավետ օգտագործել, հարց է: Կա միջազգային փորձ, երևի փորձի ուսումնասիրության հիման վրա կարող է արվել, բայց չեմ բացառում, որ կոռուպցիոն ռիսկերը այստեղ ավելի մեծ լինեն»,– ասաց նախկին նախարարը՝ հարց ուղղելով. «Հիմա ի՞նչը դարձավ պատճառը, որ այդ ֆինանսական միջոցները ուղղվելու են դեպի ապահովագրական ընկերություններ, ի՞նչ խնդիր է լուծվում»:

Ըստ նրա՝ սա կարելի է համարել ևս մեկ հայտարարություն նոր կառավարության ձևավորման շեմին: «Հոկտեմբեր ամսից նոր կառավարությունը պարբերաբար հայտարարություններ է անում, թե տեսեք՝ ինչ լավ բաներ ենք անում, ինչեր ենք անելու, բայց արդեն 8 ամիս է՝ այս կառավարությունը կա, ես անձամբ առաջընթաց ոչ մի ոլորտում չեմ տեսնում, այդ թվում նաև՝ առողջապահությունում»,– նկատեց Մկրտչյանը:


Մարինե Խառատյան

loading...
Սրտի կաթիլներով, ջրով, սննդով հերթ կանգնելու փոխարեն օգտվեք որոշումից Անվտա՞նգ են երևանյան խաղահրապարակները՝ պարզ կլինի մեկ ամիս անց Ձմռան ցրտին դիմակայելու համար հովտամեջցիները բանկերի դուռը կթակեն Դավիթ Պեդանյան. «Խցանումները չեն վերանա» «Տղա՛ ջան, լավ սովորի, որ բանակում չծառայես» լոզունգը կշարունակի ակտուալ մնալ... Նախիջևանի ուղղությամբ որևէ սպառնալիք չկա. ի՞նչ նպատակ ունեն ադրբեջանական զորավարժությունները Ռուսաստանի սպասելիքները չիրականացան. ի՞նչ հաստատեց Լավրովը Ահազանգ. պաշտպանության նախարարին ուղղված նամակները մնում են անպատասխան, իսկ խնդիրները՝ չլուծված Այգեպանի բացակայությունը «Մենք վերադառնում ենք մեր պորտալարին. Թաթայից գնում ենք դեպի Բեթհովեն» ՄՅՈւ-ն պարտվեց. Մխիթարյանը բացակայում էր «Բազել» - «Մանչեսթր Յունայթեդ». ուղիղ միացում «Յուվենտուս» - «Բարսելոնա». ուղիղ միացում Չինաստանի Ցինտաո քաղաքում բացվել է ՀՀ համագործակցության գրասենյակ Դմիտրի Խվորոստովսկին սիրում էր Հայաստանը Միայն Հայաստանում է, որ շախմատի նկատմամբ նման մեծագույն սեր կա. Պսախիս Լևոն Արոնյանը ոչ-ոքի խաղաց Սվիդլերի հետ. Գրան Պրի Երևանը ներկայացրել է զբոսաշրջային ներուժը Ամմանում տեղի ունեցած միջազգային համաժողովին ՔԿՀ խցերում չնախատեսված խուզարկություններ են արվել. առգրավվել են հեռախոսներ և բուսական զանգվածներ Հայաստանի մարզերի աշակերտները մասնակցել են Թերի Ջորջի հետ զրույցին Տրանսպորտի, կապի ոլորտում Հայաստանի և Ռուսաստանի համագործակցությունը բարձր մակարդակի վրա է. նախարար Երեւանի մի շարք փողոցներում կերթեւեկենք միակողմանի. առաջարկը քննարկման է դրվել «Արևային էներգետիկան Հայաստանում զարգանում է երկրաչափական պրոգրեսիայով»
Այսօր Այս շաբաթ Այս ամիս
website by Sargssyan