Երևան, 20.Փետրվար.2018,
--
:
--
,

Այս տարի երեք հայ աշակերտ դիպլոմային ծրագրով ընդունվել են աշխարհի տարբեր համալսարաններ

Միջազգային բակալավրիատի դիպլոմային ծրագրի շնորհիվ աշխարհի 2000-ից ավելի ԲՈւՀ-եր առանց լրացուցիչ քննությունների ընդունում են հայ աշակերտներին։ 

2016 թվականին 12 աշակերտ դիպլոմային ծրագրի միջոցով ընդունվել են միջազգային տարբեր համալսարաններ, իսկ այս տարի` արդեն իսկ երեք հոգի։ 
Հայաստանում երեք դպրոց հնարավորություն ունեն մասնակցելու միջազգային բակալավրիատ ծրագրին՝ Շիրակացու ճեմարանը, «Քվանտ» վարժարանը և Դիլիջանի միջազգային դպրոցը։ 

Երևանում անցկացվում է Միջազգային բակալավրիատի ԱՊՀ երկրների 11-րդ ամենամյա համաժողովը։ ՄԲ ԱՊՀ երկրների ասոցիացիայի կողմից իրականացվող ամենամյա միջոցառման կազմակերպումն այս տարի ապահովում է Շիրակացու ճեմարան միջազգային գիտակրթական համալիրը, որը տարածաշրջանում ասոցիացիայի միակ անդամն է։ 
ՀՀ կրթության և գիտության նախարար Լևոն Մկրտչյանը լրագրողների հետ զրույցում ասաց, որ ծրագիրը իրականացվում է անգլերեն լեզվով։ 

«Արարատյան բակալավրիատը և միջազգային բակալավրիատը բաց պլատֆորմ են, և այստեղ տարբեր տիպի կրթական մոդելներ են աշխատում։ Միջազգային բակալավրիատի մոդելն աշխարհի համարյա բոլոր երկրներում կա, և այդ ծրագիրը ընդունվում է կոնկրետ թվով համալսարանների կողմից, և ծրագիրն իրականացվում է անգլերեն լեզվով։ Արարատյան բակալավրիատը ծրագիր է, որը ձևավորվել է Հայաստանում, Քեմբրիջի համալսարանի հետ բանակցելով, և Քեմբրիջի համալսարանը սա ճանաչել է իր ծրագրին համազոր ծրագիր»,- նշեց նախարարը։ 

Ե՛վ միջազգային բակալավրիատը, և՛ Արարատյան բակալավրիատը, և՛ տարբեր միջազգային ծրագրերը պետք է լուծեն երկու խնդիր՝ հանրակրթության մեջ զարգացնել անհատ երեխային ու կրթական համակարգը տվյալ երկրի տարածքում։ 

Նախարարն իր խոսքում նշեց, որ միջազգային բակալավրիատն այսօր Հայաստանում ամբողջությամբ իրականացնում է «Շիրակացու ճեմարան» միջազգային գիտակրթական համալիրը, «Քվանտ» վարժարանի մի մասն իրականացնում է իր ազգային ծրագիրը, իսկ ավագ դպրոցում իրականացնում է միջազգային բակալավրիատը։ 

«Մեր երկրի համար լավ է մեր ազգային կրթական համակարգը, որի մեջ ներառված կլինեն տարբեր ազգային կրթական ծրագրեր, քանի որ կրթությունը մեր դարում բազմաշերտ է ու բազմավեկտոր։ Մենք կրթություն պարտավոր ենք տալ և՛ շատ բարձր, հանճարեղ ընդունակություն ունեցող երեխաներին, և՛ միջին մակարդակի, այսինքն` պետք է ունենանք հանրակրթական համակարգ, որն իր կառուցվածքով լինի ցանցային, ուղղահայաց և հորիզոնական»,- ընդգծեց Լևոն Մկրտչյանը։ 

Համաժողովն ունի գիտաուսումնական նշանակություն, սա գիտական մտքի քննարկումների վայր է, որն արդեն դրական է։

«Շիրակացու ճեմարան»-ի սաներից մեկը՝ Շանտալ Ալ Հաբիբը, ով Հայաստան է եկել Սիրիայից և արդեն 4 տարի է ինչ ապրում են հայրենիքում։ Նա ընդունվել է Կանադայի Վանկուվեր քաղաքի համալսարաններից մեկը, ինչպես նաև Մեծ Բրիտանիայի համալսարաններից մեկը։ 

«Այս ծրագրի շրջանակներում ես հնարավորություն եմ ստացել համադրել իմ ստացած գիտելիքները և դրանց միջև առկա կապը, որն ինձ օգնեց դիմել այս ծրագրին։ Որոշել եմ բժշկություն սովորել։ Մենք այստեղ ենք եկել Սիրիայի Դամասկոս քաղաքից, մայրս էլ է հայ, վերադարձել ենք իր հայրենիք։ Այստեղ որոշեցի դիմել այս ծրագրին ու մնացինք Հայաստանում»,- ասաց Շանտալ Ալ Հաբիբը։  

Միջազգային կրթական համաժողովի ընթացքում Հայաստան են այցելել շուրջ 200 պատվիրակ Ռուսաստանի տարբեր քաղաքներից, Ղազախստանից և ոլորտի փորձագետներ, հյուրեր Ֆինլանդիայից, Վրաստանից, Թուրքիայից, այդ թվում՝ բարձրագույն ուսումնական հաստատ ությունների ղեկավարներ, պետական կառույցների և բիզնես ոլորտների ներկայացուցիչներ։ 

Համաժողովին մասնակցելու են Միջազգային բակալավրիատի համաշխարհային և եվրոպական կառույցների և բիզնես ոլորտների ներկայացուցիչներ։ 
«Շիրակացու ճեմարան» միջազգային գիտակրթական համալիրը միակն է, որի բոլոր երեք՝ տարրական, միջին և ավագ դպրոցները հավաստագրված են համապատասխանաբար Միջազգային բակալավրիատի՝ Primary Years Programme, Middle Years Programme և Diploma Programme ծրագրերով։ 

Միջազգային բակալավրիատը ոչ կառավարական, շահույթ չհետապնդող կազմակերպություն է, որն ունի խորհրդատվական կարգավիճակ Եվրոպայի խորհրդում և ՅՈւՆԵՍԿՕ-ում։ Այն միջազգային ճանաչում ունեցող հանրակրթական ամենահայտնի համակարգն է, որի ավարտական վկայականը հնարավորություն է տալիս առանց լրացուցիչ քննությունների ընդունվել աշխարհի մի շարք առաջատար համալսարաններ։ 1968 թվականին հիմնադրված համակարգն այսօր ներառում է 148 երկրի 4655 դպրոց։

loading...
Առաքելական Հայաստան. «Пешком» ծրագրի հերթական թողարկումը Ռուսաստանի, Իրանի և Թուրքիայի ԱԳ նախարարների հանդիպումը տեղի կունենա Աստանայում Ստամբուլի վճռաբեկ դատարանը «Սանասարյան հան» կառույցը հայ համայնքին վերադարձնելու վճիռ է կայացրել Իսրայելը եւ ԱՄՆ-ը տիեզերքում հրթիռների կալանման համալիր են փորձարկել ԱՄՆ-ը մտադիր Է մինչեւ 2023-ը տիեզերանավ ուղարկել Լուսնի շուրջը թռիչքի ՍԱՊԾ են հրավիրվել պետական գնումներով ծառայություններ իրականացնող կազմակերպությունների ներկայացուցիչները Նախնական հաշվարկներով «ՎՏԲ-Հայաստան» բանկի մասնաճյուղից հափշտակվել է շուրջ 8.5 մլն դրամ գումար ՆԱՏՕ-ի գլխավոր քարտուղարը Ռուսաստանին մեղադրել Է միջուկային սպառազինությունների մրցավազք հրահրելու մեջ Բելգիայում 81 բուհեր կասկածվում են «կեղծ» դիպլոմներ տալու մեջ. Libre Belgique Սերժ Սարգսյանն ընդունել է ՌԴ Արտաքին հետախուզության ծառայության տնօրենին Ցածր հասակը՝ ինսուլտի առաջացման ռիսկի գործո՞ն Հայաստանը բանակցում է Իրաքի հետ կրկնակի հարկումը բացառող համաձայնագրի ստորագրման շուրջ Facebook-ը կկրկնապատկի անվտանգությամբ զբաղվող մասնագետների թիվը Windows 10-ի պաշտպանությունն անառիկ չէ Թրամփ. Ամերիկա՛, խելացի եղիր, Մոսկվան ծիծաղում է մեզ վրա Սքանավորման նոր տեխնիկան բացահայտում է նկարների տակ թաքնված գաղտնիքները Ավստրալիայի կառավարության անդամներին կարգելվի ինտիմ կապեր ունենալ աշխատակիցների հետ Մեծ Բրիտանիայի ընկերությունների ղեկավարները Brexit-ի «փոխզիջումային» տարբերակ են առաջարկել «Հյուսիսային հոսք-2»-ը Էներգետիկական անվտանգության սպառնալիք չԷ. Մերկել Սիրիայի հումանիտար օգնությանը նվիրված խորհրդաժողով՝ ապրիլին Միլանում ուսանողը թռել Է մետրոյի գծերի վրա՝ փրկելու երեխային Victoria՚s Secret-ի մոդելները լուսանկարվել են գրեթե մերկ Մինի-տուն ոչ մեծ ընտանիքի համար. Բելառուսի բնակչի ստեղծագործությունը
Այսօր Այս շաբաթ Այս ամիս
website by Sargssyan