Երևան, 19.Հոկտեմբեր.2017,
--
:
--
,
Ադրբեջանի ընդդիմադիր «Մուսավաթ» կուսակցության նախկին առաջնորդն իր թեկնածությունը առաջադրելու է 2018-ի նախագահական ընտրություններում Արցախի ժողովուրդն իր անկախությունը հռչակել է միջազգային նորմերին և ԽՍՀՄ Սահմանադրությանը համապատասխան. Շարմազանով Նախագահը մասնակցել է Հայաստանի գիտության և տեխնոլոգիաների հիմնադրամի և ԱՄՆ գիտության ազգային հիմնադրամի աշխատաժողովին նվիրված գալա ընթրիքին Իրանը կարագացնի բալիստիկ հրթիռների մշակումը Իսպանիայի կառավարությունը Կատալոնիայի ինքնավարության կասեցման գործընթաց կսկսի Պաղեստինյան կառավարությունը պետք Է հայտարարի Իսրայելի ճանաչման մասին. Թրամփի ներկայացուցիչ ՏՏ ոլորտում ՀՀ Նախագահի մրցանակին այս տարի կարժանանա iPod-ի ստեղծող Թոնի Ֆադելը Հայաստանի և Ռուսաստանի միջև բեռների միջպետական փոխադրումները կիրականացվեն առանց թույլտվությունների ԼՂ գոտում ռազմական գործողությունները բացառելու համար կողմերը պետք է կյանքի կոչեն պայմանավորվածությունները. Քերի Քեվինո

«Երբ հասկացանք, որ Սիրիայից անպայման պետք է դուրս գանք, առաջին ու միակ միտքը Հայաստանն էր». սիրիահայ երիտասարդ


Մոտ մեկուկես տարի առաջ թողնելով իրենց անցյալն ու այն ամենը, ինչ ունեին պատերազմող Սիրիայում՝ Հայաստան է եկել Գևորգ Պարսումյանի ընտանիքը՝ ինքը, մայրն ու հայրը: Եղբայրը մինչ այդ արդեն սովորում էր Հայաստանում, իսկ քույրն իր ընտանիքով նույնպես Հայաստանում էր հաստատվել:

Մետրոպոլիտենի «Հանրապետության հրապարակ» կայարանի ստորգետնյա անցումի մի հատվածում սիրիահայերի կրպակներ կան: Այստեղ է նաև Գևորգի՝ սպորտային կոշիկների ու հագուստի վաճառքում մասնագիտացված խանութը՝ «Դինամիք սփորթը»: Խանութը գործում է 2 ամիս և 4 օր: Հագուստը Հայաստանում է կարվում՝ Գևորգի ընկերն այստեղ արտադրություն է դրել, իսկ սպորտային կոշիկները բերվում են Դուբայից՝ դրանք թե՛ ֆիրմային են և թե՛ օրիգինալների կրկնօրինակներ:

Երիտասարդն ասում է, որ սկզբնական շրջանում աշխատում էր գրասենյակում, որպես արաբերենի մասնագետ, սակայն դա տևել էր ընդամենը 2 ամիս: Նրա հայրը Սիրիայում թողել էր իր 30 տարվա պլաստմասսայե իրեր արտադրող գործարանը, որտեղ որդին մոտ 15 տարի աշխատել է:

«Հետո, որ պատերազմ եղավ, փակեցինք ամեն ինչ, եկանք այստեղ: Այն աշխատանքը, որ սկսած ես ընդամենը երկու ամիս առաջ, դժվար է պատասխան տաս՝ արդարացնո՞ւմ է, թե՞ ոչ: Վաճառքը լավ է, բայց շահի կողմեն չեմ կրնար ըսել մինչև 6 ամիսը չանցնի: Մենք ինչ եկամուտ ունինք էդ իբր դրամագլուխ վերածում ենք ապրանքի և փորձում ենք շատացնել խանութի տեսականին»,– պատմում է նա:

«Փաստի» այն հարցին, թե Հայաստան գալով ի՞նչ ակնկալիքներ ուներ՝ պատասխանեց. «Երբ Սիրիա այդ հարցը պատահեց, երկար ժամանակ փորձեցինք այնտեղ տոկալ, մնալ: Ի վերջո տեսանք, որ անպայման պետք է երկրից դուրս հելնենք: Առաջին ու միակ միտքը դա մեր հայրենիքն էր, չնայած մեր առջև իբր սիրիացի շատ տարբերակներ կային թե՛ Եվրոպայում և թե՛ Կանադայում»:

Սակայն նրանք նախընտրեցին այստեղ գալ: Առաջին պատճառն այն էր, որ իրենց հայրենիքն է սա, երկրորդը՝ Հայաստանում սովորող եղբայրն ու այստեղ հաստատված քրոջ ընտանիքը:

«Ծնողքս ուզեց, որ բոլորս մեկտեղ հաստատվենք, ապրենք: Ասի գալու պարագան էր: Ամեն մարդի կյանքի մեջ կարևոր է, որ գործ մը ունենա, առաջին շրջանը չկարողացա գործ մը գտնել, քանի որ դժվար էր ընտելանալ, ժամանակ կուզեր: Բավական ժամանակ «Վերնիսաժում» մեր փեսուն օգնեցինք՝ նա արծաթով է զբաղվում այստեղ: Արդեն մտածում էի՝ ինչ գործեր կարող եմ անել, մի 6 ամիս ուսումնասիրել եմ երկրի վիճակը, էս գործի շուկան»,– ասաց նա:

Որոշ ժամանակ անց Գևորգը հասկացավ, որ այս գործով կարող է փոքր քայլ անել ու առաջին բիզնեսը սկսել: Ասում է, որ շատ են ուզում մնալ Հայաստանում: Ըստ նրա՝ Հայաստանում ապրելու համար մարդու ձեռքին պիտի նվազագույն գումար լինի, որպեսզի կարողանա ամեն օր մի փոքր քայլ անել:

«Եվրոպա կամ Կանադա այդպես չէ: Այնտեղ, օրինակ՝ կարող ես մնալ, իբր բանվոր աշխատել մի քանի տարի, ոտքերուդ վրա կանգնիլ, բայց ստեղ էդ հնարավորությունը շատ քիչ ա: 90%–ը եթե դու կարաս քո անձնական ուժերով գործ մը անես, շատ ավելի լավ ա: Շատ բարձր մասնագիտություն պիտի ունենաս, որ ըլլա հայկական կամ եվրոպական հաստատություններում աշխատես և լավ ամսականով կարողանաս ստեղ ապագադ շտկել»,– նկատեց մեր զրուցակիցը:

Պատմում է, որ ընկերն արդեն 6 տարի է այստեղ հագուստի արտադրությամբ է զբաղվում: Այդ հագուստներն է վաճառում իր խանութում: «Հիմա ես ալ եկա, իրա հետ միացա, որ միանաս ավելի ուժը կշատանա, ավելի տարբեր մտքեր ու ծրագրեր ունինք՝ տեսականին շատացնելու կամ դրսից բերելու այստեղ: Հուսով եմ, որ ապագային կարանք սպորտային կոշիկ ստեղ սկսիլ արտադրիլ»,– նշում է սիրիահայ երիտասարդը:

Ասում է, որ ամենակարևոր բանը անկախ նրանից, թե ուրիշի մոտ ես աշխատում, ավտոմեքենա ես վարում, թե սեփական բիզնես ունես, այն է, որ մարդ հասկանա՝ ամեն ինչ ժամանակ է պահանջում: Այստեղ գալով՝ սիրիահայերը ամեն ինչ համեմատում էին Սիրիայի հետ, որտեղ իրենք 20–30 տարվա խանութներ ունեին ու ճանաչված մարդիկ էին: Ըստ Գևորգի, սակայն, սխալ է համեմատել 6 միլիոնանոց Հալեպը Երևանի հետ:

«Սխալ է բաղդադելը ստեղի հետ: Էնտեղ հարևան երկրների հետ հարաբերությունները լավ են եղել, ստեղ մենք թշնամիի կողքն ենք: Այս բոլորը եթե համոզվիս և դուն եթե ուզում ես հայրենիքում ապրիս՝ անպայման ձև մը կգտնես: Առաջին մի քանի տարիները դժվար կըլլա, բայց հետո անպայման հաջողության կհասնես»,– նշում է նա,– «Ես հստակ կնեղվիմ, որովհետև կորցրել եմ իմ գործս, իմ շրջապատս, իմ տունս, իմ կյանքս մի խոսքով: Բայց ծնողքիս համար ավելի մեծ ցավ է, իրենք ավելի խորքից են դա զգում, որովհետև իրենց 50 տարվա ապրած կյանքը թողել–եկել են: Ես կարողացա լրիվ գիծ քաշել անցյալի վրա, զրոյից ամեն ինչ սկսել և կամաց–կամաց հաջողություններ ունենալ: Միայն որ տուն վերցնենք, ավելի վստահ կլինենք: Այդ մտքով ենք ապրում՝ տուն վերցնենք, գործս շարունակեմ, եղբայրս ավարտի, կարծում եմ վերջնական դրսի էջերը փակել ենք, միայն պտույտ անելու կգնանք»:

Ասում է, որ տեղի բնակչությունը շատ լավ է վերաբերվում իրեն, իսկ իմանալով, որ դրսից է եկել ու կարողացել է նման գործ ձեռնարկել՝ քաջալերում են: Իհարկե, նշում է, որ մի մասն էլ այլ վերաբերմունք ունեն, ինչի պատճառը տարբեր բնավորություններ, սովորույթներ ունենալն ու տարբեր միջավայրերում ապրած լինելն է:

«Իրենք սովետից ելած էին, էս 20 տարվա մեջ նոր շունչ կքաշեն, մենք այնտեղ արաբների մեջ մեծացած ենք, մենք արաբներից ենք մի քանի բան քաղել, իրենք՝ սովետից: Ես շատ հանգիստ ինտեգրվել եմ ստեղի հայերի հետ, ընկերներիս 50%–ն էլ ստեղից են»,– հավելեց նա:


ՔՐԻՍՏԻՆԱ ՏԵՐ–ՄԱԹԵՎՈՍՅԱՆ

loading...
Ադրբեջանի ընդդիմադիր «Մուսավաթ» կուսակցության նախկին առաջնորդն իր թեկնածությունը առաջադրելու է 2018-ի նախագահական ընտրություններում Ավստրալիան երկար տարիներ սատարել է ԵԱՀԿ ՄԽ խաղաղ ջանքերին ԼՂ հակամարտության հարցում. ավստրալացի պատգամավոր Արցախի ժողովուրդն իր անկախությունը հռչակել է միջազգային նորմերին և ԽՍՀՄ Սահմանադրությանը համապատասխան. Շարմազանով Նախագահը մասնակցել է Հայաստանի գիտության և տեխնոլոգիաների հիմնադրամի և ԱՄՆ գիտության ազգային հիմնադրամի աշխատաժողովին նվիրված գալա ընթրիքին Իրանը կարագացնի բալիստիկ հրթիռների մշակումը Թուրքիան «ցանկացած պահի» կարող Է փակել Իրաքյան Քրդստանի հետ սահմանը. Էրդողան Իսպանիայի կառավարությունը Կատալոնիայի ինքնավարության կասեցման գործընթաց կսկսի Պաղեստինյան կառավարությունը պետք Է հայտարարի Իսրայելի ճանաչման մասին. Թրամփի ներկայացուցիչ FAST-ը առաջիկա 5 տարում 250 միլիոն դոլարի ներդրում է նախատեսում Հայաստանում ՏՏ ոլորտում ՀՀ Նախագահի մրցանակին այս տարի կարժանանա iPod-ի ստեղծող Թոնի Ֆադելը Հայաստանի և Ռուսաստանի միջև բեռների միջպետական փոխադրումները կիրականացվեն առանց թույլտվությունների Հայաստանի քաղաքացիները կկարողանան հանրաքվե պահանջել Համայնքային զարգացման կենտրոն հիմնելու համար կառավարությունը Տեղ գյուղին կտրամադրի կառույց ԼՂ գոտում ռազմական գործողությունները բացառելու համար կողմերը պետք է կյանքի կոչեն պայմանավորվածությունները. Քերի Քեվինո Տրանսպորտային միջոցների վերահաշվառման թույլտվությունը 1 ամսվա փոխարեն կտրամադրվի 10 օրվա ընթացքում ԱՄՆ-ը հայտարարել են, որ ահաբեկիչները նոր «սեպտեմբերի 11» են պատրաստում Առողջապահական 2 հիմնարկների միավորման արդյունքում կտնտեսվի 9 մլն դրամ Վարչապետը հանձնարարեց տրամաբանական չափով ազատականացնել անտառահատումներն ու իրականացնել կոշտ վերահսկողություն Նախագահ Սերժ Սարգսյանը ստորագրել է Ազգային ժողովի ընդունած մի շարք օրենքներ Բոլորիս առաջ է մղում մի նպատակ՝ ունենալ առաջադեմ ազգ․ վարչապետ Գյուղական բնակչության թիվը նվազել է Երևանում հակասրճարան այցելելը մոդայիկ է, մարզում՝ ավելորդ ծա՞խս Թանկացումներ դիզվառելիքի շուկայում. ինչո՞ւ ոլորտը չի կարգավորվում Լարիսա Ալավերդյան. «Եթե այս օրենքը դրսի պահանջ է, ապա մեզ համար ամոթ է» Պատմական էքսպերիմենտ՝ Հայաստանի դեպքում
Այսօր Այս շաբաթ Այս ամիս
website by Sargssyan