Ереван, 23.Июль.2017,
--
:
--
,

Մաքսատուրքի պատճառով է Հայաստանում ոսկու գինը բարձր, համոզված է սիրիահայ բիզնեսմենը



Պետություն–մասնավոր հատված երկխոսության շրջանակներում անցյալ շաբաթ ՀՀ տնտեսական զարգացման և ներդրումների նախարար Սուրեն Կարայանը հանդիպել էր ոսկեգործության ոլորտի ներկայացուցիչների հետ:

Հանդիպման ժամանակ ոսկերչական բիզնեսում զբաղված անձինք, որպես ոլորտի բացեր հիմնականում նշել են հայկական դրոշմավորման հետ կապված խնդիրները և մաքսային ընթացակարգերի դյուրացման խնդիրները: Նախարարի կողմից առաջարկ է եղել օդանավակայաններում «մեկ պատուհանի» սկզբունքի կիրառման հնարավորություն ստեղծելու, ինչը դրական է գնահատվել ոսկեգործների կողմից:

Հաշվի առնելով, որ տարիներ առաջ Հայաստան ներգաղթած սիրիահայերից շատերը ոսկերիչներ են, ովքեր Հայաստան տեղափոխվելուց հետո շարունակում են զբաղվել այդ բիզնեսով, «Փաստը» զրուցեց սիրիահայ գործարար Հարություն Պալապանյանի հետ: Նա թեև չի մասնակցել նախարար Ս. Կարայանի կազմակերպած հավաքին, սակայն բավականին հարցեր ունի և չգիտի թե ում կարող է դիմել իր հարցերի պատասխանները ստանալու համար:

 Հարությունն ասաց, որ եթե Սիրիայում ոսկու բիզնեսով կարողացել է տուն, խանութ գնել, ապա Հայաստանում ոսկու բիզնեսով զբաղվելն այդքան էլ շահութաբեր չէ: Այստեղ ոսկու առևտուրը սեզոնային է: Ամռան ամիսներն են ամենաեկամտաբերը: Իսկ մնացած ժամանակ, մի կերպ են բիզնեսը ոտքի վրա պահում, քանի որ տեղացիներն առանձնապես շատ ոսկի չեն գնում: Եվ ամառվա ամիսներից բացի, մնացած ամիսների եկամուտն այնքան է, որ սիրիահայ ոսկերիչները կարողանում են ընդամենն իրենց տան և կոմունալ վարձերը վճարել ու սնվել:

«Սիրիահայ ոսկերիչներ կան, ովքեր տեղ են վարձել և ոսկերչությամբ են զբաղվում, սակայն բիզնեսն ընդլայնելու համար նրանց գումար է հարկավոր: Ժամանակին պետությունը ցածր տոկոսադրույքով վարկեր տրամադրեց սիրիահայերին, և եթե հիմա էլ նման հնարավորություն տրվեր, շատերը կկարողանային իրենց բիզնեսներն ընդլայնել»,– ասաց Հարություն Պալապանյանը:

Սիրիահայ ոսկերիչը գրանցված անհատ ձեռնարկատեր է, աշխատում է և կարողանում է վճարել իր հարկերը: Բայց երբ ստիպված միանգամից թողել եկել են Հայաստան, չեն կարողացել իրենց ապրանքները բերել:

«Սիրիայում բավականին ոսկի ունեմ պահ տված տարբեր մարդկանց մոտ: Հիմա ես չգիտեմ, թե ինչպես կարող եմ իմ ոսկին օրենքով բերեմ Հայաստան: Այ դա է իմ խնդիրը»,– ասաց սիրիահայը:

Խոսելով ցածր տոկոսադրույքով սիրիահայերին վարկեր տրամադրելու մասին, նրան հիշեցրինք, որ սիրիահայերից շատերը վարկերը ստանալուց հետո, գումարները հետ չվերադարձրին և Հայաստանից տարբեր երկրներ արտագաղթեցին: Հ. Պալապանյանն ասաց, որ նման սիրիահայերի պատճառով այսօր տուժում են Հայաստանում մնալու ցանկություն ունեցողները:

«Ես չգիտեի, թե ում պետք է դիմեմ, և ես չեմ ստացել նման գումարներ: Միայն լսում էի, որ նման բան կա: Բայց եղան մարդիկ, ովքեր գումարներ վերցրին ու գնացին երկրից: Դա շատ ամոթալի արարք էր: Եվ հիմա նրանց պատճառով այն մարդիկ են տուժում, ովքեր որոշել են մնալ և հաստատվել Հայաստանում»,– ասաց վարպետ Հարությունը:

Արմինե Գրիգորյան

loading...
Депутат в шелках и миллиардных долгах Данные ЦАМТО ошибочны- у Армении есть “Искандер” и “БУК” Министр обороны доложил президенту о старте новой программы социальной помощи семьям погибших или ставших инвалидами военнослужащих Карен Карапетян подчеркнул важность проектов, направленных на качественные изменения в сфере ИТТ Саакашвили уходит с поста губернатора Одесской области, виной тому – Порошенко Телеканал «Россия»: Россия и Армения ведут честную игру КРОУ склонна к снижению тарифа на электроэнергию Республиканская партия Армении не пойдет на кардинальные изменения во внешней или внутренней политике Виталий Баласанян назначен секретарем Совбеза НКР Для необеспеченных слоев населения тариф на газ составил 100 драмов Обновление ОДКБ идет на пользу Армении Президент потребовал постоянного внимания к регулированию дорожного движения "Газпром Армения" представила основные цели и факторы изменения газовых тарифов Азербайджан применил на линии соприкосновения гранатометы Армения – единственная в мире страна, где «воров в законе» не сажают – российская пресса «Газпром Армения» обратится в КРОУ по вопросу о пересмотре газовых тарифов Азербайджан более 55 раз нарушил режим перемирия Новая книга о Карсе и необходимости переосмыслить идею независимости Первопрестольный Эчмиадзин хотел бы видеть на престоле Константинопольского патриарха епископа Саака Машаляна Российские и сирийские ПВО выдворили турок из воздушного пространства Сирии Китайский М20 не может стать реальным конкурентом «Искандера»: его качество сомнительно Согласится ли Гагик Царукян возглавить новую партию? Новое кадровое назначение: главу ГСБПП Армена Айрапетяна сменит Ишхан Карапетян В приграничном Кохбе освящена новая церковь Сурб Григор Лусаворич Тема карабахского урегулирования уже давно не обсуждается в ходе встреч президентов (видео)
Сегодня За неделю За месяц
website by Sargssyan