Երևան, 19.Օգոստոս.2017,
--
:
--
,

Չնայած Իսրայելի ժխտողականությանը՝ իսրայելցիները հաստատապես ճանաչում են Հայոց ցեղասպանությունը. Յաիր Աուրոն

Թեև Իսրայել պետությունը ժխտում է Հայոց ցեղասպանությունը, սակայն իսրայելցիներն այս հարցում ողջ հայերի կողքին են: Հրեա ժողովուրդը հաստատապես ճանաչում է Հայոց ցեղասպանությունը: Այս մասին «Արմենպրես»-ի հետ զրույցում ասաց իսրայելցի հետազոտող և դասախոս, ցեղասպանագետ Յաիր Աուրոնը:

«Վստահաբար կարող եմ ասել, որ Իսրայելը այս և գալիք տարիներին չի ճանաչի Հայոց ցեղասպանությունը, ինչը խոր ցավ ու ամոթ է ինձ համար: Սակայն Իսրայելի ժողովուրդն իմ մոտեցումն ունի և հարյուր տոկոսով մեզ հետ է: Մինչև 30 տարի առաջ ժողովուրդը գաղափար անգամ չուներ հայերի ցեղասպանության մասին, բայց հիմա բոլորը գիտեն: Այդ տարիներից սկսած բազմաթիվ լրագրերում, հեռուստաեթերում սկսեցին խոսել այդ մասին: Ժողովուրդն էլ կարդալով, լսելով, եկավ այն եզրակացություն, որ հայերի ցեղասպանությունն իսկապես եղել է: Այսօր հրեական համալսարաններում և դպրոցներում անցնում, ուսումնասիրում են միայն հրեաների ցեղասպանությունը և ոչ հայկականը: Սակայն այն համալսարանում, որտեղ ես եմ դասավանդում, արդեն բացել եմ մի ճյուղ, որ խոսվի, քննարկվի Հայոց ցեղասպանության մասին»,-ասաց Յաիր Աուրոնն ու հավելեց, որ արդեն հարյուրավոր ուսանողներ են ավարտել համալսարանն, ովքեր գիտեն Հայոց ցեղասպանության մասին: 

Ցեղասպանագետը Մեծ եղեռնով սկսել է հետաքրքրվել, երբ առաջին անգամ 1986 թվականին լրագրում կարդացել է, որ Իսրայելը Թուրքիայի կողմնակիցն է և ժխտում է Հայոց ցեղասպանությունը: Նրա համար անհասկանալի է եղել իր պետության՝ Իսրայելի ժխտողականությունը: Յաիր Աուրոնը կարծում է, որ հայերը պետք է շարունակեն պայքարը մինչև մյուս երկրներն ու ժողովուրդներն էլ ճանաչեն այն: Նա ընդգծում է, որ ժխտողականությունը միայն հայերի և թուրքերի խնդիրը չէ, այն միջազգային հարց է և պատկանում է մյուս ազգերին ևս:

Խոսելով միջազգային հանրության դիրքորոշման մասին՝  Յաիր Աուրոնը նշում է, որ Միացյալ ազգերի կազմակերպությունում կա մոտ 200 երկիր, որոնցից ընդամենը 2-3 տասնյակն են ճանաչել Հայոց ցեղասպանությունը, ինչը մեծ ամոթ է մարդկության համար:

«Հայոց ցեղասպանության ճանաչումը ողջ մարդկության խնդիրն է: Սա քաղաքականությունից վեր  բարոյական խնդիր է: Ամբողջ մարդկության համար բացասական կետ է թեկուզ մեկի ժխտողականությունը: Իմ հայ եղբայրներին խորհուրդ եմ տալիս պայքարել  դրա դեմ»,-ասաց  Յաիր Աուրոնն ու նշեց, որ այդ պայքարում պետք չէ կենտրոնանալ միայն ժխտողականության վրա, պետք է որպես պայքարի ձև օգտագործել այն հարստությունը, որն ինքը հասցրել է տեսնել Հայաստանում՝ Կոմիտասի կողքին գտնվող բազմաթիվ գրողներին, երգիչներին…

Աննա Գրիգորյան

loading...
Nyut.am-ի խմբագրակազմն արձակուրդ է գնում Մխիթարյանը բարձր է գնահատել հայ երկրպագուների աջակցությունը ԱՄՆ-ում Հարլեմ Դեզիրը վերստին հորդորել է Թուրքիային ազատ արձակել լրագրողներին Հայկական ֆիլմերի շաբաթ է անցկացվել Իրանի երեք քաղաքներում Russia Today-ի հետ համագործակցող լրագրողը Սիրիայում զոհվել է ԻՊ-ի գնդակոծությունից Հաստատվեց սոցիալական փաթեթի բժշկական սպասարկման նոր մոդելը. մանրամասնում է առողջապահության փոխնախարարը Բարձր ջերմային ֆոնը և բարձր կարգի հրդեհավտանգ իրավիճակը կպահպանվեն Գետի հունը բարձրացել է և քշել քաղաքացուն. հարուցվել է քրեական գործ Ինչո՞ւ է հայազգի Մամհութ Քոնուքն արդարություն փնտրում Անկարայի փողոցներում Ուկրաինան Այվազովսկու 200-ամյակին գեղարվեստական փոստային նամականիշ է թողարկել Հայաստանում առաջիկա օրերին օդի ջերմաստիճանը նորմայից բարձր կլինի 4-6 աստիճանով Ուկրաինական ինքնաթիռն Աֆրիկայում կործանվել է ԱՄՆ-ի հետախուզությունը Իրանի կողմից հրթիռակրի արձակումն անհաջող է համարում Վախճանվել է դերասանուհի, դրամատուրգ Աննա Պետրոսյանը Մանուկ Սիմոնյանի սպանության գործով մեղադրանք է առաջադրվել նրա կնոջը, որդին ազատվել է արգելանքից Եվրասիայում բոլորովին նոր քարտե՞զ կգծվի Օդաչու Ակոպովը կպարգևատրվի արիության մեդալով. Ուկրաինայի նախագահն անձամբ է զանգահարել նրան Թուրքական Քեմերի հյուրանոցներից մեկում հրդեհ է բռնվկվել. 400 մարդ տարհանվել է Անցած շաբաթվա ընթացքում Արցախի և Ադրբեջանի զորքերի շփման գոտում հարաբերական հանգիստ է եղել Գնդապետը ոչ թե հեռացվել է, այլ՝ թոշակի է անցել, նա ոչ թե «գրավել», այլ մուտք է գործել սեփական հյուրանոց Սևանի ափամերձ անտառների ջրածածկվող հատվածներում այս տարի կատարվել է 10 հեկտար անտառմաքրման աշխատանքներ Հայաստանը ներկայացուցիչ կունենա C4F Davos մրցանակաբաշխության ժյուրիում Ադրբեջանի արտաքին պարտքը հասել է ՀՆԱ 20,4 տոկոսին Հիմա էլ Բաքուն կպավ «Halo Trust»-ին Մեղադրվողների քանակը չի համապատասխանում տուժողների քանակին
Այսօր Այս շաբաթ Այս ամիս
website by Sargssyan