Երևան, 25.Մայիս.2018,
--
:
--
,

Ալեքսանդր Մարկարով. «Երևանի ընտրողը կնախընտրի ՀՀԿ կամ «Ելք», ոչ թե՝ «Ելք» կամ «Երկիր Ծիրանի»»



Քաղաքագետ Ալեքսանդր Մարկարովի դիտարկմամբ մայիսին կայանալիք Երևանի ավագանու ընտրությունները կլինեն այնպես, ինչպես լինում են բոլոր ընտրությունները՝ համապատասխան քաղաքացիները կմասնակցեն ընտրություններին և կընտրեն այն թեկնածուներին, որոնք առաջարկված կլինեն այն կուսակցությունների կողմից, որոնք որոշել են, որ քաղաքական գործընթացը ոչ միայն համապետական ընտրությունների մասնակցությունն է, այլ նաև քաղաքային քաղաքականությանը մասնակցություն ունենալը:
«Ինչպես ամերիկացիներն են ասում՝ քաղաքականությունը դա տեղական քաղաքականությունն է: Մեր մոտ կան կուսակցություններ, ովքեր դիտարկում են քաղաքականությունը որպես մշտապես գոյություն ունեցող քաղաքական գործընթաց: Այսօր անհրաժեշտ է ներկայանալ քաղաքացիներին որպես քաղաքական ուժ անընդհատ: Կան քաղաքական ուժեր, որոնք դիտարկում են իրենց մասնակցությունը քաղաքական կյանքի մեջ որոշակի պարբերականությամբ: Ցավոք, քաղաքականությունը այդպիսին չի լինում»,– նշեց նա:

Ըստ Մարկարովի՝ արդյունքում այն քաղաքական կուսակցությունների արդյունքները, որոնք պարբերաբար են որոշում մասնակցել քաղաքականությանը, հաջորդ ընտրություններում գոհացուցիչ չեն:

«Փաստի» այն հարցին, թե անցած և առաջիկա ընտրությունների միջև համեմատական եզրեր տեսնո՞ւմ է, թե ոչ՝ քաղաքագետը պատասխանեց, թե տարբերությունը խնդիրների և ներկայացվող հարցերի բնույթն է լինելու, որոնց անդրադառնալու են ավագանու ընտրություններին մասնակցող քաղաքական ուժերը:

«Պարզ է, որ նյութը, բովանդակությունը որոշ չափով տարբերվելու է այն հարցերից, որ քննարկվում են խորհրդարանական ընտրությունների ժամանակ: Սկզբունքորեն, եթե մենք վերցնում ենք ընտրությունները որպես քաղաքական գործընթաց, դա մրցակցություն է տարբեր քաղաքական ուժերի միջև: Նրանք փորձում են ցույց տալ, որ իրենց կողմից ներկայացվող լուծումները ավելի արդյունավետ են, քան այլ քաղաքական ուժերի կողմից ներկայացվող լուծումները:

Նմանությունը այն է, որ բոլորը կփորձեն վաճառել իրենց սեփական լավագույն կողմերը: Տարբերությունն էլ կլինի խնդիրների բնույթը, որը ներկայացվում է ավագանու և խորհրդարանական ընտրությունների ժամանակ»,– ասաց նա:

Քաղաքագետի կարծիքով ավագանու ընտրություններին մասնակից երկու ընդդիմադիր ուժերի՝ «Երկիր Ծիրանիի» և «Ելքի» միջև էական տարբերություն կա, որովհետև «Ելքի» բաղադրիչների համատեղ քաղաքական գործունեության փորձը մենք տեսել ենք: «Երկիր Ծիրանին» այսօր դեռ նորաստեղծ, նորածին քաղաքական ուժ է, այնտեղ առկա է առայժմ միայն մեկ մարդ, որի անունը հայտնի է շատերին, սակայն դեռ անհայտ է, թե ինչ ծրագիր կարող է այն ներկայացնել: Ըստ քաղաքագետի՝ կլինի քննադատություն, սեփական ծրագրերի ներկայացման փորձ, բայց կլինի նաև հանդիպում իրականության հետ:
«Ուշադրություն դարձրեք, թե ինչ հրապարակումներ եղան խորհրդարանական ընտրություններից հետո և կտեսնեք, որ «Ելքը» ունի բավական հետաքրքիր ընտրական բազա նաև Երևանում: Հաշվի առնելով այդ, իրենց խնդիրը լինելու է այն, որ փորձեն պահպանել այն ընտրազանգվածը, որը քվեարկել է իրենց օգտին խորհրդարանական ընտրությունների ժամանակ:

Մյուս կողմից, «Հանրապետական» կուսակցությունը ակնկալում է ստանալ մեծամասնության քվեն, բայց այս պարագայում այն հանգամանքը, որ չեն մասնակցում այլ քաղաքական ուժեր, դեռ չի նշանակում, որ անհրաժեշտ է ավելի քիչ ուժ ու եռանդ ծախսել այս ընտրությունների վրա»,– նշեց նա:

Մեր այն հարցին, թե «Ելքն» ու «Երկիր Ծիրանին» մեկը մյուսից ձայներ չե՞ն խլելու և այդպիսով չե՞ն օգնելու Հանրապետականին, Մարկարովը պատասխանեց՝ ոչ, որովհետև ըստ նրա՝ «Երկիր Ծիրանին» այն քաղաքական ուժը չէ, ում օգտին ռացիոնալ ընտրողը իր ձայնը կտա՝ շատ լավ գիտակցելով, որ մեկ քաղաքական գործիչից ներկայացված քաղաքական ուժը հանդես է գալու որպես երկպառակտված քաղաքական ուժ. «Երևան քաղաքի ընտրողը ավելի ռացիոնալ է: Նա ընտրություն կկատարի ավելի շատ ՀՀԿ–ի ու «Ելքի» միջև, կնախընտրի ՀՀԿ կամ «Ելք», այլ ոչ թե՝ «Ելքը» կամ «Երկիր Ծիրանին»:

ՔՐԻՍՏԻՆԱ ՏԵՐ–ՄԱԹԵՎՈՍՅԱՆ

loading...
Տեղի է ունեցել կոռուպցիայի նվազեցմանն ուղղված աշխատանքային հանդիպման երկրորդ փուլը Արա Վարդանյանը «Հայաստան» համահայկական հիմնադրամի գործադիր տնօրենի պաշտոնում կլինի ևս 3 տարի Փաշինյանի հետ հարաբերություններին երբևիցե սուր չեն եղել, Բաբլոյան Դեղերի, բուժտեխնիկայի և բուժական մեթոդների գովազդի թույլտվության տրամադրման կարգը կփոխվի Բաբլոյանը վստահեցնում է՝ ՀՀԿ նախագահի փոփոխության հարց չկա օրակարգում Հայաստանի և Երևանի դրոշները տիեզերքում են Թող իրականան ձեր ապագայի բոլոր ծրագրերը. Արա Բաբլոյանի ուղերձը շրջանավարտներին Ադրբեջանում համաներում ստացածների մեջ կան նաև ՌԴ քաղաքացիներ Այսօր հնչող դպրոցական վերջին զանգը ձեզ առաջնորդում է երազանքի Հայաստան. ՀՀ նախագահի ուղերձը Էդմոն Մարուքյանը ներկայացրեց Ընտրական օրենսգրքում փոփոխությունների իր տեսլականը Ազատ և երջանիկ Հայաստան կառուցելու գործընթացն անշրջելի է. Նիկոլ Փաշինյան Վարչապետը ներկայացրել է ՀՀ զինված ուժերի գլխավոր շտաբի պետին Բնապահպանները կազմել են Եվրոպայի քաղաքների Էկոշարժունակության վարկանիշը Մանե Թանդիլյանը կառավարությանն առաջարկել է կուտակային համակարգի պարտադիր նորմը հետաձգել մեկ տարով Մովսես Հակոբյանը նշանակվել է գլխավոր ռազմական տեսուչ Նիկոլ Փաշինյանը նոր փոխնախարարներ է նշանակել Գարեգին Չուգասզյանը դադարեցրել է հացադուլը Հերթական անգամ կանխվել է Իրանից Ադրբեջան թմրանյութերի խոշոր խմբաքանակի ներկրումը Նիկոլ Փաշինյանը հյուրընկալել է Ամենայն Հայոց Կաթողիկոսին ՊԵԿ նախագահը կոչ արեց դրական տեղաշարժերը չպայմանավորել պաշտոնյաների անձերով Կարո Եղնուկյանը 10 միլիոն դրամ գրավ մուծելու դեպքում ազատ կարձակվի Հայաստանի Հանրապետությունում քաղբանտարկյալներ չպետք է լինեն. ՀՀ նախագահ «Մենք պետք է բացառենք քաղբանտարկյալների առկայությունը Հայաստանում». Վարչապետն անդրադարձավ ՄԻԵԴ վճռին Ֆրանսիան ապօրինի Է համարում ԱՄՆ-ի պատժամիջոցները Իրանի հետ գործակցող եվրոպական ընկերությունների դեմ
Այսօր Այս շաբաթ Այս ամիս
website by Sargssyan