Երևան, 27.Ապրիլ.2017,
--
:
--
,

Տեր–Պետրոսյանը «դաստիարակում է» քաղաքական տգետներին







Հայաստանյան հետընտրական մի շարք մտայնությունների ֆոնին` համառոտ հոդված է հրապարակել առաջին նախագահ Լևոն Տեր–Պետրոսյանը: Երեք առանցքային կետերով Տեր–Պետրոսյանն անդրադարձել է ընտրակաշառքների շուրջ որոշ քաղաքական ուժերի ու գործիչների դրսևորած վարքագծին, որոշակի տեղեկատվական ու հասարակական–քաղաքական հարթակներում հայաստանցի–ղարաբաղցի տարանջատման դրսևորումներին ու պատերազմական վիճակի և զինադադարի տարբերությունները չպատկերացնողներին:

Պետք է շեշտել, որ Տեր–Պետրոսյանի հոդվածը բարդ և խորը քաղաքական գիտական վերլուծություն չէ, այլ շատ մատչելի լեզվով, պարզ ճշմարտության շարադրանք: Թերևս քաղաքական որոշակի շրջանակների մոտ համապատասխան գիտակցական մակարդակի առկայության պարագայում նման հոդվածի կարիք չէր լինի: Սակայն հայաստանյան քաղաքական դաշտը, բնականաբար, շարունակում է զարմացնել:

Տեր–Պետրոսյանը, գրեթե անգրագետ երեխային տառերը սովորեցնելու տոնայնությամբ, բացատրում է, որ երբեք չի կարելի է մեղադրել ժողովրդին, չի կարելի է զազրախոսել ժողովրդի մասին, չի կարելի պիտակներ կպցնել հասարակությանը կամ նրա որոշակի հատվածին: Բազմաթիվ արատավոր երևույթներ կան, որոնց թվում և ընտրակաշառքը, չնայած այն փաստին, որ ի հայտ են գալիս հասարակության ակտիվ մասնակցությամբ, սակայն բոլորովին այլ են դրանց հիմնապատճառները:

Հենց այս պատճառների մասին պետք է մտածեն և հենց այդ պատճառները պետք է արմատախիլ անեն բոլոր այն ուժերն ու գործիչները, որոնք առանց երկմտելու մի ամբողջ հասարակության հայտարարում են ծախվող կամ վաճառված` չհասկանալով հաճախ, որ ընտրակաշառքը շատ ավելի բարդ երևույթ է, քան իրենք պատկերացնում են: Հենց այս մասին էլ խոսում է Տեր–Պետրոսյանը:

Մոտավորապես նույն տրամաբանությամբ Տեր–Պետրոսյանն անդրադառնում է ղարաբաղցի–հայաստանցի տարանջատումներին ու ամենայն մանրամասնությամբ, այսպես ասած, բացատրական աշխատանքներ տանում:

Ըստ էության, պետք է նշել, որ Տեր–Պետրոսյանի` նման հոդվածների կարիքը ընդհանրապես չէր լինի, եթե հայաստանյան հասարակական–քաղաքական դաշտում քաղաքական գործիչները, քաղաքագետներն ու թեկուզ նաև լրագրողները, գոնե մոտավոր պատկերացում ունենային արծարծվող հարցերի վերաբերյալ և այդ պատկերացումներին համապատասխան որևէ միտք կամ կարծիք արտահայտեին: Հակառակ դեպքում ստացվում է այնպես, որ արդեն Լևոն Տեր–Պետրոսյանն է սկսում տարրական հարցերը պարզաբանել հրապարակումով:

Թերևս անգամ այս պարագայում էլ հարց է մնում, թե հասու դարձա՞վ արդյոք նման շրջանակներին առնվազն այն, որ երևույթների մասին կարծիք հայտնելուց, հասարակությանը կամ ժողովրդին պիտակավորելուց առաջ, գոնե պետք է մի քիչ կրթվել, կարդալ, հավասարակշռվել, հետո նոր հանդես գալ հայտարարությամբ կամ որևէ տեքստով:

ԱՂԱՍԻ  ՄԱՐԳԱՐՅԱՆ

loading...
Գողություն` «Միստր Գիրոսից» Ագրամունտն արեց իր գործը, Ագրամունտը կարող է հեռանալ Եռակողմ հանդիպմանը համաձայնելը Հայաստանի կողմից զիջում է «Զվարթնոցում» մաքսայինն աշխատում է հին ու «բարի» ավանդույթով Բացե՞լ, թե չբացել. ո՞րն է խնդիրը. Մշակույթի գործիչ Գեղամ Մելիքսեթյանը` Օպերայի շենքում ռեստորան բացելու վերաբերյալ Հրաչյա Հարությունյանին ոչ թե արտահանձնում են, այլ փոխանակում` ՌԴ քաղաքացու հետ ՀՀԿ– ՀՅԴ նոր կոալիցիան «կփրկի՞» իշխանության դեմքը, թե՞ «կցորդի» կարգավիճակ կապահովի ՀՅԴ–ի համար Հայաստանում ժողովրդական ապստամբություն կսկսվի, եթե կառավարությունը լսի ՎիվաՍել–ՄՏՍ–ին «Աստղային պատերազմների» նոր մասը կցուցադրվի 2019 թվականի մայիսի 24-ին Պոլ Պոգբան չի մասնակցի «Մանչեսթեր Սիթի»-ի դեմ հանդիպմանը Բարսելոնան հաղթեց 7:1 հաշվով. 3 դուբլ և Մասկերանոյի գոլը Մասկերանոն առաջին գոլն է խփել Բարսելոնայի կազմում (տեսանյութ) Նախարար Սեբաստիան Կուրցը Վիեննայում հանդիպում է կազմակերպել ապրիլի 24-ի կապակցությամբ ՍԱՊԾ-ն խոստանում է շարունակել վերահսկողությունը մինչև ադրբեջանական խնձորի ամբողջ խմբաքանակը շուկայից հանելը Սուրբ Աթոռում ՀՀ դեսպանի մասնակցությամբ կայացել են Հայոց ցեղասպանության 102-րդ տարելիցին նվիրված միջոցառումներ Իր գործելակերպը թուրքական վարչակարգը շարունակում է նաև Սիրիայի ժողովրդի դեմ. սիրիական կուսակցություն ՀԱՊԿ ինստիտուտը հայ մարզիկներին 10 բայդարկա և կանոէ է նվիրաբերել Ucom-ի բաժանորդները ԱՄՆ-ում կօգտվեն ռոմինգի նոր սակագներից Հայաստանն Աշխարհի մամուլի ազատության ինդեքսում 79-րդն է Երևանի ավագանին անհատույց օգտագործման իրավունքով տարածքներ է տրամադրել մի շարք կազմակերպությունների Սերժ Սարգսյանն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Զալբերին ՊԵԿ-ը օպերատիվ-հետախուզական միջոցառումներ է նախաձեռնել ադրբեջանական արկղերով խնձորների հայտնվելու դեպքի առթիվ ՏՄՊՊՀ-ն բջջային օպերատորներին կոչ է արել կանխել ծառայությունների գների բարձրացումը վերավաճառողների շրջանում Դա պատմության մաս է, որով ոչ ոք չի կարող հպարտանալ. Հնդկաստանի փոխնախագահը` Հայոց ցեղասպանության մասին
Այսօր Այս շաբաթ Այս ամիս
website by Sargssyan