Երևան, 20.Հունիս.2018,
--
:
--
,

Քաղաքական բամբասանքների շքերթ



Ազգային ժողովի ընտրություններից հետո ամենամեծ ակնկալիքը, որը պետք է ունենար հայաստանյան հասարակությունը, խորքային ու արմատական քաղաքական գործընթացներն էին։ Անշուշտ, քանի դեռ Կենտրոնական ընտրական հանձնաժողովի համապատասխան զեկույցը հրապարակված չէ, խորհրդարանի վերջնական կազմը դեռևս հստակ չէ, սակայն սա չպետք է խանգարեր քաղաքական գործընթացի ձևավորմանը, առավել ևս այն դեպքում, երբ առաջիկայում Երևանի ավագանու ընտրություններն են։ Այս փաստը պետք է սթափեցնող ազդեցություն ունենար, և քաղաքական ուժերը հարկ է, որ կրկին նետվեին նախընտրական արշավի:

Սակայն այն, ինչ վերջին օրերին կատարվում է հայաստանյան լրատվական հարթակներում, շատ դժվար է քաղաքական գործընթացի նկարագրություն անվանել։ Ըստ էության մենք շարունակում ենք ականատես լինել վաղուց արդեն սովորական երևույթներին, այն է՝ ինչ–որ մեկի պրոյեկտը լինելու մասին արդեն զավեշտալի դարձող մեղադրանքներին։
Այս առումով ՕՐՕ դաշինքի ներկայացուցիչ Արմեն Մարտիրոսյանը մամուլի ասուլիսի ընթացքում ուղղակիորեն հայտարարում է, թե «Ելք» դաշինքի ցուցակը կազմվել է Վատիկանում ՀՀ դեսպան և Սերժ Սարգսյանի փեսա Միքայել Մինասյանի ուշադիր հայացքի տակ, ֆեյսբուքյան գրառմամբ Մարտիրոսյանին հակադարձում է Նիկոլ Փաշինյանը՝ գրեթե նույնատիպ մեղադրանքով։ Բանը հասնում է նրան, որ Միքայել Մինասյանն իր հերթին հանդես է գալիս բաց նամակով՝ կողմերին կոչ անելով չհոլովել իր անունը իր անձի և գործունեության հետ կապ չունեցող իրողությունների կապակցությամբ։ Արդյունքում այս ամբողջ թնջուկը վերածվում է որևէ արդյունք չտվող կենցաղային զրույցի։
Պետք է նշել, որ որևէ մեկի համար գաղտնիք չէ, որ հայաստանյան քաղաքական դաշտում կան և միշտ էլ եղել են ստվերային գործունեություն իրականացնող գործիչներ կամ, այսպես ասած գորշ կարդինալներ, սակայն, որպես կանոն, նման պրոցեսները շատ հազվադեպ են դառնում հանրության սեփականությունը։

Այս տեսանկյունից ՕՐՕ–«Ելք» «փոխհրաձգությունը», մեղմ ասած, անհասկանալի է դառնում, քանի որ եթե կողմերից որևէ մեկը իր պնդումների համար ունի հիմնավոր փաստեր, ապա պետք է պարզապես հրապարակի դրանք՝ նկատի ունենալով թափանցիկ քաղաքական գործընթացի կարևորությունը, իսկ եթե չկան նման փաստեր, և ամեն ինչ մնում է բամբասանքի, պտտվող լուրերի և ենթադրությունների մակարդակում, ապա բացարձակապես անհասկանալի է դառնում նման տեղեկատվությունը լուրջ քաղաքական գործիչների շուրթերից։

Վերջապես, ցավոք սրտի, նման «փոխհրաձգությունները», Օպերայում ռեստորան բացելը և այլ այս մակարդակի տեղեկությունները պարզապես մոռացնել են տալիս նախընտրական շրջանում դպրոցների տնօրենների սկանդալը, ընտրակաշառքները, և անշուշտ, հայաստանյան քաղաքական դաշտի առավել բովանդակային խնդիրներն ու մարտահրավերները, որոնք, կարծում ենք, շատ ավելի մեծ կարևորություն ունեն, քան քաղաքական ու լրատվական դաշտերում պտտվող բամբասանքները։
Վերջապես այս ամենից զատ, եթե այսօրինակ բանավեճերի ենք մենք հանդիպելու նաև առաջիկայում, ապա ի՞նչ պառլամենտարիզմի մասին կարող է խոսք գնալ ընդհանրապես։

ԱՐՇԱԿ   ԱՐՇԱԿՅԱՆ

loading...
Զենքի սպառնալիքով մարդուն առևանգելու համար քաղաքացին ներգրավվել է որպես մեղադրյալ Լոնդոնի «Արսենալ»-ը նոր դարպասապահ ունի Ուղիղ միացում ԱԺ-ից Բելգիայում ալմաստների ողորկման հեղաշրջիչ տեխնոլոգիա են ստեղծել Թրամփը Չինաստանին սպառնացել Է մաքսերի հերթական ընդգրկուն բարձրացմամբ Սպիտակ տունը հավաստեց, որ ԱՄՆ-ի եւ Հարավային Կորեայի համատեղ զորավարժությունները կդադարեցվեն Արցախ մուտքի արտոնագիր ստանալու համար օտարերկրացի զույգն ԱԳՆ է դիմել հարսանեկան զգեստով Թուրքիայի նախագահի ընդդիմադիր թեկնածուն Էրդողանին հեռուստաբանավեճի է հրավիրել Պենդերեցկու հոբելյանական փառատոնին հրավիրված են հայ բարձրաստիճան այրեր ու երաժշտական ոլորտի ներկայացուցիչներ ԱՄՆ-ի Սենատն ընդունեց Պենտագոնի՝ 716 միլարդ դոլարի բյուջեի նախագիծը ՀՀ գլխավոր հարկադիր կատարողը հանդիպել է ծառայության ղեկավար կազմի հետ Ճապոնիայում տասնյակ հետցնցումներ են տեղի ունեցել ուժգին երկրաշարժից հետո Ոստիկանությունը Մանվել Գրիգորյանի գործով նոր բացահայտում է արել. տեսանյութ Թուրքիան չի հրաժարվի ռուսական C-400 զենիթահրթիռային համակարգերի գնումից. Չավուշօղլու Կիմ Չեն Ընը ժամանել Է Պեկին Մանվել Գրիգորյանը ԱԱԾ աշխատակիցների կողմից հայտնաբերված ապրանքների հետ որևէ առնչություն չունի. պաշտպան Աստանայում բացվել Է ԱՊՀ-ի գիտական ու ստեղծագործական մտավորականության համաժողովը Հայ համայնքը ցանկանում է պատրիարք ընտրել. Փայլանն ամոթալի է համարում Թուրքիայի իշխանությունների միջամտությունը գործընթացին Մանվել Գրիգորյանի քրեական գործով այլ կասկածյալներ ևս կան. Արթուր Դավթյան 77 կողմ, 3 դեմ. ԱԺ-ն հավանություն տվեց Մանվել Գրիգորյանին ազատությունից զրկելու միջնորդությանը ՊՆ զորամասի հրամանատարին մեղադրանք է առաջադրվել շորթմամբ կաշառք ստանալու համար Հակառակորդն Արցախի ՊԲ սահմանային դիտարկում իրականացնող անօդաչու թռչող սարք է խոցել Ասկերանի շրջանի վարչակազմի ղեկավարն ազատվել է. պաշտոնում նշանակվել է Գեղամ Բեգլարյանը
Այսօր Այս շաբաթ Այս ամիս
website by Sargssyan