Երևան, 26.Փետրվար.2018,
--
:
--
,

Արթուր Գևորգյան. «Արտակ Սարգսյանը չի կարող նեղացած լինել ինձնից կամ ես Արտակ Սարգսյանի շտաբը փակած լինեմ»


Աջափնյակ, Դավիթաշեն և Արաբկիր ընտրատարածքում առաջադրված պատգամավորության թեկնածու Արմեն Առաքելյանը երեկվա ասուլիսում հայտարարեց, որ Դավիթաշենում ուղղակի անհնար է շտաբ վերցնել, նույնը նաև Աջափնյակում: «Դավիթաշենում Տիգրան Պետրոսյան փողոցի հարակից թաղամասերում ամեն շենքի տակ Արթուր Գևորգյանի շտաբն է, բոլոր հնարավոր շտաբները վերցված են, որն էլ վերցված չի, փողը տվել են, որ մյուսներին չտրամադրեն, նույնը ՀՅԴ–ն, մեծ պայքարից հետո ԲՀԿ–ն կարողացավ շտաբ վերցնել: ՀՀԿ թեկնածու Արտակ Սարգսյանը, որ 4 շտաբ բացել էր, 4–ն էլ փակեց ու հեռացավ Դավիթաշենից»,– հայտարարեց Առաքելյանը:
 «Փաստը» մի քանի հարց ուղղեց Դավիթաշենում ՀՀԿ–ից առաջադրված ՀՀԿ պատգամավոր Արթուր Գևորգյանին, ով ոստիկանապետ Վլադիմիր Գասպարյանի փեսան է:

– Պարոն Գևորգյան, Ձեր ընտրատարածքի «Ազատ դեմոկրատների» թեկնածուն ասաց, որ Դավիթաշենում հնարավոր չէ շտաբ վերցնել, քանի որ Դուք, էսպես ասած, բռնազավթել եք բոլոր տարածքները:

– Լավ էլի, ինձ ոչ մեկը դեռ չի դիմել: Ով դիմել է, օգնել ենք, շտաբ է վերցրել, եթե խնդիր է ունեցել:

– Բայց Ձեզ ինչո՞ւ պիտի դիմեին Դավիթաշենում շտաբ վերցնելու համար:

– Դե, հիմա մարդ կա, դիմել է, ասել է չենք կարողանում վարձով տարածք ճարենք, ես օգնել եմ, որ վարձով տարածք ճարեն: Նենց որ ոչ մի սահմանափակում չկա: Ես այդ թեկնածուին չեմ ճանաչում: Իսկ ինչի մասին, որ խոսում է՝ շտաբ է փակվել և այլն, անհեթեթություն ա:

– Թեկնածուն ասաց, որ «ՍԱՍ»–ի սեփականատեր Արտակ Սարգսյանը Դավիթաշենում 4 տարածք է փակել:

– Դա պիտի Արտակ Սարգսյանին հարցնեք, թե արդյոք կա՞ նման բան, որ իր շտաբները փակվել են կամ ինչ–որ մեկին նեղացրել են, բացառված ա: ԲՀԿ–ն էլ ունի շտաբ, դաշնակներն էլ ունեն շտաբ, ՕԵԿ–ն էլ ունի: Բոլորն էլ ունեն շտաբներ: Ով ուզեցել ա շտաբ ունենա, խնդրել են մարդիկ, եթե չեն կարողացել, օգնել ենք: Արտակ Սարգսյանը չի կարա նեղացած լինի ինձանից կամ ես Արտակ Սարգսյանի շտաբը փակած լինեմ, որովհետև Արտակ Սարգսյանն իմ թիմակիցն ա: Խնդիր կա՞, մեկը բողոքե՞լ է Գևորգյան Արթուրից կամ իմ թիմակիցներից: Ինչ–որ մի կուսակցություն, լինի դա՝ ԲՀԿ–ն, Դաշնակցությունը, ՕԵԿ–ը, ԵԼՔ–ը: Էդ մարդը բողոքո՞ւմ է, որ Արթուր Գևորգյանի թիմակիցները նեղացրել են: Եթե վարձով տարածք չկա, ո՞վ ա մեղավոր, որ չեն կարում տարածք վերցնեն: Թող գնան թանկ վճարեն, լավ տարածք վերցնեն: Բացառված ա, որ մարդուն պետք լինի վարձակալելու տարածք, չկարողանա գտնել:

– Իսկ հնարավո՞ր է Արտակ Սարգսյանը Ձեր որոշ պայմանավորվածության արդյունքում է շտաբները փակել:

– Լավ էլի, Արտակ Սարգսյանի ձայներն էլ, իմ ձայներն էլ ծառայելու են նույն նպատակին:

– Ոչ, Դուք Ձեր ձայների համար եք աշխատում, Արտակ Սարգսյանն՝ իր:

– Դուք մի մոռացեք, որ ես Երևանի պատմության մեջ ամենաշատ ձայն հավաքած պատգամավորն եմ՝ 25 հազար:

– Ու ինչի՞ հաշվին:

– Իմ հեղինակության, մարդկության, մարդկային մոտեցման հաշվին: Ես աշխատել եմ վարչական շրջանի ղեկավար և լավ եմ աշխատել:

– Իսկ կարելի՞ է իմանալ՝ արտառոց ի՞նչ եք արել:

– Այ, որ գաք Դավիթաշեն, բնակիչներին հարցնեք, էն ժամանակ իրանք կասեն, ինչ եմ արել:

– Գաղտնիք չէ նաև, որ Դուք հզոր կապեր ունեք՝ ի դեմս ոստիկանապետ Վլադիմիր Գասպարյանի: Ուզում եք ասել, ինքը Ձեզ չի՞ աջակցել:

– Ձեր համար ա ոստիկանապետ, ինձ համար իմ կնոջ հայրն ա ընդամենը: Ինչի՞ մասին եք խոսում:


Մարինե Խառատյան

loading...
Օլիմպիական խաղերն ավարտվեցին Բասկետբոլի Հայաստանի հավաքականը ջախջախեց Ալբանիային Վայոց ձորի մարզում երկրաշարժ է գրանցվել Նորվեգիան Օլիմպիական խաղերի մեդալների ոչ պաշտոնական հաշվարկի հաղթողն է. 39 մեդալ Արսենալ- Մանչեսթր սիթի. ուղիղ հեռարձակում Հնդկաստանում հեռացրել են ուղեղի ամենամեծ ուռուցքն աշխարհում Gucci-ի ցուցադրության ժամանակ մոդելները բարձրահարթակ են դուրս եկել իրենց գլուխները ձեռքներին Ադրբեջանում հաշվառված թմրամոլների թիվը 5 հազարով ավելացել է 98 տարեկանում մահացել է հոլիվուդյան հայտնի դերասանուհի Նանետ Ֆաբրեյը Որոշ գեներ մարդու մահվանից հետո շարունակում են գործել. գիտնականներ Աբովյանի սոցաջակցության աշխատակիցը որպես կաշառք պահանջել և ստացել է օրենքով նախատեսված նպաստների մի մասը Հայաստանի՝ ԵԱՏՄ-ին անդամակցության ընթացքում արտահանումն աճել է մոտ 50 տոկոսով ԱՄՆ-ն առաջիկայում կհայտարարի ՌԴ-ի դեմ նոր պատժամիջոցների մասին Սերբիան երբևէ պատժամիջոցներ չի կիրառի Ռուսաստանի դեմ.Վուչիչ Մոսկվան Վաշինգտոնին և Փհենյանին կոչ է անում սկսել ուղիղ երկխոսություն Արմեն Սարգսյանն Անթիլիասի մայրավանքում հանդիպել է Արամ Ա-ի հետ Արթուր Ալեքսանյանը հաղթել է Կիևի միջազգային մրցաշարում «Ծառուկյան» խմբակցությունը կողմ կքվեարկի ՀՀ նախագահի պաշտոնում Արմեն Սարգսյանի թեկնածությանը Հեռուստացույցով տարվելը վտանգավոր է Twitter-ը կարգելի միաժամանակ համանման հաղորդագրություններ հրապարակել մի քանի օգտահաշիվներից Սեւ պաղպաղակ. Կորեայում ինչով են հյուրասիրում Օլիմպիական խաղերի հյուրերին Շվեդները հանգուցյալների հետ «շփման» տեխնոլոգիա են մշակում Արմեն Սարգսյանը Լիբանանում կհանդիպի Արամ Ա կաթողիկոսի հետ
Այսօր Այս շաբաթ Այս ամիս
website by Sargssyan